號外。。。無米賣

我樓下惠康得番細包米賣，成個架"吉"哂，好壯觀呀！

有買唔到米嘅女士話：搶嚟做咩呀（高八度），下個禮拜可能減價㖭呀。。。見到班Ｃ拉企埋討論，八卦嘅我睇得好開心，哈哈


有關新聞
米 價 勢 瘋 狂 加 價

以 泰 國 米 為 主 的 國 際 米 價 ， 一 日 內 瘋 狂 急 升 30% 至 每 公 噸 760 美 元 （ 約 5,900 港 元 ） ， 有 本 地 米 商 透 露 ， 每 公 噸 米 價 將 升 至 近 1,000 美 元 （ 約 7,800 港 元 ） 。

白 米 零 售 價 月 內 料 增 一 兩 成 ， 超 市 也 稱 米 價 「 有 壓 力 」 ， 不 排 除 將 加 價 。 飲 食 界 預 料 食 肆 的 白 飯 隨 時 每 碗 加 價 1 元 ， 粥 粉 飯 都 齊 齊 漲 價 ， 市 民 生 活 百 上 加 斤 。

床底寶箱之史前文具（五）

好耐無講床史啦，今日講貼紙

呢類貼紙，而家絕咗跡，佢地唔係貼，係喺貼紙面刮落去，就會貼住喺其他紙上，我諗呢度未必個個玩過。



十幾年前走勻港九新界逐間文具店同紙紮舖至刮到呢幾張






下次講間尺，bye

三月嘅玩具

老麥開心樂園餐開始換“火影忍者“，又要食四星期啦！忍呀！
(Shikamaru Kunai box)


太極已經悶到睇一集唔睇三集，下星期嗰套仲要係鄭則士，無記大佬，食飯時間嚟架！投降，睇"求婚大作戰“山下智久＋長賴正美，掂呀！


Y'saccs X Chocoolate Postman Bag, 型呀！


Kleenex 盒裝紙巾，擺喺屋企都好似高格調咗，貴幾蚊呃吓自己，值呀！

天水圍觀鳥

住天水圍有個好處，隨時可以觀鳥，落街行個圈都影到幾種。。。

小白鹭，已經喺到長住，留鳥嚟架，鄰居你好


珠頸斑鳩，呢種比較常見，唔係一般白鴿嚟架


紅耳鵯，近派見多咗


喜鵲，唱歌好好聽架


呢隻第一次見，手忙腳亂；我估佢係"池鷺“，但池鷺毛色應無咁鮮艷，會唔會有人識？


下次去濕地公園再影過

仆親

上星期發生家居意外，踏中個袋成個跣低，仆落張几仔度，橫掃几上物件，隻手痛到痺哂，眼水都標埋，但第二日又無咩事喎！

星期三睇完Chanel Mobile Art,同快獸搭天星小輪。。。


到佢仆親，仲拍低連環動作㖭！

影靚相


準備仆


仆直


佢無大礙，休息幾日遲Ｄ會同大家再見

CHANEL MOBILE ART

連場爆滿，兩星期前訂飛，今日終於一個人去睇咗，我就覺得好正！正到做咗張wallpaper


之前聽過comments話膚淺，太商業；但我諗對香港人嚟講應該可能仲係高咗（從我見現場反應嚟講）。

每段時間得約七人入場，先後戴上耳機，由聲音帶領往每份展品，講解該展品概念；所以基本上每個展品參觀人數會受控制，但一Ｄ遲過我入場嘅參觀者已無耐性，比我更早完成整個旅程，唔通佢地真係諗住嚟睇手袋？
１８個設計師作品有深有淺，有靚爆影像又有嚇人嘅，咁多個展品中最鍾意黑房倒影同紙盒裸女打交，影像一流，要憑自己感受。

免費入場仲有大大本場刋同postcard送，多謝哂


當poster貼牆都型啦！


展覽到四月五號咋，要睇快手

今日相簿
因為陰天細雨，改影黑白


全景


倒影


匯豐


印度薄餅


太空館


白蛇吞國金


飛碟襲中環


此照片由遲過我入場早過我散場女仕攝，謝


完

大霧山半day遊

復活節假期朋友Ｗ駕車往荃灣嘅端記飲茶，第一次嚟，我地大鄉里，原來要自己冲茶／攞點心。


茶靚價錢平，話咁快食完。附近行過圈見到“笑貓“同“ON狗“


再驅車往大霧山，泊車後，見到天文台大波波，決定行上山頂；以為好近，都要行粒幾鐘


從山頂望落嚟，好宏呀！獅子山都喺腳下


終於到頂，全港最高(957m)，yeah；高山症呀?咁快肚餓嘅


住喺天文台嘅地毯狗


跟住落山打羽毛波啦！

完

今日相簿

香港紅葉


電線杆


怕醜太陽


空櫈Ｘ２


最鍾意呢張。。。萬重山，靚到似國畫

爛歌金曲鬥一番。。。第十一回

十回總結，局數我領先6:4,票數更加係26:33,Yeah...


今次有原裝版，原版係熊天平 -( 每一分每一秒都给你)，好感動，聽聽先。


老翻係咸濕醫生吳啟華同俏護士蔡少芬，唱番同一隻歌,“妙手人參“插曲


歌詞旋律無變，只係加咗旁白同嚇人唱功，就已經威力無窮




睇吓ogake仲有Ｄ咩爛歌出招先，但係要投我票

休息一天

今日“耳屎不平衡"休息一天，聽日爛歌見

精選圖片

九龍城廣場廁所走廊設計。。。滿分呀，表達到香港人爭分奪秒嘅後現代激情！


男嘅走右邊，女嘅走左邊，仲提你攞厠紙，好細心呀；唔通入面無供應嘅？

渦卷鳴門

我個blog名Naruto來自套日本漫畫,即星期六晚TVB播放嘅火影忍者;Naruto全名"渦卷鳴門",從來無諗過個名點嚟,但睇完supageti篇旅行blog,明哂;原來有個地方叫鳴門,仲有旋渦睇!

今期metropop都有介紹....








唔知supageti睇唔睇到?

咖哩飯

想食咖喱，諗起呢篇。。。假期有無朋友陪我食咖喱呀？