大平賣

樓上北菇莊大平賣，快Ｄ去買番幾斤啦！振興消費

没有嗅覺的日子﹣第廿八天

ＢＴ係咁流，流到尿都疴少咗，野又聞唔到，開始懷疑自己前世係水上人。。。帶涕

太歲

前年犯太歲
舊年無犯,但吉星全無,凶星一大籮
今年又犯太歲,但有貴人星
出年.....吓!冧莊?又犯,四年三犯
你地試過未?

床底寶箱之史前功課

係呀！床底仲有料呀！
今次講嘅係我幾十年前讀設計時嘅功課。。。

讀設計時第一次接觸影相同哂相，即時愛上，再加上當時ＭＩＳＳ竉幸，分數超哂班，終於寸到唔做Final Project,因為夠哂分畢業啦！

呢幾張當時高分之作，技巧係微粒爆裂，影完黑白菲林，沖片時先用藥水，develop完成後加熱水再用冷水令菲林爆裂，熱水過久菲林會巢，唔熱又唔裂喎！我呢！第一take已經成功！一唔成功，影嘅野就無哂架啦！


呢張喺香港大學影，爆裂之餘用埋Sepia相紙做啡色懷舊效果


中環佐治五世公園，相同效果


中環嘅天橋，玩陰陽模圖，配返黑白相紙，又掂


呢個功課得分98,破盡紀錄，成績輝煌

可能悶親你地，有興趣再寫，BYE

塞鼻公園

踏入十一月，一入冷氣地方例如公司呀，餐廳呀，個鼻就塞到講野都辛苦；朋友約去我樓下個公園，戶外地方無冷氣，好呀！

一行數人大部份都係第一次嚟，等我做吓導遊啦！原來第一次嚟真係唔同Ｄ，見乜都有新鮮感，我就超得閒，唯有影Ｄ無無聊聊嘅相啦過日晨啦！

草地，一跪落去，原來濕嘅！

隊架相機仔落個望遠鏡到影雀，結果只係影到個水池


蓮花，嚟十幾次開得最靚係今次


蓮花加夕陽，靚


係水又係天，咪就係天池囉！


第一次近距離影蝴蝶，原來好難影


牆上面嘅樹枝，感覺蒼涼


途中巧遇ogaＸＸ露械演出


個冷氣槽咩事咁唔開心

今日第一次喺公司寫blog，因為個鼻塞到唔想做，出去曬太陽都唔掂，決定罷咗兩粒鐘工
完

警訊

上星期喺數碼港發生咗一單命案，現場經常聚集咗一班野狗


案發時,一名女童行經大花園，數名兇徒突然襲擊女童


歹徒監生咬死女童，由於畫面過份血腥，經特別處理


歹徒食到津津有味


警方接報嚟到時，歹徒雞飛狗走


現警方發出呼籲及併圖，有無人當日見到案發情景呢？有無人認得圖中嘅歹徒呢，歹徒外藉人士，金髮，操外語，身高一米二，多毛，如有任何消息，請與警方聯絡，薄酬！

擦餐勁

上星期四，朋友要離婚，相約食飯傾傾計；
去咗世貿嘅桐燒請佢食和牛燒，捧住個肚走。

1.桐燒喺13樓，環境唔錯
2.伴碟係螺同豆，我食剩哂Ｄ螺
3.蔬菜併盆$98
4.肉類大併盆$498
5.滿$300送和牛一碟，呢碟正到有幸福滿瀉嘅感覺


星期五，去咗跑馬地山光道馬會food plaza，呢舊圓形物體喺日本見過，喺香港就第一次見，點咗食物厨師會比一個你，食物做好時佢會打哂尿震咁通知你出去攞你order咗嘅食物，我點咗漢堡飽，好食到不得了，甜品點咗舊movenpick士多啤梨雪糕，好滿足

本週人氣榜

檯角七號


玲玲七

完

最具創意廣告提名

一號。。。掂呀！


二號。。。醒呀！


睇完呢兩個廣告，邊個仲敢話我爛

攪乜鬼XX雜作

距離同朋友食飯時間仲有40分鐘，無無聊聊，行行吓，買咗個電話


Nokia N79 $3400, 舊機trade番$710

本來想買E66,但售貨員遊說我買呢部，話有500萬像兼送4G咭。。。售貨員男的，個子不高，廿歲上下，一頭乾淨短髮，架着銀絲眼鏡；好，就聽你講


夜景有很多雜訊


閃燈效果不俗


室內唔用燈都ＯＫ


唔夠光會易手震

（全部相片以Ｎ79拍攝）


買完機，豁然開朗了。


番屋企，扮某人扮伽利略

呢篇夠長喇啩！

400期大揭秘

熱烈慶祝400篇誕生暨觀賞人數突破47434，仲係台慶大日子，今日嚟個大揭秘。。。
一週刋期期都有嘅廣告，嗰個咪係黃宗澤？

Slogan

呢咁嘅Slogan真係好水


第一眼仲以為戰狼300拍續集。。。戰狼5100

迎送生涯

海嘯下，公司開源節流，開源嘅方案，竟然包括掉我出去接客呀！嗚嗚！仲已經開埋價。。。
接客一粒鐘＋完成個簡單嘅“任務“，海嘯價$4888,我賣藝架咋，唔賣身架！

史上最Ｘ的髮型

今年最潮，有興趣加入成為最Ｘ一族嗎？

視后

強烈抗議欣宜擺唔到視后

Lucky Money

生日嗰日去買六合彩，竟然中咗三個半字，因為買嘅係七個字複式，投注站比張飛換錢時，個顯示屏彈出數字５００，我開心到問個姐姐，有＄５００呀？錢到手時喺投注站跳咗幾野開心舞！

影展

星期三，返咗工但BT長流唔想做，結果出去花園影相好過。。。

個天收哂水，好藍，基本上影乜都正，全部不經photoshop,原色嚟架。
揀咗幾張放喺到，當開影展，等我企喺門口迎賓先！

1/藍天綠葉


2/紅


3/竹


4/紅2


5/松


6/大紅花


7/我自己


8/月亮女神


9/餘暉


10/餘暉2


11/餘暉3


鍾意邊張呀？

東主有喜

休息一天

放假買Ｄ乜

本來想去買件見得下人嘅Jacket,點知失手，最後買嚟一堆實用野
白花膏，百佳賣$8.X,萬寧賣75折到貴過佢，唔中計
呢牌要見人，用咗呢隻眼藥水即去紅筋，個樣精神好多
SUCCESS育毛洗頭水，幾好用，有無育毛就唔知
喉糖，秋天必備
塊面乾爭爭，買枝loreal用下先，用完變吳Ｘ祖




完

放假做Ｄ乜

上星期連放三日，做咗乜呢。。。

星期五，主力執天水圍間屋，執下又瞓下，結果。。。我諗要請多日假

星期六，去咗加州Ｘ唱ＬUNCH K，兩個人＄１１０唱足兩粒半，又多新歌，抵！
跟住入咗新城市食下午茶；未家道中落前成日去銅鑼灣Habitu食Bunch,見到沙田開咗間旗下店，試佢一野


外表靚，味道真係一般喎！



行咗無耐，又到晚飯喇，好突破，去美心。。。


星期日，睇爆粗band友，幾好笑，夠聊我鍾意


夜晚轉涼，即刻“ＬＩＥ"野，個鼻係咁流鼻水，流到尿都無得疴，無mood,返工都做唔到野，ＨＥＡ足一個下晝