踏入冰河世紀

動物會用行動話你知已經踏入冬天。。。

呢期，做野好攰，一上床以分鐘就瞓著，連續兩晚，瞓左一陣，就比達仔用鼻大力撞我塊面，我一拎起被角，佢就行入嚟趴喺我心口瞓。。。

真係瞓到天光架；第二朝拎起張被，睇下佢，歎到，我就成身貓毛

趕都唔走呀

開暖爐啦，鬼咁醒，即刻跳上去；但真係好熱架嘛，痴線。。。

搬返個架出嚟隔一隔，本來放哂雜誌，一堆雜誌而家仲喺地下；
睇佢，可以成日喺度唔郁架，我可以專心做野啦

達仔心聲：希望今年冬天快D完啦

東京の秋日限定快閃黨 - day3 神宮外苑

1/去完銀座同築地，跟住去左神宮外苑，為嘅係兩旁銀杏

2/影影下，傳來D大聲國語，跟住，呢兩個人篤正係面前我伸手都掂到佢地嘅地方，完全當我透明咁影相，果然係強國喔～

3/影左一陣，落雨，日本天文台真係好鬼準，香港嘅呢就好鬼屎

4/落雨都照影架啦，呢張唔錯

5/樹頂係尖架，全部差唔多高度，咁整齊，點整架呢？

6/最後，影埋呢張，就諗住去秋葉原啦。。。

但，識得我嘅都知，我地成日搭錯車嘅，結果錯有錯著，去左上野，咁買下野啦，食下野啦

7/我最愛松屋，終於遇上一間啦，溫泉蛋牛丼，另外，雖然無相，見到冷奴呢兩個字，我識我識，係我最愛嘅豆腐，債要刮走面果D鰹魚屍，好鬼多陷阱架真係

8/去左百貨公司，咦，紅豆魚同栗子餅，兩樣都好食喎，打包返酒店食

係呀，橫掂落雨，返酒店放低D“野”，抖抖再出發

AKB，我嚟啦～

東京の秋日限定快閃黨 - day3 築地早餐

第三日早上，行程包括築地早餐，銀座做少少公事。。。

去築地，對我嚟講直頭係叢林的法則，人多又腥溫溫，如果唔係順頭去銀座，真係唔會嚟

先食碗义燒麵，好多义燒呀，豬骨湯頭，好食

好多玉子賣，100日元咋，第一檔（右下）有奶味，好味，十分
口痕食多檔（上左右），見個阿叔咁用心煮，買啦，點知落左鰹魚汁，腥溫溫，食唔到，零分

下晝，去神宮外宛啦～～

東京の秋日限定快閃黨 - day2 食食食

第二日一早出發嚟到立川，直入公園，未食早餐喎。。。

上／入場，見到有小食亭，掛住栗子雪糕海報，決定雪糕做早餐，加多客腐皮壽司，滿足了
中／但天氣凍，好快就無力，咦都甩車喎，我叫左個玉桂都甩，熱辣辣，從未食過咁好味嘅都甩，滿分
下左／去到三點，掛住影，未食中午飯，買舊窩夫頂肚，的OK喎
下右／提子水，甜左D啫，但都係時候補D糖

四點離開公園，月亮已經出嚟

出公園後搵野食，無乜野選擇，竟然係吉野家，330日元有個沙律餐，好味過香港多多聲

6:00pm，約左隔離台嘅black lab食飯呀，呢碟叫rainbow，好睇多過好食，但掛住傾，連餐廳名都唔記得影：）

食完行街，見到老麥有蘋果批加雪糕呢個combo，原來係將條熱辣辣蘋果批切開兩條插落雪糕新地度，未埋位已溶Q哂



















返酒店，便利店掃個燉蛋做宵夜，食完飽飽瞓覺

第二日完

東京の秋日限定快閃黨 - day2 （相簿第三回）

唔好話你睇，我揀相都揀到悶，出埋今日要停手啦

 先睇iphone5s嘅作品。。。

1/真係幾掂，唔講唔知係電話影，睇相先記得，行漏左去呢棵樹果邊

2/呢個係日本庭園，公園最人工，最花心思嘅地方，亦都最多遊人

3/mirror

4/又係皇牌景，喜歡嘅相片又多一張

跟住到fuji X10，對上一日果D全部係fuji，淨返呢幾張。。。

5/爛黃楓，楓樹好多都爛，咁就影爛葉啦

6/呢一堆無爛，又一張我喜歡嘅楓葉相

7/除左黃，紅，原來有橙，呢棵全棵都係橙色

到panasonic，佢今次負責長鏡：）

8/銀杏，又如之前所講，好難捉到一塊靚嘅銀杏，我覺得有D失敗，希望下次仲有機會影銀杏啦

9/又係楓，一堆葉得一塊著左燈，唔好放過佢

10/景深夠深，攪掂

11/最後一張，我拎佢嚟壓軸；另一個靚位，影左十幾張，轉左兩部機，不同嘅係人嘅姿態同分佈，我揀左呢張：）

聽日會睇返遊記先（去得果三日都寫咁耐）

東京の秋日限定快閃黨 - day2 （相簿第二回）

第二日相片過多，需要分多幾日出，已將題目改為相簿，遊記後補啦

睇下今日有乜相。。。

1/紅橙綠藍，一張有齊

2/紅葉最愛嘅一張，後面黑色多左，但就得佢就要放棄太陽星光，最後都係揀左呢張

3/主角同配角交換。。。刻意影地面樹影，楓樹做背景

4/樹型靚，加盞太陽燈喺頭頂，攪掂

5/呢張賣嘅係綠加藍加1/2上下均等構圖

6/銀杏嘅close-up影得唔多，原來幾難影得靚，今日得呢張

7/呢張，賣點係背光爛葉

8/呢張呢，一見就諗起非洲加大麻：P

9/呢張，總覺得老老土土，似以前D月曆

10/皇牌景又嚟啦，今日呢張，係至愛之一

今日又係十張，OK嗎？ 原來影六個鐘相，揀相嘅時間係多過影相嘅。。。

東京の秋日限定快閃黨 - day2 （相簿第一回）

第二朝，晨早出動，去大頭推介位於立川站嘅國營昭和公園

十點幾去到，影到人地關門，即係五點，影左六個幾鐘，千幾張相，點都要分幾日先出得哂啦

先睇第一批。。。

1/去到公園嘅第一幕，紅綠黃加倒影

2/有個大型兒童遊樂場，配合黃色銀杏，一流

3/黃與綠

4/本來去美瑛就係想睇大片草地加一棵樹，呢度都有啦

5/隨處都係影相位，紅＋綠＋水池又一張

6/我以為去左加拿大

7/最神奇之處，同一個地方，有銀杏又有紅葉，全部啱timing

8/今次過嚟本來係想影銀杏，點知見到最靚嘅紅葉，賺突

9/影左大量紅葉，今日出住三張先

10/呢個公園海報網頁就係靠呢個位食餬，我地誤打誤撞，搵到佢時已準備關門，即係食正黃昏，靚到我呆左；就係呢個位，我影左過百張，好驚靚位靚太陽之下失手，結果都算OK啦

覺得今日呢十張點呢？