有乜用架呢？

灣仔會展入面，行人電梯下面，呢個咪係遇熱會噴水救火嘅大花灑，喺天花板就見得多。。。


離地一尺，拎嚟噴水洗地架？


有無人可以講解下呢？

惠康禮卷

哇!14張呀，$700呀


我屋企上網同固網都係幫趁pccw，續約固網“送”$500coupon，其實咪又係自己比多嘅錢



$200就係netvigator嘅，無話有野送，突然送上門，開心。

寫張list買下野先

白鷺寫真

仲係烏溪沙。。。

斷橋上有隻小白鷺，好似玩跟踪咁，跟住佢係咁影，影到以下幾張


1/浪花白鷺


2/漁夫白鷺


3/黑白白鷺（最鍾意呢張）


4/白鷺搵食(同佢玩左半粒鐘僕laylay，佢終於出手啦）


5/得手（泥猛捉）

快獸。。。烏溪沙の約會

真係完？
。
。
。
。
。
。
。
。
。
。
。
。
。
。
。
。
。
。
。
。
。
番外篇

啋～

烏溪沙﹣香港の澎湖。。。相簿

影呀影呀影，影左以下呢幾張

1/用iphone影相有個好處，夠哂wide，另外，隊正太陽經常會影到放射線陽光，咁張相就靚好多啦


2/呢張相我叫佢“海布”


3/捕捉太陽


4/呢張係今日最喜歡嘅，因為影左好耐，好多人行嚟行去阻住，踎到腳軟；好彩最後都捕到張


5/呢張呢，企哂落水影海水湧埋嚟


6/呢張係另一張至愛，女人放狗落海都要打電話，影到好寫實嘅一面；另外一隻狗一個人點解得5隻腳？因為隻狗真係得三隻腳，狗狗，加油呀!


7/影一張黑白日落


8/呢張相影到有D秋涼


9／斷橋


10/樹影


另外，仲有三張重口味嘅怪相
11/雙頭怪


12/異種海星


13/斷尾


鍾意邊張？

ps:仲有第三集（正野呀）

烏溪沙﹣香港の澎湖

星期六，天晴，當然係出發影相啦；上次去烏溪沙全程落雨，只可以影雨點，今次就唔同啦，一點影到七點，影左800張，影到差D暈；

今日先介紹下景點先，去片。。。

景點1﹣景點中最大賣點就係呢度，好大個由石砌出嚟嘅心，係咪有D澎湖feel先？見到都覺得幸福呀


現場仲見到有位人兄搬緊石，會唔會係原創者呢？其實都好大工程，因為個心係厚好多架，而且好實淨，行上去都無問題，相信一定會變成情侶影合照熱點


隔離仲有一處疑似未完成嘅作品，會唔會係更似澎湖嘅中空嘅心形呢？


景點2﹣由馬鞍山行往烏溪沙方向，會見到一條爛石橋，夠哂風味，影相一流


景點3﹣似唔似一個內湖？


其實係由超市購物車，車胎等組成，又係一處影相熱點


景點4﹣木橋，上次落雨就無人，今次堆滿影𡃁模嘅“攝影師”，避之則吉


黃昏時段，再多人D，大家都想將木橋當前景影日落


景點5﹣馬鞍山海濱長廊；有D彩虹橋feel，又有風車影，望住個咁靚嘅海，心境都平和D


影左800張喎，聽日梗係繼續啦

點去烏溪沙石灘：港鐵馬鞍山站經馬鞍山公園去海濱長廊，向烏溪沙方向行；記得帶水，離開商場就無舖頭，直至木橋有間唔起眼租艇兼士多（但只賣飲品）

D+偵探

星期五晚，有得睇優先場，今次唔係我中架，係朋友中左叫我睇咋，我好耐無中過戲飛啦，嗚嗚!


優先場喺旺角豪華攪，攪乜呢？原來係攪鬼

攪鬼野1。。。入場前安排左個扮奪命狂呼嘅鬼怪標出嚟嚇你一野，好彩佢揀左我前面嘅人，我甩難!

好耐無去過呢隻懷舊戲院，買飛帶位係嬸嬸伯伯，去廁所行鬼咁遠，陰陰暗暗，張櫈D彈弓仲鬼咁硬，令我回憶起好耐以前睇戲果隻感覺

攪鬼野2...片頭播日本片paradise kiss，D字幕跌哂出界，完全唔知套戲講乜囉；咁都自啦。。。

攪鬼野3。。。套戲開始，好靜，全院都好靜，套戲好靜，無音響無對白，但有字幕喎，頭30秒仲諗會唔會係套戲玩野玩驚嚇，但隔左一陣，開始有人鼓譟，兩分鐘後，開始有聲，原來真係壞左或者人為錯誤，真係好少見囉～

攪鬼野4...套戲唔驚嚇，唔攪笑，唔懸疑，特技唔勁，女主角唔靚，男主角造型老土兼無表情，真係D+都比多你喎

﹣﹣﹣﹣﹣﹣﹣﹣﹣﹣﹣﹣﹣﹣﹣
預告：再睇下我D攪鬼野，我對腳紋左身呀

土瓜灣水怪

行經土瓜灣，見到水怪呀，唔係恐龍樣，係金龍咁嘅樣架，一定係中國游過嚟架啦，狂影呀，呢張相可以賣錢，可以成名呀，發達啦呢舖


點知，原來。。。

最怕改啱名。。。

好消息

呢篇主題叫“好消息”，究竟係乜呢？
之前呼籲嘅松鼠仔已經搵到新主人，新主人係一位非常愛狗嘅婆婆，相信佢一定得人痛錫；

呢位婆婆係義工阿姐幫手搵架，佢真係堅勁喎，真係“鄧”松鼠仔“開心呀，希望佢開開心心，健侹康康啦


另外，今日過得頗順暢，可能心情靚，幾個job交义咁做交比客完全無打"cake",仲攝到時間探貓貓㖭!

送上一張阿仔睇夕陽靚相，做完絕育手術已經完全無事，走嚟走去

李小龍

有李小龍，無東亞病夫，yeah~

無聊四格

睇之前麻煩將自己番回到小童年代。。。

1/咦！快獸做乜一個人去左灣仔呢？啊，原來佢約左人喺藝術中心門口見面呀!


2/係咪眼花呀？點解有兩隻快獸嘅，啊!原來快獸係孖仔嚟架，今日佢約左喺日本過嚟嘅細佬見面


3/幾年無見啦，先嚟過世紀擊掌先


4/睇下佢地幾開心，去睇展覽lu~


完～

雨

週末，陰哂天落雨，但我得閒，想影相，走左去馬𩣑山博佢停雨；點知，一去到就開始落，越落越大，面前景色雖然靚，都無衝動掹機，諗住擇日再嚟。。。


越行越遠，突然比眼前景物吸引，決定擔住把遮影，呢輯相主題係。。。。雨

1/


2/

3/

4/

5／

6／

7／

8／