北京最愛相片

星期日最少人睇blog,所以呢，攝個位出埋北京影嘅至愛相出嚟，慳水慳力

10/北京機場


9/舊屋


8/水杯


7/賀年


6/單車


5/背光快獸


4/酒店酒廊


3/剪紙


2/樹影


1/快獸決戰天壇，快獸第一次入榜就攞冠軍，恭喜哂

大豐收

咁大堆禮物，咁多野食，真係夠我食幾個月呀!

意粉，老師，maymay，大頭，劉鄧。。。多謝厚愛


﹣﹣﹣﹣﹣﹣﹣﹣﹣﹣﹣﹣
今日開信箱，收到呢張宣傳廣告；哇!好正呀，我喺大堂笑到保安阿姐問我笑乜。。。

廢噏在北京

今日帶大家欣賞北京嘅招牌

第九位。客滿座。。。劃公仔劃出腸


第八位。鮑魚公主。。。似衰野，但英文無飽魚喎，點先？


第七位。民它。。。有乜好聞？


第六位。聞完，呢舖叫你裝，有乜好“裝”？


第五位。北京日新月異家常菜餐飲有限公司。。。長過阿嫲紮腳布


第四位。司機，唔該去朝庭吖！


第三位。唔覺肉酸咩？


第二位。馬C拉麵。。。咪就係爛臭馬屎拉麵囉，令我開心到北京街頭跳番part開心舞


第一位。哇哈哈，正呀～

NO.1+錦衣衛

最近遇到幾個第一

去北京，第一次喺一號閘口登機


新年去唱K，竟然係一號房

用贈券金鐘睇戲，又係一號院


細到吖，得39個位咋，明明買第二行，原來前面係輪椅位，又變第一行；呢場全院滿座，恭喜哂！(係呀!真滿架，你見唔到咩？）


睇嘅係宇宙第一嘅甄子丹主演嘅錦衣衛，我仲要係第一次睇甄生嘅戲


大陸投資，香港導演，但套戲都係好大陸，似龍門客棧（七十年代果套）；作為賀歲片，好夠薑，海報入面五個主角，死剩一個，大吉利是，你估下邊個唔駛死？

非常愛用超大頭，大到見到原來徐子珊眉角原來有個暗瘡凹位，甄生條雙眼皮假假地喎，趙薇最慘，又巢又鬆，當年小燕子已經變左月巴燕；
連戲入面佢竟然多次笠住頂帽就可以扮甄子丹就知導演都覺得呢隻燕子好大隻

最好玩角色係徐子珊，首先佢個名叫“脫脫”已經夠玩野，絕招真係一路打一路脫擾亂對方視線，由蒙面脫到露半胸，但點解脫到露半胸就唔脫，劇情係無交待嘅！而甄子丹下下飛鏢都瞄住人地個胸，好離譜呀!

無啦啦中段安排甄子丹同趙薇澡堂沖涼賣肉，係咪攪錯左呢，叫吳尊加徐子珊，我諗先會幫到票房囉

最後想講配角非常強勁。。。

有劉松仁，洪金寶，羅家英，仲有好耐無見嘅午馬同好耐好耐無見嘅陳觀泰，反而比到我驚喜（呢五個又係死剩一個，唉！又估下邊個唔駛死？）

完

北京雪櫃之旅﹣第四day（年初二）

噚晚10:30pm就瞓左，初四早上7:15am比外面陽光照醒左，見個天好藍，8:30am至食早餐，有輕井澤同倫敦經驗，晨早嘅太陽係可以影到好多靚相，決定一枝公出去行下；

向日壇公園方向行，一路行一路影，真係好Q凍，影左一陣，手都紅哂，但係總叫影到幾張見得人嘅


食完早餐，無野做，但個天咁靚，決定同細佬及弟婦去天壇行個轉


好地地嘅天壇公園，北京市民會做D乜呢？
上左：踢毽
上中：呢隻叫柔力球喎，三十蚊一套
右：絲帶舞
左下：用水寫大字，佢寫頭五六筆時我真係以為佢寫個“屎”字


跟住又食飯啦，今餐係小南國，元碲好膠，正呀!
喺呢度終於影左咁多年嚟第一張齊人嘅全家福，好彩無甩拖!


跟住搭酒店車去機場lu，途中見到舊年因為有人室內放煙花導至全棟燒毀嘅CCTV大樓(咩野人咁精會室內放煙花呢？）


北京再見啦!


北京雪櫃之旅又播影鉛筆，下個旅程見!

北京雪櫃之旅﹣第三day（年初一）

酒店係包早餐嘅，有即場煎蛋，煮麵，都幾好味架


厨師妹妹煎穿蛋，問我可唔可以喎，咁其實無所謂啦，唔通徙野咩！
影左相，番香港朋友睇相時發現，隻穿蛋係人形架，驚!


初一預左外面全關門，玩下酒店設施先；去到至知原來無羽毛球場（亞家姐點check野架），唯有打乒乓，成間館無人，阿媽包場做gym，家姐包場游水，我同老豆，弟婦打乒乓
係呀，老豆係運動人，而家仲保持一星期打二至三日籃球，阿媽愛做gym，家姐讀書時水運陸運一年嘅獎牌，已經多到比我砌斜塔，而我呢。。。。無樣得喎


虎年第一餐，食好D，我地揀左“大董”，裝修勁豪華，招牌菜係烤鴨，香港呢，就搵個厨師喺你面前片隻鴨，呢度呢，烤鴨爐就喺廳中間，烤過你睇。。。


呢餐D餸要介紹下。。。
左一係抄鹿肉
中上係和牛，白色嘅係海鹽，綠色係桔皮
中中係餣紹菜
中右真係魚嚟架
右上係鴨舌
右下左紅色嘅係牛拍葉
右下右係竹筍


象拔蚌，最特別係個圓形容器，係冰嚟架，仲有，wasabi化身鼻C；（呢樣無食，唔好問我好唔好味!）


招牌菜北京烤鴨，攪咁多花臣，雖然好食，但我反而鍾意食北京樓多D喎


仲有龍蝦刺身，又係贏賣相，我都食左一細片，因為家姐話要生生猛猛喎


皇帝蟹，橙色係蒸蛋（呢樣都無食，唔好問我好唔好味!）


我食芝蔴糊，其他人食杏仁露，另外左邊嘅年糕同生菓係送嘅，快獸都話好好味


噚日問嘅呢三碟野，係我同細佬無聊嘅傑作，中間作品出自我細佬，名堂係“有吉士”


食完午飯，自己一個人出去行下，去番淘古井大街，竟然全部有開，可以買手信啦，跟住竟然喺街撞番家姐細佬，無約都撞番，北京好細㗎？
去食街買左羊腿，烤餅，粟子，燴蕃薯番去同老豆阿媽一齊食。。。好飽


話飽咋喎，個半鐘頭後已經坐左喺半島嘅jing,食意大利菜，櫈嘅後面係水嚟架，靚就靚，飲醉實义錯腳啦；我食嘅係北京烤鴨意大利飯(係呀!我真係鍾意食烤鴨㗎），但D鴨無皮拆肉燴飯，都唔北京烤鴨嘅！


麵包算係OK靚嘅
老豆話：粉係一流嘅
我話：唔夠麥味喎，法包表面焗嘅時候洒唔夠水！
細佬話：個法包食家挑戰麵粉老行尊呀，未死過呀!（係，我老豆係從事麵粉嘅）

但係快獸特別推介呢個麵包，佢input同output形狀係無變架!


北京室外好凍，室內空氣經管道喺街排出嚟會變霧氣，圖中無聊姐夫扮忍者，細佬扮放屁(唉，真嘔心，點解我有D咁嘅細佬㗎？）


未完，仲有初四由北京雪櫃返香港雪櫃篇

北京雪櫃之旅﹣中國美術館番外篇

話說展品雖精彩，但實在唔係我地杯茶，又開始發作啦

1/我搵到全館最正嘅展品


2/細佬煞有介事咁講：阿哥，果邊果篇有錯字喎；我行去睇
佢繼續講：呢個仲唔係“T”字，吹脹呀!


3/我即刻還擊，話：我果邊有全場寫得最靚嘅三隻字
佢老婆好認真：邊度呀？
我：過嚟吖。。。啦，就係呢度


4/無野做，搭下電梯，見到個緊急電話話話話，cutie到呢!呢度果然有藝術氣息


5/出美術館外面影十分鐘相，隻錶就變成咁。。。


6/呢個天然迷彩我覺得正過入面D展品喎


7/回程時見到有架巴士死火，搭客竟然幫手推車，我諗發生喺香港唔鬧爆投訴都偷笑，莫講話推車呀!



同場加影明日預告，食好野，初一第一餐，賣相得唔得？知唔知係乜？