發燒下的雜談

星期四，日頭做野都仲無事，夜晚去奧海城準備睇黑天鵝，先去食碗牛河同三色冰，食完就開始手腳無力

睇黑天鵝，越坐越凍（套戲都會另你凍多兩度），戴哂帽同頸巾，番到屋企食埋上次食剩嘅感冒藥開埋暖壚就瞓

星期五早上，一覺non-stop九個鐘，起身，全身流汗到濕哂，瀉左兩次，沾寒沾凍，下晝睇醫生，輕微發燒，但食左藥又OK番喎

星期五晚，約左ogake,artman等食飯吹水，因為好耐之前約定，見無乜事，決定去，最多包密D

飯後番屋企，落巴士，行番屋企途中，街道嘅平衡線放射線斜左，個世界Y曲左喎，D微風吹埋嚟，透入肉，骨都感受到，難受；我一定係發緊燒啦～

番到屋企，量下先，103.8；突然覺得好肚餓(我夜晚係好少肚餓㗎），淥左個麵，食藥瞓覺

星期六朝，完全無事咁喎，係瀉左一次啫，兼且藥入面有止瀉藥，應該無事啩；咁就出去睇大和號啦，揀左the one，間戲院好靚呀，入場嘅時候，地球未爆破之前，我先要去爆第二樣野，好彩，the one戲院個厠所無論設計，環境同衛生都一流，先令我可舒舒服服睇晒太和號

星期六晚，表面真係無事喎，但食左藥，wing下wing下，覆blog時明明見到係意粉，意然打左maymay，證明食藥後係唔可以覆blog架

加插一單恐佈野。。。近一星期，右邊下巴有一條鬚超粗，頂到個毛孔紅哂都出唔到嚟，試過用手幫佢拉出D，唔得，用較剪剪又唔得；
睇太和號時(因為有悶場），用手刮下刮下，用指甲拑左幾次下，“斜”出左一條成粒米咁粗但長過一粒米嘅鬚出嚟，現場太黑，睇唔清，是旦放落衫袋；完場時行街醒起，摷下個袋，竟然摷到，真係好粗，同朋友講，佢話：“哇!黑天鵝呀”（有睇應該明我講乜），我嚇到跌左條毛；夜晚番去照下個背脊先。。。

Facebook,facebook,幾時都要上facebook

有人會喺面書講一曰三餐食左乜，我覺得ok
有人會講下公司嘅怪事，趣事，我ok

但有d人係電話不離手，好似係身體一部份，內置一樣，唔係講電話就係上網，我成日想，無左個電話佢地係會死架；睇下呢個例子

今日呢，我去剪頭髮；剪之前去洗頭，我通常都合埋眼，但從眼尾見到隔離個＂床位＂郁嚟郁去，原來隔離比人洗緊頭嘅長髮大＂突＂眼女，拎住部iphone捽下捽下，又影相;十分鐘後 我洗完，行過＂裝＂下，果然係上Facebook....

我估....無人想知你洗緊頭囉，抖下啦，香港人

黑天鵝

呢套堅掂喎，不過原來係恐佈片，有D位都驚嚇，我嚇到嗌左兩野呀；劇情唔講，留番你自己去睇。。。


一向對有份競逐奧斯卡最佳電影嘅都會有避忌，因為通常都悶到出C，所以通常唔睇；但呢套藝術商業兼備喎，燈光剪接特技都一流，妮妲莉寶文更係入型入格，唔知點樣練番嚟，真係癲癲地，呢套見議要入戲院睇，我相信屋企睇會無哂氣氛囉

因為係抽獎番嚟嘅特別場戲飛，9:40pm開場，9:10pm到已經有近50人喺前面，但竟然要9:45pm先入得場，附近D人又嘈，我咁啱又病病地腳軟喎，只望快D有得坐低咋

我極力推介香港片商或者無線拍番套本地版，衛蘭做白天鵝，衛詩做黑天鵝，加埋盧宛茵做阿媽，盧覓雪做前輩，一齊上台跳，跳到台都震咁就正啦

中場有悶場扣左D分，呢套我比89

偷食？

去酒樓餐館食飯，好怕見到佢地嘅厠所，貼住張叫員工洗手保持衛生嘅poster;
潛台詞即係佢地D厨師屙完唔洗手，跟住切個靚魚生過你食，唔係使鬼嚟個溫馨提示咩

呢間酒樓張poster都勁喎。。。睇下


一定係有員工偷汽水飲先貼喺呢個位啦

所有員工不得飲食本酒家食物，如違例者，立即解“顧“。

呢D見工講明咪得囉，貼哂出嚟幾咁肉酸呢，仲要錯字㖭～

呢個星期好忙呀～

21/2，星期一嘅早上

從facebook得知我贏左“大和號”嘅抽獎遊戲，獎品係戲飛兩張，開心


21/2，星期一嘅下午

去鰂魚涌開會兼順渡上MILK MAGAZINE office攞獎品，獎品係狗餅

行過見到街貓，諗起個袋有狗餅，比佢食，發覺貓係唔食狗餅架；但，我都唔食，唯有轉贈blog友 ogake嘅小狗B啦
(圖中係兩次嘅獎品）


21/2，星期一嘅黃昏

番屋企開信箱，見到兩封信，其中一封係我嘅回郵信封，即係話我又中獎啦，睇下係乜先，原來係黑天鵝，係之前新假期嘅抽獎遊戲，好開心；



另外一封呢，一開又係戲飛，原來係買本hongkong walker填左問卷調查又抽中，所以寄嚟枕邊冇情人戲飛，本書$8但贏左戲飛，好抵睇呀，一日中三套，開心到癲左



22/2，星期二嘅下午
我自己矇查查，blog友sunsun facebook告知，我中左“火影忍者”戲飛，得5個人中我都有份，yeah!


嚟緊呢個星期都要睇戲呀，好忙呀!

無聊填充題 ﹣ 第二集

死未？咁都有第二集呀。。。

無聊度*


無聊度**


無聊度***


無聊度****


無聊度*****


上一集可以喺呢度重溫，呵呵～

官涌戲院

想寫好耐，舊年七月專登去。。。影相果次佢又搭哂棚，影左張打哂格嘅相番嚟，諗住搵次再去影完先寫呢一篇啦，結果，三月執笠啦～

好down呀，呢D童年，呀唔係，集體回憶又少一樣啦，香港最後一間咸片戲院嘅飛呀，有無人要趁最後幾日去儲番張呢？


以前，成日同朋友都會笑果D咸片名，覺得創意無限呀；
相入面果套講尼姑嘅，戲名叫”咸濕插埋尼“，比起以前改名嘅水準，真係差天共地呀！

飛機維修區

1／啟德搬左之後呢，好耐無試過有隻大飛機喺你頭頂飛過，有無懷念嘈到拆天嘅引擎聲呢？


2／由東涌搭S52到總站就會見到飛機維修區，最好下晝四點左右到，因為可以影黃昏架


3／向後行，一路會見到飛機起飛，幾壯觀架，三分鐘左右就一班，你可以不停換位，換鏡換filter，行前行後，唔靚影到靚


4／最大賣點黃昏＋長橋(事後至知原來係飛機降落嘅指示燈）


睇下其他相：

5／希望


6／奔向太陽


7／飛越18層


8／日落係好快架，以下三張係我嘅至愛呀


9／遲10分鐘，就變成咁樣


10／再10分鐘


完

熱誠 由心？

呢個，個老婆實烤問個老公：佢邊個嚟架？唔識？唔識會對你咁好？你對得我住呀，離婚～（咪就係攪到人妻離子散囉）


呢個仲衰，好地地著埋人地制服，一係𥄫中人地阿媽，一係戀童癖


睇完我覺得史撈近應該係。。。多管 閒事，香港寬頻

烏龍二事

凍呢，個腦都慢D，錯都犯多D

1/沖茶


落茶葉，落埋滾水，咦！蓋呢？，搵勻全個厨房都唔見個茶壼蓋，最後要搵隻碟仔頂住先；

夜晚，洗壼，發現個蓋喺個壼入面，同茶葉一齊泡茶


2/熱水袋



過年前唔知年廿幾嘅一日，太凍，除左開暖爐，我仲要用埋熱水袋，佢本來有個笑哈哈毛套包住，但我覺得佢唔夠暖，於是拆左，剩用個芯。。。
又因為坐喺度做野，我將佢攝落件tee個肚嘅位置扮大肚婆，咁係最暖嘅，但。。。。
實在太凍，於是又將佢放喺tee入面貼肉，但D肉凍到無感覺，一個鐘後，肚腩痕，睇下，原來灼到紅左兼起左一個泡泡，唉!

﹣﹣﹣﹣﹣﹣﹣﹣
寫寫下好似寫緊千奇百趣蔡少芬咁，請比珍

二月份功課。。。香港の貓～寫真 2

1/


2/


3/


4/


5/


6/


7/


8/



附送海外佳麗寫真三張

9/曼谷佳麗


10/澳門佳麗


11/台灣佳麗


鍾意本地定外地佳麗？

二月份功課。。。香港の貓～寫真

二月份，交份簡簡單單嘅功課。。。香港の貓～寫真
原來影下儲下，就嚟夠出本postcard啦。。。

1/


2/


3/


4/



5/



6/



7/



我最鍾意1號果兩隻，好可愛，一叫就走埋嚟～


續

輪流轉，又到我病啦

今日好凍呀，已經唔出街，推哂見客，朋友食飯，涼都唔沖費事除衫冷架啦；

但下晝開始頭開紿痛，瞓左一野食埋必理痛都唔掂，仲有D想嘔㖭。。。

本來夜晚番老豆屋企食飯都番唔到，唯有落街睇醫生；


7:30pm去到診所，診所坐滿人，姑娘叫我8:00pm至番去；出去食碗白粥同腸粉，食飽左，個頭鬆反少少喎；

8:00pm番去，8:20pm至有得睇，醫生話都係感冒啦；睇見醫生個垃圾桶載滿“雪條棍“，一枝“雪條棍“$220，就知佢有幾發啦；

食左藥，而加又好似乜事都無，希望瞓醒暖番D啦；

make個wish，三月升番上30度

ps:立左春都仲咁Q凍，都唔知乜春嚟架

無聊填充題

我其實係無聊定係天才呢？

無聊度*

無聊度**

無聊度***

無聊度****

無聊度*****

完：）

情人節，你快樂嗎？

送個心比大家