多謝邪留丸

開哂口叫同事，ＢＬＯＧ友，老友，豬朋同狗友幫手換小丸子，結果只得一個人啋吓我，就係素未謀面嘅邪留丸。
為隆重其事，今日同佢地影咗兩張寫真！

小丸子同爺爺，緊扣埋就會一齊唱歌跳舞啦！


好鍾意呢張，好似玩得好開心


我自己換咗最鍾意冷笑話嘅野口，好ＣUTE呀！


邪小姐，多謝哂呀！

心水推介

兩個月睇咗兩套好戲，Ben Stiller 大戰 Adam Sandler


上個月睇咗卡啦蘇，由頭笑到尾，粗俗，賤格，咸濕，歧視全部落重藥，讚！
剩係一場游水追快艇我已比五分，加埋同阿婆吹髮劇情，10分滿分呀！

星期日懐住極期待心情睇電霆喪星，頭五分鐘perfect,點知一去到森林打仗，就出現冷場，但近尾聲又出現勁多“爆“位，Stiller同佢“仔仔“嘅一場戲係我最鍾意部份，個仔用刀插佢好感人呀！而Tom Cruise同matthew mcconaughey佔戲咁重亦係另一個加分因素

睇嚟今年嘅鳴門奧Ｃ卡最佳電影都係呢兩套之一啦！

幾何

返工，中途轉搭公司車，早到咗十分鐘，走去影咗呢堆相



認唔認得呢座建築物喺邊區？

賤物鬥窮人

天氣乾燥,皮膚痕呀痕,走去萬寧買枝潤膚露同潤D嘅沐浴露,竟然揾到萬寧自己出咗孖裝,$26.9有齊,正;
買埋五盒都係萬寧牌嘅紙巾,走去比錢,排哂隊,原來買滿$200護膚產品送$50現金卷,唔怪得排滿C拉;
到我比錢,諗住炸炸淋用八達通比錢,佢叫我等等,話買滿萬寧牌$30有九折喎!


係咪抵呢!

我的Y理

最近經常遇到近似嘅場面...

地點:有大量空位嘅巴士上層

個案一
一名女仕上車,上上層,企喺個樓梯口度揀位,望吓左望吓右望前又望後,企成十秒都作唔到決定...
要注意係,佢後面係仲有人上緊嚟嘅

個案二
一名中年男子一上上層,坐落一個位,唔夠一分鐘,口噏噏咁唔知嫌佢前面個人定後面個人啦,轉位;坐唔夠一分鐘,再轉;如事者轉咗三次...

我想講嘅係,連咁少嘅決定都咁難作出抉擇,遇到D大問題點算呀?唔怪得咁多人選擇逃避,甚至自殺

廢UP-2

廢UP又嚟啦！
今次講嘅又係舊公司，不過今次係廣州。。。
跟我嘅其中一個女助理，樣貌標緻，皮膚黝黑，眼仔精靈，“當年"有幾分似朱茵，就係咁。。。比我叫足佢幾年朱ＤUMP都無得反抗，真慘情！

上個月返廣州約佢食飯，已為人妻兼人母，形象與型狀都大變身，新名變成"朱咪咪"

多謝家姐

又有手信啦，今次到一年去六七次旅行，但每次都係去東京嘅家姐；今次好突破，去大阪喎，可能因為咁，有好多禮物呀！

1/我最鍾意嘅綠茶呀


２／佢話買咗Ｃ餅，原來係柿餅。。。好味


3/正想買隻錶，啱哂


其實仲有兩樣，比阿媽執野收埋咗，搵番先寫過

ps:下半年無旅行去，超暗淡

完

標籤

某屋苑唔比養狗，但用隻惡狗嚟做海報，有標簽化嫌疑喎！

海嘯。。。危機？

份工做咗三個月，"試用期"滿；呢牌遇著金融海嘯，老豆話我好彩，較啱時間搵到工。。。
呢一個星期，突然接到四個舊客問我仲做唔做ＦＲＥＥＬＡＮＣＥ，之前一路話唔做，但咁嘅環境下，真係搵得一蚊得一蚊，其實每次經濟衰退，做freelance嘅反而會多咗工作；見公司工作量高峰去到今個星期六後會停一停，終於接咗三份，推咗一份，接嘅全部係易Handle嘅，一兩晚可以攪掂嗰Ｄ；所以呢宜家準備開工啦，ＢＹＥ

話時話，過咗"試用期"無人同我講加人工嘅？

夕陽

呢牌做野做到突哂，日日十二個鐘，未收工已經攰“奶奶“；見今日天色靚，出去花園抖番陣。
你睇，數碼港嘅日落係咪好靚呢，真係令人即刻充番電。


原來日落係好快架，呢堆連環圖，前後唔駛五分鐘。


完

一齊玩吖

以前一有空就會上去打麻雀，打咗兩年先至上到200位，而家少玩咗，比人追過哂啦，如果你地都有興趣嘅，就上嚟會會我啦！

禮物

禮物一:
ogake日本遊嘅手信,本來有兩份架,無啦啦要同人share,唔抵呀!點解買比我?又話似我喎!


最後都食到一粒本來係我嘅禮物，抽到粒黑椒味。。。mmm,你慢慢食啦！



禮物二:
加拿大嘅同學寄來嘅錢幣,2010至會通用,呢批係記念版嚟架.


禮物三：
公司呢期都有贈品，每位同事都有一盒；漂白扒牙？好呀！


禮物四：
公司會計女同事去完青島旅行，送來花生一包，佢話大陸Ｄ野咩野都唔敢買，呢樣喺啤酒廠買，安全Ｄ喎！喂！一啖就食哂，唔夠喉喎，聽日再攞過先！



咁多位，多謝哂!下次都要買比我呀！

鳴門單車PK一day遊

平衡本來就係我弱項,單車我都係中學旅行先學識,即日學識以為好醒,落住雨都學人落斜,結果PK,損到血係咁流,睇住Ｄ血係咁染紅對𧙕，都咪話唔驚，班長即時除皮帶扎住我大脾止血,結果第二朝都係發炎流膿,睇醫生仲要請幾日假....單車從止變成童年陰影。

幾十年後...即係舊年,老狗約埋一班朋友踏單車,我踏恆油，都比人慢,仲攰到嘔，踏完仲有忽必烈ＦＥＥＬ

啱啱嘅星期日又去踏過,頭五分鐘都未適應啫,就比個粗心大意嘅單車司機扒頭唔響"安"之下碰手㬹,梗PK啦!手腳都擦損哂,不幸中之大幸係傷口唔深,亦無擦損塊面,你知啦,我靠個樣揾食家嘛!


因為速度係眾人之包尾(係架單車慢,唔係我慢),所以每次去到一個休息點,佢地己經又起行,所以無乜機會影相,只有這一張。。。乜cosplay cos 到嚟大埔呀?粉紅嗰件好好肉地喎！


回程時有風，流ＢＴ又無手抺，真狼背呀！

最後要多謝醫療服務站嘅人員,好細心呀!

為欣宜找個伴

台慶巨献...畢打自己人,無線為捧欣宜,除咗揾來一班我無乜興趣嘅前輩外,我覺得應該為佢揾個情人...
無線咁多人,揾邊個好呢?

Artboard

今日無嘢寫，放張自拍照呃blog

老豆的寶貝 - 續集

上星期仲講緊佢地共住一屋，今個星期就見到Ａ生先比人打落冷宮，要住細缸。。。


原來Ｂ同Ｃ已經準備散春，後面個瓷樽係七彩神仙散春嘅道具，好緊張呀，快Ｄ生快Ｄ生，等叔叔錫錫！

新廣告

呢間美容院可以幫各位女仕由Ｆ級變Ａ級，好突破呀！

是日追加 ﹣39999

yeah!長長久久呀

神州簡報 - 勁過哈佬喂

繼毒奶後又一二三榮譽巨獻，今次真係核突，怕老鼠嘅即刻走，唔好再睇

先講單最輕"can"。。。（內 地 珍 珠 奶 茶 無 奶 無 茶） ，咁咪即係飲化學糖水，唉！



「 珍 珠 奶 茶 竟 然 一 點 奶 ， 一 點 茶 的 成 份 也 沒 有 ， 全 是 奶 精 調 兌 的 。 」 廣 州 街 頭 珍 珠 奶 茶 店 多 過 茶 舖 ， 但 奶 茶 中 沒 有 奶 沒 有 茶 ， 已 是 業 內 公 開 的 秘 密 。 據 知 情 者 透 露 ， 泡 制 奶 茶 的奶 精 主 要 成 份 氫 化 植 物 油 ， 是 一 種 反 式 脂 肪 酸 ， 早 已 被 歐 美 國 家 立 法 限 制 。 消 費 者常 飲 用 易 患 心 血 管 疾 病 和 傷 肝 。

廣州 的 電 視 媒 體 昨 日 踢 爆 ， 市 面 許 多 珍 珠 奶 茶 加 盟 店 使 用 1 公 斤 奶 精 ， 調 配 100 杯 奶茶 ， 可 謂 一 本 萬 利 。 當 地 記 者 曾 以 加 盟 商 名 義 ， 致 有 關 連 鎖 公 司 ， 獲 對 方 女 職 員 承認 ， 珍 珠 奶 茶 就 是 用 奶 精 調 兌 的 ， 不 需 要 用 牛 奶 。 「 用 牛 奶 的 話 ， 成 本 太 貴 ， 不 划算 。 」
據 悉 ， 白 雲 區 和 天 河 區 岑 村 等 地 ， 都 有 商 店 以 珍 珠 奶 茶 原 料 供 應 商 名義 ， 批 發 奶 精 、 果 粉 、 茶 包 及 珍 珠 粒 等 原 料 ， 所 有 原 料 加 起 來 ， 每 杯 成 本 不 超 過 四毫 人 民 幣 。 如 果 奶 茶 真 的 用 牛 奶 來 調 配 的 話 ， 即 使 按 最 低 要 求 2 ： 1( 即 2 份 奶 配 1 份 水 的 比 例 ） 來 調 兌 的 話 ， 成 本 要 高 出 幾 十 倍 。 在 廣 州 ， 每 杯 四 毫 成 本 的 珍 珠 奶茶 ， 售 價 3 至 6 元 不 等 。 由 於 珍 珠 奶 茶 市 場 龐 大 ， 利 潤 可 觀 ， 廣 州 許 多 珍 珠 奶 茶 店主 都 在 這 些 批 發 店 入 貨

﹣﹣﹣﹣﹣﹣﹣﹣﹣﹣﹣﹣﹣﹣﹣

甲 醛 銀 魚 襲 江 蘇
質 感 如 橡 膠 　 可 致 癌。。。。好彩唔食魚唧！



內 地 有 毒 食 品 越 揭 越 多 ， 繼 發 現 多 個 省 市 的 奶 製 品 內 含 可 致 腎 結 石 的 三 聚 氰 胺 後 ， 江 蘇 無 錫 、 蘇 州 等 地 最 近 也 接 連 發 現 甲 醛 超 標 的 銀 魚 ， 質 感 猶 如 橡 膠 ； 此 外 ， 從 大 陸 山 東 出 口 到 台 灣 台 中 的 冷 凍 章 魚 燒 ， 亦 懷 疑 含 有 三 聚 氰 胺 。 蘇 州 則 出 現 用 硫 磺 熏 蒸 的 桂 花 。
無 錫 市 民 楊 先 生 近 日 發 現 ， 其 所 購 銀 魚 炒 熟 後 韌 性 十 足 ， 嚼 如 橡 膠 ， 用 手 竟 難 以 扯 斷 ， 外 表 可 清 晰 撥 出 一 層 皮 狀 物 ， 疑 為 假 銀 魚 。 無 錫 市 農 林 局 漁 政 處 亦 發 現 ， 這 類 「 橡 膠 銀 魚 」 已 在 蘇 州 、 無 錫 等 地 出 現 ， 其 中 無 錫 新 區 長 江 綠 島 農 貿 市 場 所 售 太 湖 銀 魚 ， 更 檢 測 出 大 量 甲 醛 成 份 。

----------------------------------------------------
老闆ＳＥＮＤ嚟嘅Ｅ﹣ＭＡＩＬ，老鼠變乳鴿，Ｄ相同幾年前睇嘅唔同；要走即走啦，我用倒序圖，先睇製成品


死未！

捽

時間：於工後約十點
地點：往天水圍巴士上層
人物：一“劇“肥野

去片


睇唔清楚？放大Ｄ


真係捽咗至少十分鐘，一定要早過佢落車，佢揸過Ｄ扶手你仲敢掂？

快獸個friend

星期日都開工，仲朝十晚九，謝哂；番屋企，喺樓下間麥記搵野食；
上次食“足三両“，第二朝出番四両，蝕哂，今次轉食開心樂園餐，有小丸子換呀，我揀咗花輪同學，好cute呀！將佢放喺公司，做野都開心Ｄ！



各位暖流版嘅讀者，我食唔到咁多，幫我換幾隻吖！

阿媽的寶貝﹣續集

除咗龜，阿媽仲鍾意種野，成個騎樓除咗係小靈龜個竇，仲係阿媽個後花園。。。


我個樣雖然唔似阿爸又唔似阿媽，但係養魚種野嘅嗜好就似到足

金融海潚下的嗚門

睇個電話就知我幾咁窮困啦，仲褲都穿埋，有無暖流版讀者送個電話嚟呀？

miss you, john

阿媽的寶貝

除咗我仲有佢地。。。
老豆養魚，阿媽養龜。。。屋企曾經有隻龜養咗幾十年，最後竟然跳樓收場，當時傷心到唔識反應

睇返而家。。。小靈龜之前已出過場，最近佢愛上食生牛肉，仲好Ｑ大食，應該係準備冬眠啦！


仲有呢隻，非常怕醜，見人就縮埋


阿媽有一大堆龜嘅擺設㖭！


最勁係佢，叔公以前係海員，送咗呢隻標本比阿公，阿公走咗之後，阿媽接收咗，住喺度幾十年啦！希望佢住得開心啦！

老豆的寶貝

老豆鍾意養魚，屋企最高紀錄有七缸，雖然有兩缸係我嘅！
而家老家只有四缸，最寶貝係佢地。。。七彩神仙

左手邊係Ａ先生，最先入伙
中間係Ｂ先生，次序上第二入伙，本來同Ａ先生相處愉快。。。
自從右手邊Ｃ小姐加入，Ａ先生走去恰人，而Ｂ先生因保護Ｃ小姐而經常追打Ａ先生。。。
而家Ｂ同Ｃ快快樂樂，Ａ就成日"lay"喺缸底，連個樣都謝埋，陰公。


Ｂ同Ｃ又真係幾登對

太陽伯伯罷工

無太陽，天氣仲轉涼，真係排Ｘ都乏力＊


＊Ｘ係"隊"

完

等價交換

隔個月就有環保組織嚟收舊紙／ＣＤ／舊衫等垃圾，仲有贈品比番你㖭，之前嚟幾次都夾唔啱時間，今次攞咗一大袋廢紙，一磅之下，竟然有10kg，見佢枱面有洗潔精呀，漂白水呀咁，仲諗緊可以換幾多枝呢；結果，只可以換卡通文具科，我揀咗條叮噹毛巾，好過無！

。。。

下午從朋友口中接到你嘅消息，生命正在倒數，只有最後約十天。。。
我同你嘅認識始於十幾年前，你係出名嘅攝影師，之後咁多年合作咗數十次，令我嘅事業穩步向前。。。
你唔想朋友去探你，我明。。。
之前有病你都無出過聲，舊年尾你搵我合作多一次，竟然係最後一次；嗰次見你頭髮少咗，人瘦咗，都估到咩事，但你話已經好番。。。
兩個月前番新工，通知你，你仲叫我幫完呢間公司同你再拍擋。。。

下午聽到消息時仲可以冷靜，但今晚番天水圍屋企，見到合作嘅海報，ＣＤ，大量嘅catalogue，心絞痛。。。

聽日仲有大量工作，你叫我點瞓得著？

鳴門電影版。。。殺到埋身

海報入面已經係五年後嘅鳴門
佐助究竟是同伴定係敵人？電影版揭曉。。。但係，香港有無得上呢？




照片由ogake日本自助遊提供

推介

爽過爽健涼鞋

國慶＊聊齋

國慶同朋友無聊無野做走去粉嶺雲泉仙館食齋。。。超大碟


跟住去咗流水響，影吓相;睇下影咗乜？

＊雲泉仙館 ﹣ 怪花


＊雲泉仙館 ﹣ 天空


＊壽星公


＊流水響 ﹣座山坐監?


＊禁果



＊倒影一


＊倒影二


＊倒影三


＊松子


＊葉


＊怪樹



另有正相三張

一）厠男？



二）防便秘？成箱包起吖


三）Levi's?


完