同學聚會

舊同學由多倫多返嚟旅行，令廿幾個十年無見嘅中學同學ＨＥＡ咗一晚。。。當年中學美術班有七人，當晚嚟咗五個，全部都仲從事緊設計／廣告／印刷行業，勁呀！


影完覺得張相好五環標誌

衛生的手信

老狗台灣公幹返嚟，送上手信一袋，一開見到我鍾意嘅天仁茶包，同埋。。。
咦！呢盒咪係傳說中“多謝呀家姐"嗰Ｄ野，咁激？
唓！原來只係棉花糖，
喂喂喂！國慶我攞出嚟食賀賀佢！




老狗，多謝哂！

千金豪買心頭好

從來無買呢個口靚仔牌，但今期買滿$800有遮送，把遮好騎呢，一見鍾情，即刻揀貨，最後買咗千幾銀，仲JOIN埋VIP㖭

卡通再追加

ＣＸ ＭＡＫ。。。你應該係咁樣架


朱生。。。唔駛睇相都砌到你出嚟，後生咗十年，要多謝我呀！

驚嚇到ＸＸ

1/今朝一早起身，開咗電視走去魚翅，聽到靚女主播報導頭條：神州七號成功變"鬼"。。。嚇到ＸＸ，即ＢＩＬＬ出去睇，原來係成功變軌；妖，邊個作Ｄ咁嘅ＨＥＡＤＬＩＮＥ架！

2/返工搭巴士，仲係眼矇矇，睇報紙娛樂版，見到藍色呢句sub headline，第一眼將最後兩個字掉轉咗，嚇到Ｏ咀，以為道德淪亡到咁，原來擺烏龍


3/揭多版，見到呢句，哇，難ＧＡＧ成咁都得？


ps:無分三日寫，無呃卜，多謝！

警方拼圖

拼出以下四名疑犯

一號：ＯＧＡＸＥ
你個樣原來無乜特色，好難砌


二號：阿狗
似過你自己嗰張啦


三號：CaspXX
我覺得你係咁樣架喎


四號：通粉
靚唔靚jet?

我又玩

見到四十一健玩，我又玩先；自己動手拼出自己嘅卡通樣，拼靚仔Ｄ先



我嘅卡通改良版登場，yeah!

遊戲網頁 : FaceYourManga
http://www.faceyourmanga.com/homepage.php?lang=eng

王家沙

與朋友飯局於圓方，"DOU"咗一個圈，揀咗王家沙，食過黃埔嗰間，覺得麻麻，覺得佢煮完上一碟無洗"獲“，有唚魚味，但係今晚又ＯＫ喎！

床底寶箱之史前硬幣（六）

因為中秋同毒奶，攪到呢集而家至出街，變咗倉底貨

港幣最後一集。。。一亳子

好大堆呀！


大部份來自82同92


呢堆來自56-59


呢堆男人頭數量去到17個，最舊嘅三個來自48年,應該值D錢啩，靠佢退休啦！

溫故知新

多謝偉大嘅祖國提供食物之餘，敎育埋咁多化學名稱，不如就等我地重溫一下呢兩年學過嘅野啦！

各位同學，識唔識答哂呢？駛唔駛搵史sir補下習？

狗狗寫真

上星期，一班model準時到達影樓，好熱鬧。

model一號：BULL...人仔細細，兩歲大，咪睇佢外表可愛，其實成日鬧主人


model二號：PANDA...歲半大，非常活躍，又非常聰明，睇吓Ｄ相幾靚


model三四五號，唔記得Ｄ名，兩隻女一隻仔，三隻都好難影，廿張都唔中一張


匯應通遊戲：
邊隻最卡娃兒呢？
1/一號，2/二號，3/三號, 4/四號, 5/五號
估中又抽中嘅朋友可以獲得過期月餅一盒或伊利牛奶一箱

預告

聽日有狗狗專輯，好可愛㗎！

金田一劉翔事件簿

一個月前，劉翔退出奧運，全世界震驚。。。係受傷？


定係比ＦＡＮＳ嚇親？


佢教練開記招又吞吞吐吐，一個月後，佢終於講出真相


佢嗰朝飲咗奶呀！


後記：繼劉翔出事，佢代言嘅伊利都謝埋，好邪呀！


＊以上內容純屬虛構,如有雷同,純熟巧合：）

詛咒娃娃新成員

牛，仲唔係代表奶，哼！

中秋番外篇﹣snapshots

放假無乜嘢做，影吓相囉！


認唔認得Ｄ地方呀？

中秋番外篇﹣小黑洞

中秋除咗落公園睇Ｄ細路玩“煲蠟的未來世界“，仲可以做乜？答案係可以增肥，以下係我嘅紀錄片

經過公和有Ｄ口痕，食豆腐炒麵同芝麻糊溝豆腐花先，美味


太興嘅下午茶餐蛋麵餐，隔幾日食一次，yummy


至愛餐廳之一。。。佐敦北京酒樓，食至燒雞同炒麵，平靚正


至愛餐廳之二。。。九龍城泰式美食，至鍾意佢個湯河同炒河，可惜今次試個泰式炒河，有蝦米，成為今次唯一食唔哂嘅食物


油麻地夏銘記，以為會好得，但我覺得合格咋，雖然魚片唔腥，但雞粉味重


臨瞓就梗係食月餅啦，重要揀多黃喎！



中國揀太空人上月球千祈咪揀我，後果自負

中秋奇遇

搭小巴竟然見到司機係衛蘭，問吓佢近况先。。。
naruto:咦！你咪係Janice?

Janice：你咁都認到我，我帶咗黑超喎！

naruto:點解你會揸小巴嘅？

Janice:都要搵食架,我比阿Neon雪藏呀！

naruto:報紙話你解咗凍，仲開演唱會格

Janice:個名就係我，阿Neon諗住叫阿蕉扮我出場呀，佢話化個舞台妝，無人認到喎！

naruto:咁到時邊個代阿蕉做表演嘉賓？

Janice:盧苑茵

完

中秋節

快樂

淋浴巨星陳偉特約 ﹣廣州真騎呢(5) 完結篇

成架地鐵都賣呢個廣告。。。


咩叫男科醫院？醫乜架呢？醫嗰Ｄ野架？

英文寫得仲曖昧，Cure Male Problems Please Come To Male Hospital Of Guangzhou....
Problems喎,咩野problem呢?

咁多錢賣廣告，好多人有嗰Ｄ病架？

HEA

終於可以抖一抖，去意粉屋食ＣＯＭＰＡＳＳ ＣＡＲＤ特價二人餐，$208，略嫌份量少Ｄ啫。


食完仲夠時間去聯合買Ｄ精神食糧，爽呀！


我都睇書架，幾勤力

黑白配男仔女仔配特約 ﹣廣州真騎呢(4)

公司有個天台，竟然有個馬桶孤令令喺到，我走埋去同佢傾計。。。

naruto:點解你一個桶喺度嘅

馬桶：我本來係一個新馬桶，但比人遺棄喺度日曬雨淋風吹雨打都無人理，而家仲生哂綉，都仲未開齎呀！陰公

naruto:真係可憐，諗住出世為人民服務，變成垃圾又唔係，喺度孤獨終老,究竟廣州仲有幾多無人用嘅馬桶呢，好值得我地嘅探討，好啦，節目時間差唔多，下星期再收睇新聞透Ｃ

蜆身開奶茶特約 ﹣廣州真騎呢(3)

內地同事呢兩日嘅話題都係話有個"好勁"嘅預言家話九月中海南島有海潚，咩海南島有一半人已經驚到離開咗，又話Ｄ青蛙跳哂上樹喎；話預言家之前四個預言全中（包括四川地震），政府今次唔敢再封鎖消息喎！
預言定謠言，九月中就知！

唔駛食素啦

咁多年嚟見到你個樣，唔食素都唔得；從今開始，可以食肉啦！再見，素菜餃。

濫谷蚊香特約 ﹣廣州真騎呢(2)

搭Lift要講禮儀，即刻望吓同Lift嘅女士有無挺腰，笑要見牙先，哇！朱扒呀，驚驚！


修鞋同士多CROSSOVER都幾九唔搭八，仲要個名真係就咁叫修鞋士多，好野！


肥人屋。。。好震憾嘅店名，即刻走"裝"下，以為入面會有堆肥人，點知舖頭細細，肥Ｄ都入唔到，點入去楝衫呢？


行家樂福見入口見到佢張海報個女人O哂嘴,O乜呢？
最後我比錢，見到佢收銀機條運輸膠帶有隻唔算細嘅小強屍（又係小強），我嘅表情仲Ｏ過佢。

投左票啦

瞓醒未?瞓醒就去投票啦!

我今朝睇完"加旋"已經咗投票啦!

奧運吉祥物

奧運就熱烘烘勁煲，殘奧就無論報紙電視都少講，又無一日十幾個鐘嘅直播喎，咁。。。算唔算歧視呢？

呢隻嘢究竟叫乜名，無乜宣傳，係咪叫牛娃呢？有無真人版㗎？

豬頭嘜花生油特約 ﹣廣州真騎呢

工幹返廣州，幾年無見，廣州依舊好多正野，今日先講酒店


嚴格嚟講，佢唔係酒店，中國人壽嘅培訓地方兼宿舍，同事話勝在近工作地方同衛生喎！


睇下Ｄ牙刷同番梘包裝幾咁精美;
但係廣州酒店同住宅有個普遍嘅問題，係厠所有渠味，好難聞，而水喉水都有怪味,酒樓食飯杯茶都有嗰陣味，所以好多時飲可樂。


比兩隻杯同茶葉你，但全房搵唔到茶壼，水喉水又唔會係滾水，即係點呢？


個垃圾桶靚到吖，對住佢影相笑到收唔到製！


最後，間房有兩張床，正想坐落近窗嗰張，點知見到一隻mini曱甴死屍，唉！已經好夜，改瞓隔離嗰張。

你話間酒店係咪好得呢？