呢排聽乜歌

屋企開工，慣性一定要有Ｄ歌陪住先諗到嘢！五月係靠呢四張。。。三個娜姐加一隊Exile


Madonna成張快碟，我每次只會聽三cut,聽得最多一定係4 minutes,好好UN...


Leona Lewis,全碟都掂


Fiona,唱得幾好架，聽吓啦！


Exile,出道六年，終於有精選，因為銀河鐵路999主題曲，買嚟聽，非常J POP,推介

手信

如果話我嘅鄉下係泰國，我家姐嘅鄉下一定係日本，佢今年已經去咗四次旅行，全部去東京，唔厭架咩？

每次都有Ｄ手信，除左草餅同茶葉，今次有新嘢！係溫泉粉。。。


用咗就會變貴公子同伯爵，好神奇呀！做伯爵定貴公子先呢？


今次佢無買快獸，但買咗幪面超人身邊嘅嘍囉。。。“ 傑傑（上音）“，又話似我喎！
咦！“ 傑傑（上音）“頂帽armani嚟架喎，似佢都唔錯喎！

床底寶箱之史前時間錦囊（二）

繼續時間錦囊。。。
搵到張簽名，一面翁靜晶，另一面莊靜而，唔記得幾時攞，根本唔鍾意佢兩個，但竟然走去過埋膠喎！


有兩個襟章，亦唔記得係邊套劇，有無人知？（欣宜你番去問吓Daddy啦）


楊家將貼紙，真係儲埋好多貨,呢度只係四份一


楚留香貼紙，左面嗰款反貼，係比你貼喺架車度，玩法係K-100主持喺條街度見到你架車有貼紙，就會有獎品


仲有ＴＶＢ電話簿，失咗憶，無印象獲得途徑


仲有幾本相簿，遲Ｄ繼續

床底寶箱之史前時間錦囊（一）

睇卡通成日有話將Ｄ"貴重"物件放落時間錦囊，等廿年後打開，等自己有個回憶，我都有一個，仲真係廿年無開過。
前牌番老家執房，剿到佢，個心真係震咗一震，打開。。。除咗搵翻Ｄ遺忘咗嘅回憶，仲笑到趴咗喺地，原來全部係我作為ＴＶＢ ＦＡＮＳ嘅成長紀錄。


曾經參加競猜“健美小姐誰是冠亞季軍"遊戲，估中哂，即係連馬清儀都估中，以為有大獎，點知Ｋ﹣１００用架水泥車（田螺車）嚟抽，當然抽唔中，但獲得安慰獎，居然連封信都未掉；TVB祝我生活愉快呀！


獎品係鎖匙扣兩個，其他Ｄ完全無印象點拎番嚟！


聽日繼續，一件騎呢過一件

後記：老家個牀底先至嚇死人，咩都有，仲搵到好多錢呀（舊嗰Ｄ）

第二季爛歌金曲鬥一番。。。第六回

上回又得手，總比數3:2, 興奮呀！今期到我改變策略，將時間推前至91年。。。
有請今日嘅參賽者﹣溫兆倫；當年仲未追討陳梅馨14萬分手費，亦未用菠蘿包搭上便便港姐，形象大好。

碟名叫"我是情痴 隨緣"。。。呢個碟名配溫兆倫今日睇番真係笑話


參賽歌曲。。。“戀愛快車“留意中間句（沒界限），好騎呢！


歌詞：


睇埋ogake出咩爛歌先

留言投票啦！

種豆 - 第一週速報

種豆第一週，全部發芽，好成功.按此睇上週情况

bazil leaf.....


三粒豆，最細嗰粒領先呀


紅棉樹種子，原來一尺高樹苗值成千銀，我一定會比心機種好你


最後係日本贈品，好靚仔喎！


下週見，又多一篇連載啦！

教育電視之大便超人

各位同學，今日送上富有深層教育意義嘅大便超人陪大家食飯


























重播精華片段




各位同學，睇完之後，你而家
A.想食咖喱飯
B.想做大便人
C.想訂套大便人服飾返工返學去街
D.以上全部

最後送上松島老師食緊嘅咖哩飯一碟

數碼暴龍

工作關係，最近經常返舊公司，離開咗八年，大部份同事都走咗，連公司都搬咗去數碼港；一返去第一個job就衝衝衝，今日終於可以食個靚Lunch.

老閶拍板，佢揀咗喺商場嘅紫雲軒


聽講厨師係李澤楷專誠由大陸邀請嚟開舖，但數碼港人跡罕至，day day拍烏蠅，只靠楷楷每月包場維持生計；唔知會唔會見到isabella呢。


原來我嘅大食已經係人都知，老閶嗌咗四個Lunch三個人食，但第四個餐我食咗一半以上
頭盤：有1/南瓜湯"或“2/叉燒煎餅...煎餅好得


主菜：3/海鮮天使麵...好好味，4/露絲馬莉雞扒...正路咗D


一個午餐連綠茶或啡唔駛$60,係咪抵到爛呢！（以上係兩個餐）


跟住嗌甜品，5/荔枝雪糕($18)，好奶味但係好爽...OK,6/蘋果批($88)都幾大個，大過手掌，仲有舊芒果雪糕，又係我食最多


臨走侍應生叫我做埋VIP啦，但仲mug鬼同我全程講英文？

ps:邊個想食呀？我有Discount呀！

快獸導遊天水圍（七）。。。屏山文物徑（下）

有人話我出鏡少喎！咁出多Ｄ啦


繼續屏山遊，上期講到放低幾兩，接住就會嚟到“鄧氏宗祠“同“愈喬二公祠“，三進兩院建築，十六世紀建築；入面個“食蕉“女職員悶到係咁講電話，喺度打工連電話費都蝕埋


喺愈喬二公祠旁有小徑上山，只需十五分鐘，就到“屏山鄧族文物館“，前身係警署，建於1899年，可能係平日，人影到無個，職員直頭開埋門招待，佢話："入嚟參觀啦，入面有冷氣呀！"聽到有Ｄ悲哀！



行完文物館可以食番碗豆腐花，爽呀！再望吓隔離棵樹，直頭係鬼手，食完速走


廣告時間，我係快獸呀！咁又攝一張


行去“洪聖宮“，間間差唔多樣嘅？


最後去埋“覲廷書室“，我覺得全程最靚係佢


屏山遊全程完，下一站濕公


後記：每個景點都有"食蕉"女職員，個個都好熱情，直頭唔捨得你走，可能真係太少遊客，大家得閑入嚟參觀吓啦！

今日相簿










喂！卡威治，都唔算好少花囉喎！