密麻麻嘅工作schedule

上兩星期屋企做做做，呢個星期就日日出去set場。。。

星期一。。。屯門
星期二。。。將軍澳
星期三呢，到美食展啦

今年搬左嚟中環海濱，一早去set完以為好順利，麻煩野下晝至嚟

終於做足11個鐘至走，午飯都無食

而家攰到想暈，寫完呢幾隻字，瞓lu，早抖

黃昏＠石硤尾

見美荷樓重開，去八八。。。

其實都估到，唔係幾啱我行，行左個圈就走左；跟住行上佢隔離個山，都幾好影


睇下相簿啦

咖喱A，B，C。。。

吓！又話有行山相睇嘅？

有勁料所以乜都要讓路？

埋嚟睇埋嚟睇，深水埗有間新食店即將營業，改左個好名呀。。。

清楚我嘅一定明我講乜：）

行山

去北海道，好凍，為求狀態好D，星期六日都去左行山。。。

另一個目的係出番身汗，呢期壓力大（都唔知做乜），心情煩燥，行到攰夜晚瞓覺好嘅

仲有，就係操熟部相機，呢期影少左相（少左架啦），幾部機D button記到錯哂，趁機逐部用返熟去旅行影相呀

ps:圖中兩條梯係邊樹？聽日講

執煙頭

髮幾日前，見到呢一幕。。。

有個伯伯喺垃圾桶執煙頭

倒D水出嚟做乜呢？有無人答到我？

見過有D人嗌窮嗌窮，無錢食飯，但有錢食煙喎，呢一隻呢，我係鄙視架。。。

我知道有煙癮呢樣野，我無食過煙我唔知，但去到無錢食飯都要買煙呢，我接受唔到囉

又好似伯伯咁，走去執人食剩嘅煙頭，食陌生人嘅口水尾都肯，我真係覺得好核突好核突

去錯地方？

去郵輪碼頭（個花園），應該著乜野衫去呢？

呢位女士作左個示範。。。

啟德郵輪碼頭

星期日，新屎坑去左“啟德郵輪碼頭”影相，由牛頭角搭5R巴士直達（只在週日及假日行駛）。。。

大家都係上平台公園，今日天氣加運氣相助，有幾張都very like。。。

睇相啦

觀塘景＋藍天＋玻璃樹倒影，咁古怪都比我搵到，所以最愛呢張

耶穌光又嚟啦，先睇下iphone5S嘅水準，測光好掂呀




試埋iphone個全景拍攝，user friendly,零失手

 其餘相片。。。

一念微碳攝影札記比賽﹣下（頒獎啦）

呢個比賽呢，可能欠宣傳，每個月一個主題，累積左十張當月嘅冠軍；

佢地嘅評分擺明唔係唔睇攝影技考，著重嘅係相中意義

睇下，呢堆就係每月冠軍同埋每月最多like啦

右邊嘅牆

左邊嘅牆

怪事嚟啦。。。
總選係冠亞季三個獎，逢贏過每月冠軍都收到email邀請出席

而我喺頒獎禮前一星期獲通知有獎但唔知乜獎，希望我出席上台攞獎

但朋友無獲通知中獎，我叫佢一齊去，一來可以影我得獎果一刻，二來最後張相會比返我地（都好吖）

咁一入去，叫我地登記；職員問朋友：你有無得獎架？（邊有人咁問野架）
朋友：我唔知喎
我懶hill咁話：我係有獎架，收到通知

佢叫朋友登記資料落一張紙，而我，佢拎左第二張紙出嚟，問上面嘅名邊個係我？
答案係。。。。無

個職員call另一職員（B）嚟，B話佢拎錯紙，跟住搵左好耐都搵唔到張得獎名單，叫我坐下先喎（吓？）

咁我去廁所囉，出嚟時，佢話我得到優異獎，因為冠軍外唔知點揀，多左一個獎，於是其餘三個都叫優異獎喎（吓？）

更神奇嘅係，我朋友原來都有優異獎（吓吓？？）

其實左面牆全部都係得獎嘅相片

我上台攞獎，我張怪相我相信贏嘅係果句標題。。。我要睡了，請關燈

呢類比賽，跟本唔睇攝影技巧，最緊要中point

我當日至知，評判係”又一山人“

睇下冠軍果張，個細路玩紙皮箱玩得開心，咁就贏左我喇～～

獎品係藍牙耳筒

呢期嘅心態係，乜獎都殺呀～～～

一念微碳攝影札記比賽﹣中（育嬰講座）

先講頒獎禮後嘅講座。。。

有四名講師，主題係講微炭同小朋友；

其中兩位係師奶，一個講產後，坐月期間嘅微炭環保，我覺得幾廢囉（個粧咁濃夠唔環保啦）

第二個表達能力清楚D，佢講嘅係母乳同環保嘅關係，有D位好笑囉，例如。。。

母乳點解環保呢？
1.奶粉製造過程會用左好多物料啦，個罐最後又會掉啦（我認同嘅）
2.沖奶粉要用奶樽，要煲水；每日至少要煲一公升水沖奶粉喎（吓，阿媽製造母乳唔使飲返多D水嘅？）
3.每日至少用兩公升水洗奶樽（阿媽餵完奶唔使洗佢個天然奶樽嘅？）
4.哺乳期間無月經，慳返幾百條衛生巾（佢越講越激動），果幾百條衛生巾，咪就係堆哂去堆填區囉！

咦！我嚟參加攝影比賽咋喎，做乜變左育嬰講座嘅

一念微碳攝影札記比賽﹣上（無聊的記憶）

星期六，參加「一念微碳攝影札記比賽」頒獎禮，個司儀（機構領導人之一）咁熟口面嘅?

坐喺度聽佢講，諗左成個鐘，突然彈左個影像出嚟。。。關於六月嘅一篇blog

六月嘅時候寫過呢篇。。。（按入去睇）

我又記埋D無聊野啦，唔怪得之做野嘅時候個腦唔夠ram啦

達仔之表情

達仔係一個好好嘅攝影對像，因為佢多表情。。。

貓國旅行﹣十月號

影埋影埋，貓相又有一大堆。。。

影得太多，見到貓識得慢慢嚟，搵靚角度至影，睇相。。。

（部份可能出過，堆貓相亂糟糟，已經唔記得出過未）

1. 攞住長鏡等佢埋位，咁啱有個eye shadow，即襟

2. 三隻小可愛，影完第二日已經比人捉左，比左有心人收養

3.踎喺度等佢交戲，終於比個喊露我，即刻攪掂

4.佛像前練瑜珈，應該好有佛性

5.好驚人嘅一隻貓，去幾次先捕到呢一張

鍾意邊張？出住五張先，下個月再見

七月中獎名單

拖左好耐，補返。。。

抽獎嘅。。。

1. face magazine...「生力清啤 X周秀娜限量版沙灘精品」,啤酒四罐加個冰袋，完全唔見娜姐囉

2. dove...「完美平衡」分享活動，Dove沁涼水嫩200ml沐浴乳乙支（好鬼細枝囉）

3. u magazine... Royal Harvest 有機冷壓亞麻籽油 2 枝

4. 戲飛...那年遇上世之介

﹣﹣﹣﹣﹣﹣﹣﹣﹣﹣﹣
攝影比賽。。。

1.港台Lens攝影比賽（五強），主題係父子，獎品係証書一張（但最後頒獎禮上得獎就係呢張）

2.「一念微碳攝影札記比賽」之「一念微碳每月冠軍」得獎作品。。。獎品係Alchemist Can-Carry Bag及Megaman慳電燈膽一套！

今個星期六呢個比賽有總頒獎禮，唔知攞到乜獎呢？

（但呢張相我無乜信心）

主題係：我要睡了，請關燈

3. blink 冰藍「擁抱舒適」攝影比賽參賽者。。。八強

八強就止步啦，因為之後靠鬥多like，輸硬了

但都有獎品。。。眼藥水六枝


4. Algotherm 「Beauty of The White 2 - 白色美學 2」攝影比賽

呢個威囉，真係冠軍呀，得到$7XXX獎品

包括：法國護膚品一大堆，分哂比阿媽同老師，我只留左一枝洗面膏

仲有一架pentax相機

就係靠呢張相啦：）

比賽比到上哂癮，戒唔甩啦