投訴

欠扑都出得街?

放假

由噚晚講起。。。
喺銅鑼灣做完野，見到生菓檔有烚花生賣，口水都流埋，買咗五蚊當消夜。可能個生肖係食齎嘅，所以特別鍾意食豆／花生／番薯／薯仔／芋頭，食花生優點多，佢纖維勁多，第二朝會發現海量驚人，好開心架！


十二點前已瞓覺，"mark"大眼已經9:40am,走去剪咗個靚頭，跟住去游水，去到更衣室至發現無帶泳褲，死死氣走返出嚟，好彩而家免費jet，走去IKEA食爆谷，跟住買咗jump板，喺連城食咗個小龍包下午茶餐，睇相都知麻麻。


跟住就返天水圍，返到去沖個涼覆吓blog已經7:00pm,躂落床瞓咗一陣，9:45pm又醒番，寫咗呢堆野！

床底寶箱之史前硬幣（三）

第二炮。。。五蚊，共13個，最舊只係80年。。。


留意吓女皇頭頂個皇冠，80同87係唔同架！

第一代嘅五蚊係咁嘅，十隻角，呢三個來自76, 78, 79年，我覺得呢個Shape好靚仔啊！你地有無keep番幾個呢?



預告:聽日補假,我要剪頭髮,行街shopping,游水哂太陽,食餐好嘅,最好行埋IKEA,同埋番天水圍執吓開別野.....

床底寶箱之史前硬幣（二）

好，先講一蚊銀。。。
一蚊雞儲得最多，共54個


先睇三代嘅一蚊雞濟濟一堂，最高嘅女皇帶細冠，78年嘅；中間嘅女皇換咗頂冠，最舊來自87；下面洋紫荊，97後嘅產物


最後出場嘅係第一代一蚊銀，大好多重好多，我得四個，最舊已經係1960年


你地有無用過呢？

床底寶箱之史前硬幣（一）

打九號風嗰日留喺老家，剿家床底，搵到個久違嘅錢箱；自細已經有儲錢嘅習慣，細個用恒生唐老鴨錢箱，到小學後期就用呢個，睇下入面有咩先？


好多筍野，估吓有Ｄ乜？

成績單

心情唔靚，講幾句心底話。。。

返咗工一個月，做得咁辛苦都係為咗呢個星期嘅成績單，結果成績反而大退，感覺好攰，令我DOWN足兩日，最慘係唔知原因，直到噚晚臨瞓心情開始無咁差，諗返Ｄ解決方案，為下一場仗作好準備。。。

今朝分別由老闆，各同事，舊同事口中得知原來各競爭對手今次成績都差，知道有其他原因令至生意滑落，雖然無借口 ，但總算明點解；需然今次成績唔理想，但原來好多同事都認同我嘅工作，總算無輸哂！

而家心情靚返，睇到呢個廣告，笑咗出嚟。。。如果奇華外型配聖安娜嘅餡，實賣滿堂紅啦！

慶

熱烈慶祝奧運完結，卡通重生，雖然火影要到禮拜六先有得播，但都提早慶祝一番，就送上阿媽嘅寵物小靈龜寫真集啦！。。。

成日扮怕醜，其實鬼咁貪玩，跟人行嚟行去，有人摸佢個殼，佢就乖乖趴喺度


夏天就鬼咁精神，又大食，冬天就瞓瞓瞓，咦！咁似我嘅

I love it

一刀切開兩邊，最好咇Ｄ連蓉出嚟，正呀！

獎品

未有時間買禮物獎勵自己再有糧出，買住Ｄ實用嘢先。。。
一樣補腦力，視力，一樣防脫髮
一返工,壓力返哂嚟，頭髮型住甩多咗，就嚟變脫髮寶寶

漏嘢！

呢張海報我覺得印漏咗三個字。。。


幫手加番先。。。

關於奧運，我有嘢問

1/點解每跳一次都要即刻沖身嘅？Ｄ泳池水好汚糟？會影響下一跳？定係沖番個熱水涼暖下身呢？阿晶晶仲頭都洗埋，好冧咁，用咗clairol？



2/中國隊嘅標準真係令人Ｒ頭，請看以下例証

辛苦過後食乜都好味

上星期做到氣咳,day day返工早到開門係我,放工拉閘又係我，日日過十二個鐘，其中一日仲虛到著住褸都打冷震，終於走出花園哂咗三個字太陽。。。唉！仲以為公司請我返嚟做花瓶㖭。

禮拜六都做到七點幾，仲要去銅纙灣攞料，走去食返碗車仔麵，真係好味到呢！豬大腸好乾淨，無Ｃ架！隔離枱仲坐住2R，幾靚女呀呵！


禮拜日馬鞍山游水哂太陽兼ＳＩＲ埋滑梯，離心力令人心情開朗ＥＲ，跟住去顯徑食牛扒，好滿足

開花啦！

棵仙人掌之前標咗幾次"LUM"最後都夭折，今日終於開花，幾靚仔呀佢！


點隻歌先。。。


歌詞與本人無關

唔通我係HEROES?

雖然唔好奧運,但總有一D項目會關心D....
一開始捧葉佩延,即輸
捧日本女排,第一場又輸,仲比ogake鬧,咁轉捧中國女排囉...即連輸兩埸3:2
今日六點半新聞直播程菲跳馬,我一嗌加油,佢就跪低
落街食飯回家開電視又見程菲,睇唔夠兩秒又仆低

適當利用呢種能力,我應該係heroes

八月新玩具

上月出糧送比自己嘅禮物己經諗到,呢兩日會去買...
先買住D玩具頂吓癮先
平價鐵皮，＄３﹣４，抵


懷舊公雞扭蛋機，扭到樽殺蟲水，$5


呢牌通街都有得賣，扭計蛇，$8


用少少錢就多多開心，化算

可能係全港最冷清嘅奧運直播

其實都唔係可能，全場得我一個，仲係借厠所，真side電

試食報告3

Dreyers chocolate mint....呢隻拍得住ha drezs,滿分


雀巢紅豆雪糕....奶味重咗Ｄ，但多紅豆，比你****

雀巢朱古力雪糕。。。同細個食牛奶公司一樣味，回憶嘅味道，****


都唔似楊枝甘露嘅！*

四海魚蛋炸魚皮，好好食，雞粉味重過重魚味，送汽水一流。****


全力推介龍鳳檸樂，咸檸＋鮮檸，游完水飲透心涼。*****

新發現 ﹣3

CitySuper賣三十幾蚊，最後無買；竟然日本城有得賣，仲$10.9㖭！
賣點係兩寸半直徑大冰波，凍入心呀！

開估

朋友隻貓嚟架，無時停，想影張靚仔相都唔得。

one world, one (dream)

競猜遊戲

咩嚟？

流淚的光棍

現場報導：
兩枝尊貴嘅“火棒"流落到全港人流最少嘅商場展覽，大會仲設計咗一個希臘式牢房將佢囚禁，加埋強勁嘅射燈同全日都無人理，令佢化身光棍。


其中一枝諗起之前嘅風光，不禁流出一滴男兒淚

我的高清時代

你。。。高清咗未？

我又講奧運

趁住奧運熱，推出勵志故事第二擊，

天水圍五星級的家 大變身

登登登櫈。。。變做別墅，哇！好勁呀！

老家

未搬入天水圍前，就係住呢度，今次搬番嚟住，我間房已經變咗雜物房，所以住喺細佬間舊房。佢搬咗咁耐但係連結婚相都仲掛响度，有無攪錯？


大量figure又擺哂喺度，離譜呀！上／高達，中／聖鬥士星矢，下／火影忍者


天水圍間屋企點算，聽日話你知。。。