問題

圖中嘅ＳＬＯＧＡＮ係咩廣告？



聽日開估

後空翻？無難度！

比人質疑我無打後空翻？今日繼續。。。

前一日仲發緊燒，呢日明顯無乜力，完成所有指定動作後，好Ｘ攰！


地點係高雄夢時代頂層，台幣150，約十五分鐘，強力推介

......................................................
另外。。。關於早幾日加拿大阿仔嘅下文

我：老豆，邊個係加拿大阿仔？

老豆：你把聲喃磨咁，𠲖𠲖啊啊！以為係阿ＬＥＥ仔，佢年年都好乖初一打嚟拜年

我：吓！我同學阿ＬＥＥ？你竟然認錯我係我同學？

結論：撞聾又唔認

步步高升

彈高後可望到高雄全景,好正

台灣印象

通街都係田中千繪,MV係佢,新戲又係佢,廣告又係佢;
發燒時諗起佢嘅金句...為甚麽欺負我


開親channel V都係羅志祥同棒棒仔,但記得嘅反而係呢一首


陳綺貞相隔三年後的新作,剛上架,快支持


.........
整理旅行相片中,以為病到無力影少咗,原來都有九百幾張,自已都嚇親

今曰追加

*黑妹捱唔過呢關,來世望妳可以做個好人

*劉皇發支簽無人叫佢求,當係佢自己嘅好喇

*上演火燒連環船,赤壁宣傳嚟架?

*胡總初一都出嚟做Show....辛苦哂!

初二...

全家(爸,媽,姐,姐夫,弟,弟婦)去哂菲律賓島仔避年,得番我一枝今;
初一早上起身,打個電話比老豆拜年....

我:恭喜發財,萬事勝意身體健康呀

爸:恭喜發財,你都係呀!...你係邊個呀?

我:吓,我係阿仔呀!

爸:啊!你喺加拿大打嚟呀?

我:我喺天水圍打嚟呀,阿鳴呀!

爸:原來係阿鳴,嘻嘻,家姐啱啱準備落水

........

邊個係加拿大阿仔?我一定要查出嚟

初一....

D電視真係好悶,坐係度發哂毛

番咗嚟呀

話說香港一上機已經有D唔妥,開哂暖氣,空氣好焗;
搭完車到塈丁後,又超天氣晴,但又大風喎,瞓到半夜沾寒沾凍,著多件衫又出哂汗,跟住咪發燒囉!
食panadol都禁唔住....

睇咗醫生,好番好多Lu,今日仲挑戰咗自己嘅極限添

過今次狀態差,D相無乜感覺,整理吓至放喺blog

大快活的美女

客人：唔該，同我個邊爐加Ｄ水吖

經理：美女，二號枱加水

客人懷住忐忑嘅心情望過去。。。。




完

四十二章經

與朋友聚會，講到韋小寶同佢Ｄ老婆。。。

我問：其實陳小春做嗰套，邊個做佢Ｄ老婆？

朋友們：。。。。

竟然一個都噏唔出；

同一個問題問我細佬家姐，結果一樣；

一星期後，細佬笑騎騎咁同我講：阿哥，我同事知邊個做佢老婆

我問：咁係邊個呀？

細佬：陳法蓉，我同事話記得佢講咗一句好經典嘅對白。。。。。
。
。
。
。
。
。
。
。
。
。
。
細實咦爭經 （應該明點解呀呵，唔明問徐子琪）

後記，我同事糾正話陳法蓉係做張偉健嗰套，而佢係做太后

完

hotel now

why stay at hotal..... fever ah, go to clinic later, wu wu wu

人有相似？

成人有人話我似呢個似嗰個，其中一個係張堅廷，我一路都唔覺，但化身漫畫後，又真係有Ｄ似咁喎！雖然我好樣Ｄ


其餘依排名仲有鄭Ｘ瑞，ＭＲ.BEAＸ，農夫嘅陸Ｘ，李燦Ｘ，馬Ｘ偉。。。其實似後三個都有賺，不過我明明覺得我似瀧Ｘ秀明＋妻Ｘ木聰架喎

注意：今次Ｘ唔係頸

完

床底寶箱之史前特刋。。。新紮師兄

當今香港攞得最多屆影帝同影后獎嘅梁朝偉同張曼玉。。。經典作“新紮師兄“

特刋又係雙封面，一人一面唔駛爭


曼班打頭陣，嘩！唔睇番都唔記得佢咁青春呀


梁朝偉都叫有活力？




主角介紹，留意右下角，未發福嘅呂方


左下角嘅上官玉影相都仲講電話，真係剪型港女呀！
喂！關健呀！我今晚開枱，自己買飯食啦！（設計對白）


哇哇哇！傳說中嘅潘宏彬呀，原來有做戲架


最後送Ｄ無聊花絮，咁就五蚊


完

Ｘ年前的東京箱根之旅

出ＢＬＯＧ之日我飛咗去高雄，ＲＥ一ＲＥＬＡＸ，臨走寫咗呢篇旅行ＢＬＯＧ；
99年去東京箱根，玩得好開心，悠閒＋刺激＋ＳＨＯＰＰＩＮＧ一舖過，好滿足呀！

箱根間酒店叫湯本吉池，酒店房所望出去，哇！好靚呀！


即刻衫都唔換就仆咗落去影相




喺酒店房著埋和服食飯，食完浸溫泉，溫泉相係唔會登嘅

跟住去八景島樂園玩當時世界第三高跳樓機，107公尺高；第一次玩跳樓機，一玩上癮
點解會有相？同行有人唔敢玩，咁咪做攝影師囉！


跟住去台場，當年第一次去，又正值LOVE GENERATION推介彩虹橋，玩足一日呀


台場嘅世嘉遊樂場。。。諗住之前跳樓機都得，呢架三樓高嘅雙人打千秋無理由唔得，點知一開始上到頂就嚇呆咗，竟然真係好驚；唔忿氣，耿耿於懷，為咗咁，兩年後再去玩過，先發覺，原來第一次條安全帶縛得唔夠緊，太多虛位，所以人企唔穩，呢次再玩成績嬌人，離心自轉咗十一次，乜仇都報哂

坐緊呢張係電椅，要除眼鏡架，本來無人玩，經我呢個演技派玩完後，出現長龍


呢次係最開心旅程之一，希望四日三夜高雄之旅都係咁正啦

休卜幾ＤＡＹ，呢篇分幾日睇啦！

完

金魚

呢張相好鍾意，因為埋藏好多故事。。。

１／呢張係我第一張寶麗萊（我有超多寶麗萊相）
２／第一件自己揀嘅衫，我揀咗金魚（自細都鍾意養魚，尤其金魚）
３／呢張相喺上環某酒樓影，我食得太多餐前合桃，結果嘔到未開餐已經返屋企




完

共通點

蘇絲黃／Maria Cadero/黃麗梅
除咗大家係女人同飲食主持外，佢地仲有個我好怕嘅共通點。。。


















好嘈呀！

點解要嗌住嚟講嘢，現場收音好差咩
搭巴士Ｄ人講電話又係咁，你個電話收得咁差就換過個啦，撞聾唔係戴藍牙架,戴助聽器啦，

過馬路要小心

睇唔睇得出張相有咩問題？下面有答案

.
.
.
.
.
.
.
.
.
.
.
.
.
.
（時事專訪）
鳴門:喂！紅綠燈，你究竟比人定比車睇架呢?
紅綠燈:前日好凍!有個變態佬走嚟扭我條X

有知情人事透露,近日各區都有疑兇扭人條X,懷疑有人因自己係X長期僵硬,因而心理變態下犯案,各位小心

ps:記得睇崖上的欣宜呀
／
完

一月星級推介

哇！好食到“必SEE"？
好busy咁“必SEE"？
定係食完會“必SEE"呢？




好緊張呀!有無人食過呀?

完

床底寶箱之史前特刋。。。鹿鼎記

睇咗半集“鹿鼎記“，阿小寶現代過現代，Ｄ女角模糊過模型，係時候ＳＨＯＷ本鹿鼎記愛藏版特刋嚟比大家懷一個ＸＸ的舊喇！

雙封面，朝偉與德華，你鍾意邊多Ｄ呀？



第一版竟然唔係佢兩位而係呂有慧，ＳＫＩＰ；第二版，華ＤＥＥ出場先喎！咁肥嘅？


跟住到朝偉，成個細路樣，童工嚟架？


跟住到人物介紹，嘩，佔咗半本，呃錢，精選呢版，右上有ＢＥＮＺ雄，右下有賣齎嘅杏旋


七個女角分唔勻兩版，益咗狄寶娜摩亞。
咦！賞姐，乜你都喺度呀？


中間大頁有齊小寶加七個老婆，我當時捧嘅係景黛音


無記當年特刋我應該算齊，有邊本想睇呀？

攪乜鬼XX雜作 2

•十年無見嘅設計學校同學聚會，臨完場影了張大合照。
重點：一眼望埋去眾男生之中，我都算最睇得啦掛～


•今天的飛行，沒教練在旁，舒服得多了！


•路牌：我條Ｘ比人拗斷咗


•睇報紙見到十年後的魯狗，活潑精靈，毛色有光澤，掂！


相關網站：http://www.dailymail.co.uk/news/article-1113506/Meet-Patch-At-60-plus-pounds-pooch-dieting-dog-lot-lose.html?ITO=1490

似曾相識？請往右方院友處查找

完，但一定有第三集

紫雲軒

半年前就係喺呢度食飯傾掂返工，跟住返工咁耐反而無幫趁過，朋友從北京返嚟放假，就帶佢食一次啦！佢食過北京正店，話相差超遠啦！



LUNCH MENU個湯獨孤一味蕃茄海鮮湯（無選擇，真係聽執粒），唔要個湯，佢換咗個曼頭比我，隻綠色牛油幾好味
前菜係點心，ＯＫ嘅，但同個環境唔多夾喎
主菜我點意粉，無驚喜，$128五五折，勝在少人


完蛋

桃花緣

數碼港重金買咗棵桃花王，真係好大呀，快Ｄ過去"dou"個圈行過桃花運先。。。

咦！花呢？

呀！有一朵（紅圈）

一朵都係緣啊！

求簽

朋友send來的網上求簽,即係好唔好呢?有無解簽人?



邊個想玩?留個e-mail比我,我forward比你

床底寶箱之史前黑膠（六）。。。白版

續上集,呢堆後生D都可能唔識

韋綺珊Show Quali之作：跪在大門後

當年滾石打入香港市場重要嘅一著：群星合唱﹣東方之珠


張立基金曲：Electric Girl


文佩玲：鬥氣，話時話，完全唔記得


羅嘉良嘅多少次，有無人識唱？


ECHO：不再糾纏，幾好聽架，而家間中都仲播緊


四條佬當年逐個踏入香港市場，你鍾意邊個？來自你，來自我，來自他


呢幾隻可能削Ｄ，但其實當年都ＨＩＴ過吓,你，係唔係全部都識呢？

白板-完

白板全部播映鉛筆，下星期同樣時間未知播乜，多謝收睇！

星期六第一篇﹣夠鐘食糖

見到一粒二粒五顏六色嘅糖同汽水，胃口大開！

希望快啲啃飽，夜晚有覺好瞓喇！

星期六第三篇﹣派米呀！搶呀！

去百佳門口部機ＣＨＥＣＫ吓易賞錢Ｄ分，竟然話有兩包米唔駛錢，即刻襟飛換領，唔駛排隊，百佳對我地呢Ｄ長者真係好囉！下次大包Ｄ吖唔該


一次過出三篇，無人話我呃blog啦啩

星期六第二篇﹣成身暖哂

咁Ｘ凍，明日之後咩，浸住滾水成粒鐘，加埋吉之島十蚊店但係九折買嘅溫泉包，睇吓書，疏干，不過一路係咁加熱水，好哂煤氣

床底寶箱之史前黑膠（五）。。。白版

繼續寫吓Ｄ另類白板碟先，

朱咪咪：今天的。。。我呢隻勁鍾意，唔捨得聽，應該會賣到高價呀！



其實，我阿媽成日比人話似佢，但又無人話我似咪咪姐喎！

開始大掃除

執呀執呀！終於攪掂個廳，聽日開始執房


喂喂，唔好等到年廿八，快Ｄ開工

好天氣

星期日，天氣回暖，見日落好靚，落街影咗幾張相。。。


有Ｄ似未番工前嘅生活

我的秘密

其實我以前係x-men之一，外號“拉燈“，特異功能都係“拉燈“


有無人要我簽名？五蚊張3R,二十蚊張8R

用paypal付款9折

完

床“頭“寶箱之同居密友

今次唔講床底講床頭，佢地晚晚都陪住我架！

鐵甲萬能俠。。。自從朋友號失踨後，佢就鬱鬱寡歡,腦袋空虛,唔肯食飯


蜘蛛俠。。。懶型，成日扮大阿哥,牙牙詐詐


鐵甲萬能俠同三一萬能俠。。。並肩作戰好朋友


金裝三一萬能俠。。。大大舊，但可能有關節痛，成日跌


哥斯拉。。。屋企無花Ｃ奶，哥斯拉就有四個,兩個搬咗去港島阿媽屋企


鐵人28號。。。小時候至愛，入錢會郁架


小飛俠。。。而家無啦啦叫阿童木


揸揸冰。。。來自美國,唯一一個外國移民，比其他同伴排斥,覺得佢累街坊


全家福，邊個最型？（除咗我之外）


其實我以前都係超人集團嘅超人之一，聽日會詳盡介紹

つづく