卡通漫畫問答遊戲

我啲朋友都知我係卡通怪，低低地嗰啲就至啱我，近期都係睇軍曹，火影啱啱又播番，仲有套人造cosplay嘅特搜戰隊。
今日考吓你記性，出咗堆比較易嘅問題，睇下你地仲記唔記得，試吓啦。

1/叮噹初出場第一樣喺八寶袋拎咩出嚟?（估都估到啦！）



2/義犬報恩...喺尼路側邊隻狗叫乜嘢名?（喊到趴趴聲嘅一套卡通）



3/IQ博士。。。（答案來自其中一集某主角去到未來，見到十年後嘅自己）
以下邊幾pair最後結咗婚
A/博士同山吹老師
B/小雲同小寶寶
C/小茜同突吉


4/小吉其實係嚟自邊度？佢真實身份係咩嘢？（呢條可能有啲深）


5/小丸子長大後嘅職業係咩嘢？（有睇實知）


答案聽日開估

床底寶箱之史前文具（三）

自揭"床史"已經嚟到第三集，今日呢堆大家一定見過用過。。。

染色樹葉書簽 ﹣細個仲同啲同學爭顔色


摺摺較剪 ﹣非常難用，摺完解唔開，麻X煩


桶裝漿糊 ﹣細個無Rubber Cement,係用呢啲架啦。（而家入面乾哂，好似粒波子"廊廊"吓）


呢個而家仲有，係星星貼紙，啲老師最鍾意貼落我啲功課到，真煩


壓軸出場嘅係真係有啲"壓"嘅拍紙簿／九宮格簿／練習簿／單行簿


以上呢堆，全部用過哂啦啩！

攻blog策略：床底真係好多史，多到有啲自己都唔記得，下期講顔色筆。

爛歌金曲鬥一番。。。第四回

總結"爛歌金曲鬥一番"三個回合，小弟爆冷暫領先2:1,自從第一仗彩華慘敗後，小弟發奮圖強，勵精圖治，改變策略，從後追上兩回合，多謝支持呀，越鬥越勇，派出落雁"沈魚"，死未。



大家"考“，"喎"係"嬸"魚，"喎“"趕"嘢唔正，唔"考"笑"喎"！


睇下佢點形容自己，好爛gag呀！


派出"後現代情人"，比“魚樂圈“更爛，“魚樂圈“留番下次


中段扮王菲啦啦啦係全首精粹，誠意推介，我為咗寫呢篇，聽咗幾次，自己都頂唔住。

最後睇下佢啲扮王菲pose變咗嗌救命嘅相


值得一票啩！睇下對手ogake有咩奇招，相信佢今次一定會剿出櫃底至強生化系列還擊，大家要支持我呀！

由於節目調動關係，下星期爛歌金曲鬥一番將於星期日晚放出，敬請各位留意！

補充品

老爸一向身體健康，而家仲係籃球主將，對住個凍啲就變石像，郁吓又感冒，嘈吓又會嘔嘅仔當然睇唔順超，近幾個月佢迫我飲呢隻嘢！

1/其實係豆類蛋白質，日日飲今個冬天真係無咩病過喎！(touch wood)有人話飲咗好易肥，我幾乎人體奧妙啦，有咩所謂。


2/唔唷魚就梗係要聽Eason話啦


3/我姐夫攻我弱項，知我鍾情"翅"文化，送咗呢樽嘢比我，佢話：食一細匙，聽日去"翅"所D嘢會浮，咁好玩，要呀要呀！（哇！真係浮呀，好興奮呀）留意左上角石像姿勢，good design


4/天氣凍，夜晚飲杯熱蜜糖，暖哂！


5/基本上人地八杯水，我就八杯綠茶，呢度只係一部份，飲極啲貨都仲佔半個櫃。


每DAY食／飲哂佢地都飽啦！

完

是日追加:笑談普通扒

張嘉兒再一次顯示奇蹟,一而再,再而三在港姐,世姐,中華小姐中獲得佳績,為香港爭光....呵呵

(香港小姐)阿媽,我得咗啦!


(世姐入16強兼愛心小姐)話我唔靚吖啦!越鬧我越強!


(中華小姐亞軍)睇下仲有無人睇小我,五豐行都撑我呀!

時光機-2

懷舊廣告繼續....
陽光檸檬茶 - 鄭伊健


來來曱甴屋


麥當奴 6 秒鐘急口令


至寶三鞭酒


AXE 洗潔精廣告（好正，必睇）


家庭計劃指導會


懷舊廣告經已全部播影完畢，（收視低，即腰斬）下周播新春廣告雜誌

哇！唔係呀！

睇報紙見到39歲魏駿傑娶咗20歲重慶學生妹張利華，唉！阿滕，爭氣呀！我唔係南宮夫人，唔品評感請對錯，張相重點係D字，咁深嘅，唔識喎！佢地喺火星結婚架！


"月未高"鄭希兒而家晚晚陪住你，返深圳見佢回歸祖國拍化裝品廣告，哇！好靚呀！成個公仔咁，紙紥嗰隻。


完

床底寶箱之史前文具（二）

標題"床底寶箱之史前文具（二） "太長，以下簡寫為"床史（二）“。。。床史越掘越深，除咗文具，仲有玩具，錢幣,郵票，黑膠，值唔錢呢？退唔退到休呢？發吓夢先！

今日講鉛筆刨，睇吓有無你地用過嘅！

呢三款，而家書局都仲有，如果咁都未用過，可以唔駛睇落去



長城牌有好多款，呢款掃咗一盒


呢款卡通面會郁，又掃一盒


登登登凳，主角嚟喇！動物造型，睇番都覺得好靚仔呀！


家庭用品部。。。暖水壼同熨斗，好經典，我小學時兩個都用過



迷宮同指南針，上堂作嘔作悶時拎嚟kill time就啱喇



最鍾意呢個。。。唐老鴨高清電視機，郁吓個電視，唐老鴨就會"哇"艇架啦！本來買咗兩個（係間舖最後兩個，另一個係米奇）比當時啲無頼團友搶咗，嬲！我會記足一世。


攻blog策略：下期講啲好大路，六七十年代嗰堆細路嘅must buy items

床底寶箱之史前文具（一）

讀者人數突破四千，奇蹟啊，要字都唔識多個嘅我肯日日寫已經奇蹟，仲要突破4000直頭係神蹟。

有個題材想寫好耐，但剿床底功夫繁多，而亦覺得睇呢個blog嘅人年齡較年輕，所以一直擱至；但為慶祝突破四千,的起心肝，寫就寫啦！

"史"詩式巨獻，可能係呢個blog嘅"史"上最艱辛偉大著作，咁艱辛，要分八至十集慢慢DUN出嚟！

床底寶箱之"史"前文具，而家開始。
今日先睇下"擦膠"

個盒大家可能未見過。。。


入面啲擦膠見過啦啩！字母擦膠非常經典，綠色嗰面越擦越污糟最神奇。


話說十九歲嗰年過澳門，（即係舊年）人地賭錢，我走去通街行影吓相，見到間舊到震文具鋪仲有呢隻擦膠賣，同佢連盒一舖掃哂，跟住幾年，分別喺上環／西環都掃到貨。


買嘅時候已經"梅梅"地，一邊係沙膠，一邊係擦膠，我小學嘅時候真係用佢架！


呢舊見幾懷舊，順手執埋


舊到八彩，但細個無擁有過，無咩feel


你地有無用過呢堆擦膠？

攻blog策略：下期講鉛筆刨，你地細個用咩架？

詹師拉vs尖師拉

先講詹師拉

朋友約我睇"萬千師拉賀台慶“，我有D猶疑。。。

1/上次睇完《香港電視風雲》，發覺自己係容不下對無記的惡意批評，我屋企係較到無亞視架，係無記die hard fans。
2/有D怕詹生個樣，第一次睇佢演出，係電影"絕世好賓“，覺得佢浮誇，諗起阿姨講嘅一句形容詞。。。眼大無神，鼻大吸塵，怕睇佢嘅程度去到見到佢喺電視嘅咇你痛同痕身廣告我會拎"咩"塊面唔睇或熄機，我真係怕"醜"架。

噚日終於睇咗，比我想像好好多。。。
1/鬧無記只佔小篇幅，窒師拉先係主菜
2/坐山頂，見唔到個樣，剩睇身體語言，真係好強喎！意外驚喜係原來大家都係"厠"文他嘅人。


總係覺得佢似哥斯拉，有圖為証


上半場好好笑，但下半場最後兩part突然反高潮，悶到瞓咗！
睇完覺得其實對師拉D專橫,白痴寫得很傳神，諗緊會唔會比D平機會呀，道德兵團投訴時，竟即遇上真人版。。。
......................................................................................................................................
唱談尖師拉

睇完劇，時間尚早，走去尖東NEWAY唱K食K buffet,攞嘢食時，
聽到個侍應話：小姐，你用隻手去攞（扇貝），唔衛生喎！
從聲音方向我望見一個面尖，眼尖（仲要係三角），耳尖而薄嘅師拉用無頼刻薄嘅語氣答：既然你覺得我整污糟，咁我成盤攞走啦。
喺neway,扇貝已經係梢為值價嘅食物；尖師拉你貪成咁，唔認錯，唔認輸，好樣衰囉！（最衰無影相）

有時真係唔知係D人天生刻薄相，先至有刻薄嘅性格，定係因性格刻薄而面相跟住改變呢？如果係，就真係最大懲罰.
如果佢去睇"萬千師拉賀台慶“，會唔會覺得有佢自己嘅影子呢？

完

爛歌金曲鬥一番。。。第三回

大家好呀，逢星期二播出嘅爛歌金曲鬥一番又嚟啦！

上週扳回一仗，今次派出曾國銘嘅"傾聽"，呢首係佢隻碟嘅主打，一開始有車淑梅"懶"深情嘅獨白，加上曾生動人嘅歌聲，你聽哂成首我比個叻你！
隻歌內容叫人尊重生命,唔好自殺，係一隻好正面嘅爛歌。

曾生迷人嘅眼神叫大家投我一票。

歌詞





估計ogake今週會全面出擊，記得投我票呀！

時光機-1

呢堆廣告你記得幾多個呢?如果睇過哂,咁......你都幾好記性喎!

1977年 - 山西竹葉青


1984年 - 金冠米 (金冠真靚咯)


位元堂養陰丸 鄭少秋


呢個送嘅 ﹣ 克勤版


待續

胡蓓蔚 - Letting Go

無記D MV通常都係行行企企,呢個叫做用咗腦,揾雪梨姐mic咀,仲拍得佢幾靚.不過胡小姐話idea來自佢自己.

真係越聽越好聽,聽吓啦!

床底寶箱之黑膠（二）。。。林憶蓮白版

對住隻碟，諗番起當年喺某電台兼職過一段短日子。。。有日林憶蓮同劉美君坐喺我對面傾偈，喺到八我做咩，當年我仲識怕醜，對住佢地，好似小歌迷咁，完全唔識答佢地，真死蠢。

電台嘅朋友知我鍾意聽憶蓮，於是收到呢兩隻珍藏。

"前塵"白版，有佢細個張相，發達啦！(呢隻係生日禮物嚟架)


"瘋了"白版，個設計靚過好多大碟


之後陸續收到其他白版，但已經係CD嚟！有機會放上嚟。
另外，笑話一則，有其他DJ以為我咩白版都要，將好多古靈精怪都送過嚟，UN爛都有，遲D放上嚟！

完

床底寶箱之黑膠（一）。。。林憶蓮

前言
細細個已經鍾意收集，係又收，唔係又收；趁新年返老家執吓嘢！床下底收藏量豐富，拎Ｄ出嚟同大家分享。。。
"前排睇完憶蓮演唱會，想搵番D舊歌出嚟聽，番去剿CD櫃又搵極搵唔到，原來係因為。。。嗰陣時係聽黑膠嘅年代。
床底發現幾十隻黑膠，“林憶蓮“佔最多。但係而家無唱機，無得聽都睇吓個cover啦!原來佢D封面相張張都得半塊面／鬆郁矇／合埋眼，睇番幾好笑。"

都市觸覺part-1 (個人至愛之一）


都市觸覺part-1 take 2（封面用duetone,幾前衛）


都市觸覺part2逃離鋼筋森林（張張相遮半邊面）


都市觸覺之推搪（越遮越多喎）


Ready（好鬼呀！駛唔駛化到咁白呀！）


新裝憶蓮（可能係最醜嘅憶蓮封面，藝妓粧加埋手執惠蘭，嘔）


預告：另有兩張珍藏黑膠白版碟，聽日繼續。

to be continue