Tuesday, December 29, 2009

餵貓日記-3

今日上晝要開工,1:00pm先去到餵貓,一入門,兩隻野唔見哂,一隻匿喺枱底,一隻匿喺梳化;

原來。。。放貓糧個箱比佢地打開左,貓糧箱係咁嘅(本來放地面架)


結果變成咁(設計圖片)。。。入面本來有兩包貓糧(阿仔食緊減肥糧),唔見左一包


我發哂矛咁搵,唔喺sofa底,枱底,厨房,原來比佢地拉左入厠所,包野變成咁。。。


唔知佢地食左幾多,但明顯阿仔態度有唔同,完全唔望我,我唔理佢呀,佢咁大隻又大力,梗係入你數啦,打左佢幾野,睇下你仲敢唔敢;打完之後,佢怒啤我呀!


我都照餵佢地,但份量減到好少,因為天氣凍,都驚佢唔夠食;佢地食完,一人覇住一個發熱體


見下晝較得閒,瞓喺梳化陪佢地耐D,阿妹跳上嚟玩左一陣,趴喺大脾瞓左


跟住阿仔竟然過埋嚟瞓,仲發出咕咕聲,好似講野咁,見佢地瞓得咁冧,唔起身,我都瞓埋(但,阿仔,你好重)
。。。擁有一個開心時間,耳語

15 意見:

Leo said...

帶埋返屋企看實咪唔駛煩囉!

淨返兩晚咋,主人返嚟就冇機會架喇!

KennyT said...

貓係唔可以打的! -_-'''

best actor said...

好溫馨嘅下晝,而且有咁親密嘅接觸﹗

naruto said...

Leo:
住得近,我過去方便D喎,唔駛佢地識應環境

KennyT:
咁遇到佢曳點做?

best actor:
係呀!幾開心架

maymay said...

拎包貓糧磅下咪知佢地吃左幾多囉。
話時話,佢地又真係幾聰明喎~^^

黑柴 said...

打左佢幾野?你打貓有冇睇主人架?係你關得唔好啫,我又唔信阿仔識得打開個保險掣喎!

嗶!3P都擺上網,一個係下身,一個係上身,你就疏乎啦!

naruto said...

maymay:
包野食左一半,之前無磅過,事後磅又點知輕幾多呢?

黑柴:
我關得好架!咪屈我

打貓無問主人,打你都唔駛問人

3P。。。係你先諗到

Ogake said...

3P? 我又要呀~

ayclui said...

亞仔比人打完之後變咗隻狼咁樣...兩貓一人好溫馨啊...

亞仔信任你先會發出咕咕聲o架~

Leo said...

亞仔比人打完之後變咗隻狼咁樣...兩貓一人好溫馨啊...

亞仔信任你先會發出咕咕聲o架~


成件事好詭異喎!

邪留丸~ said...

你屋企多咗兩隻"反斗星"喎~
XD

有時,又可以做下暖水袋都幾好呀~

naruto said...

Ogake:
你真係cheap精呀

ayclui:
咦!其實兩隻都咕咕聲喎

Leo:
有乜咁詭異?

邪留丸~ :
唔係我屋企喎!我上佢屋企喎

best actor said...

通常教貓係用噴水壺架﹐譬如有D人唔鍾意貓貓擒上餐桌就會馬上用水壺射佢﹐好有效。但係一定要馬上﹐如果唔係隻貓就唔知發生咩事俾人射水﹐好confused。睇2A養阿仔阿妹屬於任我行一類﹐又識自己去廁所﹐睇怕無咩要出動到噴水壺。

naruto said...

best actor:
真係未聽過,又學多樣野

卡臣 said...

高智慧呀貓貓
懂開食物盒

Related Posts Plugin for WordPress, Blogger...