色破孽緣 (CHLOE)

話說上星期中獎得到“色破孽緣”戲飛。。。


入場至知係三級
以為係驚慄片，點知原來唔慄
amanda seyfried有時好靚，但有時又真係醜，好神奇
諗住julianne more咁阿姐級，反而係咁除，露點露埋雀斑點
拍得好靚，衫靚景靚燈光靚
故事單薄
睇左四次錶
可以唔睇

番到屋企，收信；見到之前facebook game有試用裝寄嚟，摔下個腩先～

無記三線劇

八點檔：天天天晴。。。朋友讚好睇，我睇左兩集，唔鍾意睇司棋姐搭劉丹，諗起真情，又唔鍾意毛毛個老公，又唔鍾意片尾呀小巧個樣，放棄～



八點半：陳松齡。。。通常8:30同9:30只會睇一套，之前睇開談情說案，一路都無睇呢套，無睇開繼續唔睇，呢段時間寫blog



九點半：情越雙白線。。。哇，咁嘅陣容；黃浩然無興趣，扣兩分，鄭則士更無興趣，扣四分，徐子珊值一分，負五分，唔睇



有時間落街跑啦，無籍口唔運動啦

談情說案特別版

請叫我”譜忽沙““傾匙”


有幾多人明我做乜呢？

完

細佬的無聊短片

細佬send條片過嚟，以為有乜好野。。。唉!



高智能垃圾桶，只賣$3XX，又幾吸引喎

我最喜愛的餐廳﹣1

話得最喜愛，即係成日會去啦，所以有好多之前可能都寫過。。。

我喜愛親囉喎，多數都唔會係貴野囉，你比參茸海味魚生鵝肝魚子醬我都無用，都唔食嘅

除左食物，理境只有一個要求，唔好咁嘈，嘈係會煩到食唔到野架。。。

今日先嚟介紹﹣California Pizza Kitchen


海港城環境最好，window seat對正中環，今日仲有郵輪㖭，今次係食Lunch，幾十蚊，杯ice tea仲係任飲會refill果隻，慢慢坐傾下計無蝕底


全部都好味，啱哂我胃口呀，連枝辣椒醬都比高分呀


叫得最喜愛，一定係有樣食品係我至愛，非叫不可啦，就係casear salad啦，日日食都唔厭架～

戀戰特務王 knight and day

先多謝www送上戲飛


講真，如果唔係有贈券，呢個卡屎我實唔睇；我對上一套阿湯嘅戲係強戰世界，睇到想割櫈，佢DXX特工隊就更加未睇過

無期望，反而有驚喜；首先原來係喜劇，笑料都幾密，雖然完場已經唔記得笑過乜；

套戲好香港，大量公路撞車撞機爆炸，大量打鬥，打極唔死，敵人就hi一hi都香菇等。。。

大量交通工具。。。飛機直升機電單車懷舊房車消房車火車遊艇跑車通通落齊

又係一套瞬間看地球，又美國又奧地利又西班牙

片長接近兩粒鐘，期間只睇過一次錶，亦都唔係好多人要出去放水，即係無乜冷場啦（呢樣應該係套戲好唔好睇嘅準確指標）

雨個主角，阿湯個樣仲keep到，但唔好除衫啦，唔該
金馬倫連個樣都keep唔到，條腰粗到直落呀真係，都係唔好除衫吖，唔該

我比78分

番屋企打開信箱，除左一片迷罔，仲發現有milk嘅信封，原來中獎呀；多謝阿sunsun推介我玩，即中呀～

梅窩遊

呢度去，果度去，享受人生樂趣；呢度影下，果度又影下，就嚟影勻十九區啦；

上星期六去左梅窩；自從有左東涌站，去大澳長沙都唔使經梅窩；今次想曬太陽，又怕多人，諗起不如去梅窩；

天好藍，但多雲；又有風；D光不停轉，影相就一流


有無興趣嚟個梅窩生態遊？


上星期五，去左睇攝影展；睇完最大得著係構圖好紮實，似相又似畫，偷下師，試下先

呢幾張最似樣。。。

1/娥串


2/籠中森林


3/如花



4/海角7號上集


5/天天天晴


6／順風車

鳴門廚房﹣煮你滷味

材料：雞翼，腎，雞蛋，豆腐
其他：可樂半杯，rosemary兩棵，滷水四份之一枝

豆腐今次我買左兩隻，一隻街市最普通一磚磚嘅， 一隻布包豆腐；但我學D上海舖咁，預早一日將豆腐雪落雪格，但先用鴛鴦刀洛冰刀法將豆腐𠝹開，第二日拎番出嚟解凍就變左冰豆腐

雞蛋灼熟剝縠

雞翼同腎預先出水，煮幾分鐘拎出嚟備用


到個滷水
滷水四份之一枝加兩倍水煮滾，加可樂半杯，今次C忽痕加D自家種嘅rosemary一齊煮5分鐘，落腎，10分鐘後落雞翼雞蛋，幾分鐘後再落豆腐，20分鐘後熄火冚蓋焗兩粒鐘


完成

台灣遊最愛相片

影埋一大堆，嚴挑最愛12張

第12位 崖上的花兒（攝於清里牧場）


第11位 里影 （攝於台北後巷）


第10位 細蛛 (攝於烏來名湯）烏來勁多蜘蛛，呢張鍾意陽光照射下，蜘蛛變得透光


第9位 大蛛 (攝於烏來名湯）


第8位 台灣的士 (攝於烏來）


第7位 傷天娥 (攝於烏來吊車內）


第6位 竹願 （攝於菁桐）


第5位 一起森巴舞 撥走不滿 （攝於清境）


第4位 倒影 （攝於清境蕓蘆外）


第3位 滴（攝於清境蕓蘆外）


第2位 晨 （攝於清境蕓蘆）呢張相，最能紀錄當時興奮心情，建議click大嚟睇，好好睇


第1位 等 （攝於清境蕓蘆）呢張有故事有構圖有harry，至愛呀～


呢個trip因為落雨，反而有D得新鮮感；GF1又得心應手，鍾意嘅相又多左。。。

鍾意邊張呢？

父親節飯局 之（無啖好食呀）

慶祝父親節，梗係帶佢去食佢鍾意嘅野啦；家姐拍板，食日本菜，ifc嘅”禮“；我一聽都知，我實無野食，好彩之前喺翠華打左底食朱仔飽。。。


以我經驗，呢類餐廳D蛋壽司一定落蝦湯，所以無嗌；我嗌左牛舌，雞軟骨串同埋野菜天婦羅，而佢地嗌哂我嘅弱項。。。
頭三碟嚟個菠菜(但有木魚絲），青瓜(又有海帶）再加個螢光墨魚，我發呆，連相都無影；悶出X，影下D餐具


再嚟碟魚生，繼續坐冷板


悶出Z㖭啦，攞左姐夫個新眼鏡玩自拍


再嚟碟壽司，暈



終於有野食啦


一輪衝風，又變陪坐；家姐點個稻亭烏冬，我都估到係魚湯架啦，佢又話唔係架，結果食左一啖就知係鏗魚，omg，佢D味覺真係退化架!食左乜都唔知架
跟住嚟嘅係手卷同條池魚，當然又係唔關我事啦；仲有炸生蠔。。。隔離D沙律比我食哂，食完D菜，原來全餐已經食完啦


最後係甜品﹣燒蕃薯


唔夠飽，樓下食雪糕


番屋企再煲公仔麵，父親節快樂

個天藍過藍精靈

終於週末放晴，梗係去曬太陽啦!

去梅窩，個天藍成咁～


舒服

銀咖喱

噚日講完大便，今日講咖喱（兩樣野無關，唔好亂諗）

去九龍城廣場，見到呢間銀咖喱，見過雜誌介紹，話係日本人開，但次次嚟到九龍城，大把選擇，都同佢擦肩

今次終於試到啦。。。


見到標題都知我想講乜，雖然呢個下午茶餐好平，$24，另＋＄6有咖喱飯；

我咁鍾意便便飯，都覺得唔掂呀

咖喱飯OK，豬扒無乜味，腸仔係炸嘅，薯條係凍嘅，出嚟成碟野似以前讀書D碟頭飯囉！其實樣樣都係差DD，做埋果DD好難咩？

呢間又唔使番轉頭，bye～

大辯論?

仲唔搵到個位講我專長嘅，唔係特首同余若薇，真係講大便論。。。

＊對我嚟講，大便論定大辯論緊要？心照啦！

＊大便有幾重要？以你正常每日去一次，七十歲命嚟講，咁你就要屙25550次，wow,係25550次呀，數字幾咁驚人呢!

＊如果每日坐塔10分鐘，你嘅人生就有255500分鐘用左嚟坐塔，所以大家要鍚住馬生啦!得閒同佢沖下身啦～

＊一個成年人每日平均有二百克大便，一年就73000克，重過你自己

＊民謠都有得唱：食得多，屙得多，屙屎屙滿籮；而家呢，全部沖落海，我其實最担心有一日我地會屙滿個海囉。。。

＊因為我細個成日諗，D大便沖左落海，但我地不停供貨，源源不絕，越瀉越勁，咁個海會唔會消化唔切架；我以前真係以為澳門D水咁嘅色係因為。。。囉

＊其實咁多屎，有無得利用呢？拎嚟屎力發電？拎嚟做再做磚？拎嚟，拎嚟做衫，做紙，梘液，藝術品，另類香氛，有無得諗架呢？

﹣﹣﹣﹣﹣﹣
米生登場

去吧～清境。台北。烏來 私遊記﹣第五day

今日係食食食同影影影

一早起身，見到離棄我兩日嘅太陽啦，出去影相，浸多野溫泉，食早餐，揀個window seat，曬住食，正～
仲有隻儍貓嚟昅我㖭！

旅館職員推介我地去“內洞”作生態遊，話負離子強對身體好喎，但因為今日就飛香港，計過時間，驚太趕，決定下次至去；
臨時加插玩台北啦喂！


決定去永康街，主要係食，未到10:00am就到，但發現餐館開11:00am，影相一粒鐘；呢區又幾好影喎！


11:00am,即食”老張“，哇!腦漿？好得呀，點解一人食一碗咁少，請睇下張～


11:30am,度小月開門啦，又食；擔仔粿仔條係好食過擔仔麵架，我推介；（大圖係擔仔麵，影相佢又靚過粿仔條喎，真矛盾）
個棺材板，難食，嘥quota


離遠見到101，決定行向101方向，邊行邊消化，咁就去左大安森林公園，仲大過維園，影呀影呀，好多松鼠呀～


行下大街，又入下小路，都見到101，但行極都唔到，結果行下影下行左個幾鐘，曬到我都嗌熱
去到foodcourt隊碗愛玉消下暑，唔～唔好味嘅


行下pageone，行下誠品；咁就番喜瑞攞行李去搭機場巴，中途又食，今次食鴨肉麵，肉係煙過架，好好食；沿路睇住日落，好靚～
台灣，下次見啦～


完

﹣﹣﹣﹣﹣﹣﹣﹣﹣﹣﹣﹣
呢篇台灣遊記用嘅時間破哂我紀錄，好攰；去5日，寫都用番5日，癲架～呢篇急到啱啱寫好，未對過，實錯哂，呵呵

預告，仲有靚相篇，早抖