海洋公園奇趣錄﹣熊貓的股溝

今年同海洋公園有緣

繼二月攝影比賽贏左兩張入場券（7月到期） 

五月又抽到夜場（即係今次，其實同我去嘅朋友到抽中，結果我果兩張比左隔離台嘅馬田X）

又，而家海洋公園攪緊個活動，放相上去，贏左會有兩張入場券；咁我將今次嘅相放上去，又贏左（6月到期）

即係，我仲有兩次去，hehe 

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
入正題，今次靚相唔多，奇奇趣趣就多，今日先獻上。。。熊貓的股溝

睇下，真係有架，好深㖭呀

海洋公園真係好多強國人

個天對我真係好好，星期四落雨，星期五放晴，星期六日又落雨 

因為我抽到免費飛，星期五去海洋公園，三點入場可以玩到十點  

當日係全園滿座無飛賣果隻。。。好多人，好多強國人，好多遮陣；喂，咪隊眼唔該 

原來好多團係三點先嚟架，因為三點嚟平D  

呢隻唔係盈盈嚟架  

我影河馬咋

 好多人


 真係好多人


五點左右，揀錯時間上山，超多人  
但係發現左樣野，原來六點後，佢地會走哂，機動遊戲少好多人，下次嚟我都揀夜晚先玩遊戲啦，尤其過山車，香港夜景一流

未完～

1000000

好彩，係多左個位啫  
講下呢兩日嘅野。。。 ＊噚日，一日中左兩個獎，超happy
＊朋友中左黃金花四重唱叫埋我睇，好睇喎
＊煲緊兩個新客，兩個都好有興趣做，但未做已經有D壓力飄埋嚟
＊個月餅盒做極個客都唔滿意，想暈
＊幾個job都係做極都唔完，想點呢？
＊接左個眼鏡廣告嘅美指工作，但casting已經出師不利，個客話班男models無個揀得落手，壓力更重，唯有自己戴左，sell自己比客啦  
嘮蘇發完，邁向二百萬，yeah~

歷史性時刻終於降臨

究竟會加多個位，定係從“零”開始呢？

變返零我真係暈低

藝術＠香港

上幾篇講過，黃色鴨仔個個爭住去影，西九少人提；

我覺得呢，好多人只係去打咭，話比人聽去過影過緊要過睇過囉。。。 

中環呢個展呢，更尊貴，更難求，但收視更低，但件件真品呀其實 

我一路都唔知有呢個展，喺最後兩日展期先偷到時間欣賞兼影下相，好在有嚟

yayoi kudama 草間彌生，即係日本作品好多波點果個姨姨呢，難得有件放喺香港呀，你知唔知呢？好似無宣傳咁嘅？

現場見到有強國小孩（唔係圖中呢個）照踩照爬，好在置地多實Q


 

呢件係Dali嘅，點都聽過啩


 Thinker,原來比想像中細件
 

Love Generation入面重要場景之一，仲記唔記得？



 其他作品。。。













 

展期已經完左，無去嘅緣慳一面啦～

大亨小傳

比我想像中好睇100倍  

都係第一次睇唔係科幻片嘅3D片，由頭3D到尾，個個鏡頭做足野（我覺得做得太多太仔細㖭），超多靚造型佈景，開party果場直頭燒銀紙

呢套我比9分

嘩！街市咩～

繼續廸恩湖，今日先帶大家睇下近入口塊草地。。。

哇！街市咩，使唔使咁多人呀？

原來女傭已經當呢度係維園

兼呢樹係影婚紗相勝地 

有D家庭仲帶埋個營，露營呀以家



但係廸恩湖好大嘅，果班人亦都唔會行嘅，睇下，行入D就無哂人啦

咦，呢邊有cosplay同龍友喎


果邊呢，呢pair自拍婚紗照，我幾like喎


前面仲有人踩單車


各適其適，做乜都得，係咪好正呢？

廸恩湖的發現

前排去左廸恩湖，天色麻麻，但有發現喎 今日先睇呢個。。。 咦，乜嚟呢，隻蝴蝶咁得意嘅？
 

啋！原來攪緊野  

佢地行動不便，任我影

最後，轉左舖屎，影左呢張倒樹蔥。。。我鍾意  

搵忌廉

星期日，伯母尿瀨，行經尖東，探下忌廉哥先

上網搵地址，行到去，果然聚左一班人喺度 

見到熟睡唧忌廉嫂，影兩張先。。。但唔見忌廉哥囉

現場有大量忌廉哥product賣，朋友細細聲話：原來都唔同色嘅（指住忌廉嫂） 

我無氣咁話：果隻係忌廉嫂，貼紙果隻係忌廉哥呀（想暈） 

ps:其實呢篇係想講：同忌廉哥無緣呀，嗚～

跳彈床之後

繼續西九，呢個石柱群真係好好玩，要推介 彈得好高架，好過癮

 越玩越癲，玩張踢石柱先  

但影完後，攰到腳無力，西九又無瓦遮頭。。。

充氣﹣廢噏版

先接返噚日張走佬新娘，點解新娘氣沖沖走人呢？。。。  
咦！新郎同伴郎。。。  
呢張叫做豬的後門，有“野”咇緊出嚟  
報章雜誌大部份都係影個籮柚，前面乜樣嘅呢？男定女呢？。。。
 揭曉。。。好大“look"
 
香港人呢，真係好聽話架；雜誌教影距離相，扮托住舊屎，錫屎一啖，咁就大把人跟架啦  
呢個做乜呢？踩曱甴喎  
又有D人呢會咁嘅。。。個魚缸無人影架喎，但一去影呢，就會有人走埋嚟睇你做乜，跟住越攝越埋，結果入埋鏡  
又好佩服遊客，睇展覽，石地要拖喼  
呢三個人呢，我影曱甴到燒豬到石柱都坐喺度，去行圓方罷啦