情牽女人心演唱會

週末晚去左睇情牽女人心演唱會，為左陳潔儀，斥巨資睇$480呀！


五個女人輪流唱，陳潔儀打頭陣，唱左四首歌就到下一位，開頭都担心其餘歌手Ｄ歌會唔識，但竟然連潘越雲嘅都識喎！



唱得最好嘅係辛曉培，把聲靚到起哂雞皮，但件衫都令我起雞皮；其餘咁多個Ｄ造型都好有台灣嘅特式，娘到吖！


每個歌手都要講下感想，又要有純音樂間下場，原本熱烘烘嘅氣氛，一下子打沉，減左呢Ｄ環節，每人就可以唱多首啦！

演唱會後同酒鬼，奧班馬，仲有阿Betty劈酒（其實只係飲左一杯），玩到兩點，散場！


都唔知幾多年無試過玩到無地鐵。。。

噪音

約一年前開始屋企日日都聽到小孩大嗌同阿媽超大聲鬧仔等嘅噪音，每次維持唔耐，朝8至晚11都會隔一個鐘就一定出現一次。。。

一路唔知聲音從邊個單位發出，直到一次個阿媽又鬧仔，獅吼話要殺左個細路我先至出手落樓下護衛提出。。。

護衛後來講，原來呢家人正正住喺我樓下，而佢個細路頭腦有Ｄ問題，咁我當時都問：咁佢阿媽呢？佢仲大聲喎！

政府廣告話："有樣學樣，一家人嘛"，呢次又真係無講錯，佢地一家四口，連個未識護野嘅BB喊都可以大聲到你瞓著佢都喊醒你

每個長假期都可以有幾日寧靜，我成日估佢地應該返左鄉下囉！

今日，突然覺得已經靜左好多日，落樓時順便問護衛，護衛話佢１７號搬走左啦，佢話原來樓下幾個單位都投訴佢，遠至35樓都投訴（佢32樓），佢搬左好多人包括佢都鬆哂！

我問：夜間護衛曾話我知個細路有Ｄ問題，其實係邊隻問題？佢好認真話：佢兩個細路有係嗰隻（指指個頭），但係佢覺得成家都有問題！

佢搬左，靜哂；不過我都就搬。。。

新屋動工

11:00am，到灣仔買油?點解灣仔買，有得溝色呀！standard color個色版揀唔到我想要嘅灰色，所以神咁早就出動。

12:00noon，約左屋企去左西營盤嘅好彩食做節午飯，跟住到西環正式開工；

2:30pm,朋友到，今日先油白色部份，兩粒半鐘油左一間房；進度唔錯，決定暫停；

5:00pm,附近有實惠，行左一個圈，原來都唔係咁差，張床可能幫趁佢；

6:00pm,始終體力勞動，肚餓，提早食飯，好好味，搵到間好野，下次介紹；

7:00pm,無野做，決定去中環ＩＦＣ睇一吓有無飛睇戲，答案係無；

8:00pm,到銅鑼灣franc franc睇書枱，貴就貴Ｄ，不過真係幾鍾意；

9:00pm,銅鑼灣LCX人影都無，有牌子做一折，陰公豬；

9:10pm,朋友突然話想搵茶餐廳睇電視；吓，咁激，睇柴九？我實贊成格！行左兩條街，都無一間有電視。。。突然有一間大嘅有電視，竟然睇亞視，難怪得一枱客；

9:35pm,終於有一間車仔麵店有電視，嗌左煎爙五寶，燒賣，加杯野飲，坐左一粒鐘，間舖越嚟越多人，真巴閉；今日嘅重頭戲。。。師帥咸濕四奶奶都唔到肉嘅，剩係呢段都可以拍一集啦。四奶奶幫必正個仔改名，唔駛諗啦，叫必Ｃ啦！

10:30pm,番歸寫左呢篇blog。

完

裝修﹣１

連日嚟都係度尺同睇傢俬，準備六月搬屋

新屋比舊屋建築面積少左70尺，但實際雖然已經少了一間房，但其他面積都好似細左好多

最明顯係主人房，基本上位置無得郁，床上面條橫樑一定會壓頂，阿爸想我將床移位，但一移，櫃門會比床頂實，除非衣櫃過隔離房。


書房雖細，但都放到一張枱加一個衣櫃或雜物櫃


廳最見駛，幾件主要傢俱都睇啱，應該可以落實


聽日開始油牆，自己嚟加朋友幫手，有Ｄ緊張，驚失手呀！

＊多謝朋友仗義幫手，完工後請你食餐勁嘅！

減肥廣告2

真係乜人都可以拍減肥廣告，睇下以下米施洛嘅例子。。。


詳請


上面個model真係好成功呀！直頭可以去選港男啦！


但係，如果再好似星期一晚咁狂食，好快會係咁。。。

減肥廣告

搭一程巴士，Roadshow竟然有六個唔同品牌嘅減肥廣告，除左呢架超重地鐵，仲有食藥嘅，有bikini body, 有跳餐死嘅，搵兩個轆轆瘦你條腰嘅，又有天使面嘅瘦身食療。。。但係點解香港仲係咁多月巴氏嘅？


ps:中間個肥妹上過好多次減肥節目同廣告，但咁多年都仲係咁米芝蓮，仲要係五星

多謝哂

“訂閱“人數累積至今已經有十七人，一半見過，其餘有Ｄ都知係邊個，但有幾個完全陌生，未留過言，仲有外國人就真係有Ｄ匪夷所思；

每次見到“訂閱“人數增加一人，都會開心到跳part開心舞；

寫野有人睇喎！幾咁才子呀真係；

我雖然唱歌走音，但係仲識畫吓野，寫吓blog，幾傅穎呀，幾爆呀！

我的眼鏡

你地會點處置你Ｄ舊眼鏡？


執野先知，原來我總共有八副眼鏡，足足佔左半個櫃桶，仲會戴嘅其實只有三副。。。

收樓

交易完成，終於收左樓啦！幅牆Ｄ油其實好新，但係竟然係我討厭嘅米／淡黃色，應該都要油油佢，唔知要幾錢呢？

快獸鍾唔鍾意你個新居呀？


舊居住Ｃ單位，新居又係Ｃ單位，真係與Ｃ有緣！

訪客

同學兼鄰居因屋企要噴殺蟲水，將四隻小動物放嚟我度寄居兩小時；期間我地出去食飯，圖中上面嗰隻竟然識得自己開門出嚟玩，咁啱我又覺得屋企可能焗行番轉頭，一開門佢企喺張枱度望實我，我嚇到Ｏ咀，明明已經搵本書壓住個蓋，另外個出口佢主人又貼咗膠紙，佢竟然夠力撞開Ｄ膠紙。

好彩番嚟，如果唔係無關窗比佢走左，我真係唔知點同阿鄰居老婆交待！


睇下，一放出嚟，就通屋跑，呢隻野一歲，有爭地盤打死細佬紀錄，真係好曵。

陳慧琳 Shiseido PN系列

上星期出左張Kelly Non-no封面，惹來一眾負面聲音，專登搵番佢97年幫Shiseido PN系列拍嘅catalogue出嚟睇睇，呢次靚好多；
順便一提，隔離嗰個係許太同中谷美紀

床底寶箱之史前postcard-2

啱啱睇完天使與魔鬼，幾好睇；自問唔係電影人，最低要求係套戲要有娛樂性，睇戲求開心，頂多咪睇埋Ｄ美指。。。

但我咁鍾意儲野，點會唔儲埋電影系列postcard吖，以下嘅戲，睇完覺得鍾意咁就買張postcard留個紀念啦！

1/好少戲會睇兩次，但有兩套真係入戲院睇左三次，一套係“天使追魂“，另一套係“太陽帝國“；連唔睇戰爭片嘅我都投降，史忽堡，你好野


2/似終覺得leon戀童癖，個女主角唔係Natalie Portman，你睇佢會唔會"蘇"佢


3/當然唔係睇阿湯告老師，Brat Pitt上位之作，一比，老師真係唔識做戲；


4/呢套唔係戲院睇，Robert De Niro都後生過，後生已經係演技派


5/捨不得你Up close & Personal，女主播從螢幕上見到男主角隻難鞋而知道男主角已死，但仍然要報新聞一幕，真係入哂腦；唔知邊個有呢隻碟等我煲多次呢？


6/剩係睇左藍，拍得靚，但又真係有Ｄ悶，同行眾人都唔肯陪我睇其餘兩部


7/唯一一套去藝術節睇嘅電影，同學極力推荐呢套啱我睇，話個主角“忽忽“地，似我喎！唔。。。又真係啱我睇喎！



睇到呢篇你地應該知道我唔係剩係睇笑片呀卡通架？



完

等價交換

為配合“鋼之鍊金術師“，屋苑舉辧兩個月一次嘅以物換物活動，上次換到兩條手巾仔，今次適逢即將搬屋，決定嚟個洗倉行動2009。。。
重災區主要係漫畫，雜誌，海報，catalogue, postcard,參考書，ＶＣＤ，scanner, printer, 燒碟機。。。等等
落樓下同管理員借架車仔，一車車落去，點知中途反艇，又搬過兼阻街


最後結果係書有70kg，加埋Ｄ電器有32分；今次真係任揀啦，但我就嚟搬屋，油，豉油，柔順劑又重，最後揀左三樽洗手液同兩條手巾，響應政府。。。洗手洗手洗手洗手洗手洗手


完

搬屋＊被遺棄

執呀執呀！
新屋細左，放唔到咁多野，唯有掉得就掉，呢兩本最後都係比我掉左；

96年嘅金城武men's non-no＋2000年嘅Ｋelly non-no，再見啦！

爛歌

終於都播完呢套爛鬼遊戲節目；如果仲鬥緊爛歌，實拎佢出嚟鬥，唱得仲爛過傅穎，惡頂！機都想掟爛；妖，仲要加句：Dr.Rain,
真係嘔茄呀！

ps:我唔係傅穎fans

床底寶箱之史前postcard-1

因六月搬屋，近呢兩星期開始將書本，衣服，雜誌來個大清理，務求要減去1/3存貨，如果唔係，新屋邊有位

今日執到postcard類，一向有儲開，又近千張，真係痴線，清得就清，但總有Ｄ係我嘅至愛...

gap嘅廣告儲足幾年，最鍾意呢張童裝，衫同廣告一樣，簡簡單單，我都買唔少；但係嚟香港就仆直


因為移民，所以認識club monaco，加拿大無乜衫買，唔係gap就係佢；廣告攝影永遠黑白，水準甚高


CK one,呢張相影響深遠，由以前個個擺硬舖屎，突然懶自然扮傾計相；嗰一年通街通巷抄都離譜


MEXX,怕且你都真係ＸＸ啦


曾經因為呢張相，想去NY旅行，點知嗰年有同學喺ＮＹ遇賊匪，受槍傷，攪到而家都無興趣去


COMME CA DU MODE，咁多年都係呢個image，又係一個打唔入香港嘅例子，而家香港只有童裝


Sisley....輯相非洲影，靚；


但憶蓮嘅sandy'94竟然抄，呢舖低手左


都係Sisley，玩完非洲風玩日本熱，落重本熨金，型


最後呢張係小弟作品，當時做（口靚），上司走左佬，無筆直下自己走去公園影砌埋稿做埋presentation，就係咁老細就記得我啦！


呢堆postcard，你地有無印象？


完

奇蹟早餐

係咪好靚呢？食早餐都食得開心Ｄ呀！


行街成日買埋Ｄ無聊野，最近買左呢件囉！。。。


設計好正呀！不過下次唔好用聖母，食落口有Ｄ罪過！

我家的紅棉樹

舊年五月曾經寫過我種左一堆種子，而家一週年，有Ｄ健康成長，有Ｄ已經瓜柴；今日先講紅棉

紅棉非常惹蟲，當佢兩三個月大，就逐棵受到蟲禍，終於死剩一棵，幾靚仔架！


另外，前年都種左一堆，又係剩番一棵，佢都比蟲蛀過，我將佢成棵有葉地方剪哂，幾個月後佢出番葉，但係明顯大得好慢，可能比下面嘅紅色三葉草搶肥吧


合照就知其實阿哥係高好多架


準備帶埋佢地過新屋啦！希望出年繼續寫佢地兩歲同三歲嘅故事啦！

想睇番佢之前個樣，襟呢道第一週

午睡

我呢幾日個blog無哂貨，點解？好忙咩，又未至於，工餘外仲見過大量blog友朋友，行街食飯打波打牌應有盡有；

咁點解無時間寫blog，就係因為瞓晏覺，日日一到四點就睡魔急call，瞓醒已經六點幾；唔好以為夜晚會瞓唔著喎，一瞓又七至九個鐘；瞓醒做下野，好快又四點，又瞓，起身又要買餸煮下飯，食完睇下電視又準備瞓。。。

今日好Ｄ，上晝效率高，交左份幾好嘅功課，而家九點幾，一邊準備睇下條巾幗鬚眉一邊scan埋Ｄ相，正！

完

爛相﹣3

乜而家Ｄ宜家displayer 咁有創意，比呢盞燈個designer見到，一定嘔血身亡

爛相﹣2

真係好爛，狒狒的Ｃ忽爛了

今日好舒服

約左Ｘ狗同邪ＸＸ沙田食LUNCH
食完去泳池游水加曬太陽，聽歌睇忽周，跟住瞓左，
瞓醒個太陽都走埋
夜晚約左Ｘ粉大尾篤食DINNER，飽哂
食飽又眼瞓，寫埋又瞓ＬU

開心背後其實大把野未做，聽日仲打牌，睇嚟都係週日先開工啦！

爛相﹣１

朱朋發現，我只負責影低同放上嚟！知唔知爛喺邊先？