Wednesday, December 9, 2009

金鈴﹣5(下)鎚酷刑

醫師攞左一枝似小型鎚鬆豬扒嘅鎚出嚟


我:咦!呢隻D針短好多喎,唔係拮入反射區架?

醫:呢隻真係為頭髮,拮頭皮架,都拎左出嚟,同你試下啦!

我諗我對眼應該從未睜到咁大兼口震:吓?你唔係話我未去到要用佢嘅程度架咩?

醫:你針左四次都無毛出,就試下啦!

我:駛唔駛額外再比錢架?(諗住佢要收錢,我打退堂鼓,點知。。。)

醫:唔駛,放心喎!

因為針灸都已經過左十五分鐘,醫師先拔走之前嘅其中四枝,跟住話:D風仲未出哂,你話你幾多風吖!,但梅花針都可以出風;嚟啦喎

我死狗:嚟啦

醫:以密集嘅速度dump落嚟話:你D血氣行得差呀,咁拮都唔見血呀

我死狗:aiya,咁要dump幾耐,aiya

醫:5-10分鐘,一定要見血

我:aiya,aiya,aiyaya

喺呢十分鐘佢猛講梅花針嘅用處,但我掛住aiya,得番咁多。。。食左藥,D藥應該會帶上頭,令頭髮生番出嚟,但血氣唔夠,就帶唔到D藥上頭,aiya,拮完血氣會行番順。。。aiya,得番咁多;題外話,原來渣拔蘭地上頭都係同樣作用

痛其實只係一般,但之後全日成個人都好熱,除剩件短袖tee行街,食啖咖喱,都滾到上頭



咁都唔出毛就真係玩完!

24 意見:

Ogake said...

恐懼鬥室7之檔案39, 一定要見血~ 好恐怖~

朱朋 said...

好鐘意個標題, 仲有太皇太后上身:同我打到見血為止...hahaha!

13elle said...

一定要見血lol
咁你睇完醫生果時個頭係唔係好腥?

KennyT said...

wa

阿ta said...

好似好辛苦喎....其實你係咪要諗下你有冇咁嘅需要呢?
有冇人陪你去俾你咬手臂之類? 搵人support下會好過d掛....

邪留丸~ said...

驚~~~~~
@~@

supageti said...

無眼睇 ~~~ @@

karvitz said...

其實如果你係一向都手腳冰凍,佢針完你之後熱到要脫,果真係有效。但咁谷法會唔會傷身?問下醫師好喎!

maymay said...

睇梅花針嘅長度,揼咁多野,冇理由唔見血架喎??

naruto said...

Ogake:
你嚟唔嚟恐懼鬥室呀?

朱朋:
肯讚我呀,你果然有病

13elle:
其實最後佢用消毒藥水棉花消毒完,我見唔係好多血

KennyT:
wa wa愛天下

阿ta:
講真架呢。。。真係無諗過用梅花針,但係痛嘅程度其實唔大,寫誇左少少啫

我膽大過沙煲

邪留丸~ :
我都未驚,你驚乜

supageti:
我攞左兩枝,我幫你試下,hehe

karvitz:
問埋啦,只係血氣行得快嘅後果,第二日天氣轉涼,已經唔覺

maymay:
咁咪就係無鬼用囉

阿寶 Francis said...

嘩~!!! 勁恐怖囉~!!!!!!!!!!!!!

黑柴 said...

檔案39我有睇,好恐怖!

渣拔蘭地上頭已証實係廢架喎!

supageti said...

攞兩枝做乜鬼?拮上癮牙?

naruto said...

阿寶 Francis:
我無出樣喎

黑柴:
嗱!渣拔蘭地上頭只係幫血氣運行,仲要食藥架

ps:我記得細個時,阿公成日渣拔蘭地,佢又多頭髮架喎

supageti:
都dump左,枝野又唔重用,咪問佢攞嚟影相囉;
點知佢論盡,dump dump下跌左落地;換過枝,佢又比埋我,咁咪兩枝囉

John To said...

你個"鎚酷刑"係食字嘅!食徐浩縈!

冇人睇到得我睇到!

yeah!

naruto said...

John To:
睇呢個blog嘅都係高智慧生物嚟架,點會睇唔到呀!

Ellen老師 said...

其實,係未真係得呀?老友!

naruto said...

Ellen老師:
身體就好左好多,咁都要信佢

唔得但身體好左都有賺吖,咪試多幾次囉!

邪留丸~ said...

驚你變咗豬頭啫嗎...
咁都唔得... =3=

largeheadboy said...

真係有見紅呀~~~

naruto said...

邪留丸~:
儍豬嚟嘅,我咁玉樹林峯,點會變豬頭呢!

largeheadboy:
全部針孔咁細,好少啫

Leo said...

下次記住揾返兩位阿姨彈琴陪住至好俾佢扑你呀!陰功!

你口述咗幾次我都唔太明梅花針咩樣,原來成個五腳插頭咁款,真係一幅圖片勝過千言萬語,兩幅就勝過二千言同二萬語囉!

naruto said...

Leo:
你嘅留言亦勝過兩“尊”腐乳“

你駛唔駛比梅花針扑下,扑完會有醍醐灌頂嘅感覺呀!

Leo said...

兩“尊”腐乳“係食字嘅,冇人睇得明,係得我明,哈哈哈哈!

醍醐灌頂?唔好喇,我中意波譎雲詭多啲喎!

Related Posts Plugin for WordPress, Blogger...