罷買罷用

西隧年年加價，今次仲一加五雞；人地想好生意只會減價競爭，佢地就成日話賺唔夠又加，都唔知乜腦嚟架!其實佢如果減到紅隧價，車流同收入就多一陪啦。。。

以前住天水圍，一過海巴士就要廿幾蚊，叫入面D人點出嚟打工吖；打埋到比左佢啦!

嬲呀，起佢底；背後大股東係三間公司

港通控股有限公司 http://www.crossharbour.com.hk
中信泰富有限公司 http://www.citicpacific.com
嘉里建設有限公司 http://www.kerryprops.com

港通經營。。。


中信泰富有限公司。。。


嘉里建設有限公司。。。


原來背後無乜野可以罷，唔怪得有恃無恐；一於叫人唔好鬼幫趁駕駛學院，主力除左唔用西隧同大老隧，強攻罷買大昌呀！

講真架!大家齊心唔好幫趁呀!

妹妹，唔好咁啦。。。

乖啦!唔好“乃”叔叔手指啦！

花輪同學長大了。。。

睇卡通時，好似叮噹小新呀咁，總有一集係講佢地大個左會變左乜野樣，做緊乜野職業。。。


下晝去飲下午茶，電視播緊我一向唔睇嘅亞視，做緊財經；有個專家上嚟分析；咦！佢咪係花輪同學，oh,baaaaaby～管家「英叔」見你事業有成，一定好感動呀,加油!


補番張小學時期的花輪

MoMo Cafe

三星期食左兩次，我呢期嘅推介呀


位於西營盤萬怡酒店二樓，星期一至五LUNCH至有架；環境唔錯架，服務仲真係一流㖭！沙律自助餐$78，有埋飲品架啦


附設麵包生果同中西餐湯，唔驚會唔飽呀


菜同配料選擇多過百種，大量靚菜，仲有少量凍肉任你揀


當日有報紙嚟影相採訪，經理話比個超大碗客人自己撈，先至撈得勻，係佢地嘅特式


隔離仲有粉麵自助餐，加$20就可以食埋，芝麻麵配豬骨湯底。。。正


另外，加$20亦可選擇甜品自助餐，選擇唔多，主打係自己刨冰，我真係食唔落


快獸誠意推介；有無人一至五得閒去食lunch?


後記：為配合食完勁多沙律後嘅效果，第二朝早XX時嘅心情，特別送上林憶蓮嘅“你是我的男人”；點解揀呢隻？留意頭兩句歌詞

長洲遊

再講一次，今日內容帶驚嚇，搵定家長陪同至好睇到尾。。。

星期六，去長洲；讀書時住過一個暑假，之後亦嚟過好多次，以為自己對長洲好熟。。。


平時多數會去觀音灣食下野行下條小長城行上山頂，今次無目的咁行；
沿途係咁影，先嚟張360度長洲景先(可click大）


一路行一路影去左張保仔洞方向，未到張保仔前，見到下面個景幾靚，而路牌指示下面叫鯆魚灣同五行石。。。
沿住樓梯落，竟然要穿過小石洞


行過石洞，係一條窄嘅石巷，好好feel；唉吔，撞頭!


出左嚟，別有洞天，兩旁種滿仙人掌


沿途係無遮擋靚靚海景


影左張今日至愛之一（左），隻蜂顏色好靚；當時仲覺得自己越嚟越大膽，因為我用嘅係20鏡，即係其實跟本同隻蜂差幾寸。。。


越行越遠，經過鯆魚灣同五行石；唔對路，太曬兼帶唔夠水，行極無盡頭，流汗流到背心索唔哂，滴到褲都濕埋


決定番轉頭；又影到另一張鍾意嘅相(左），其實係個生滿青苔嘅水氹，但水草呼出氧氣，好得意


一路都注意有好多蜘蛛網，但見唔到蜘蛛；突然我左邊有隻蜘蛛出現，計埋腳長大過我手掌，我嚇到嗌左出嚟；但照影。。。幾驚佢咬我呀；咁鬼彩色，應該好毒；呢隻應該係我見過最大嘅野生蜘蛛


行番近市區，呢張都唔錯。。。


呢張都幾好


最後，用張靚貓相舒緩下不安嘅氣氛

做乜攪成咁？

出發前好地地


玩完番嚟。。。


做乜攪成咁？


預告：聽日內容有恐佈內容，敬請家長陪同觀看

中環／西環？

又係問答遊戲時間

呢度係中環


行行下變左西環



呢度係邊度呢？

copy cat

最近傅穎出寫真，搵嚟日本攝影師米原康正合作，大師特式係咁嘅。。。


我又學下先，搵邊個影好呢，就佢地啦

先影阿仔


再影阿妹


阿妹激過一眾𡃁模，佢玩脫毛


阿仔都唔執輸，玩伸脷


最後一人有一張靚相




完

忙

幾日都忙，無時間寫blog，之前兩日其實已經係存貨；今晚，存貨用哂。。。

今晚偷左少少時間上去探阿仔同阿妹，因為貓主又準備去旅行，我上去先打個招呼，驚佢地唔認得我呀

今日就放阿妹新鮮熱辣靚樣頂住先

童年陰影

自細就鍾意睇電視睇卡通，極度沉迷三一萬能俠，黃金俠，大鐵人。。。


早前提過，細路仔時老豆興一年半載去一次太白海鮮舫食飯，而每次搭車經過華富邨隔離嘅呢兩座發電塔，小則dup低頭打冷震，大則喊到拆天；原因其實係覺得佢似機械人，尤其係似三一萬能俠


而家睇番件事，知道自己細細個諗野條curve都已經係亂嚟，唔怪得讀唔到書啦；唉!

沙田萬佛寺

香港其實有好多特別地方值得一遊，好似呢度。。。


我第二次嚟，我諗如果係遊客嚟到呢度，都會嚇一嚇，兩旁放滿佛像，係咪有一萬個就唔知，但真係唔少囉!


上到去，最搶眼係個紅塔配藍天


因為裝修緊，所以有部份佛像比布包住


走嘅時候，見到條蛇喺佛像腳下，識得嚟萬佛寺，係一條有慧根嘅青蛇


呢度你去過未？


後記：
喺香港，成日都聽人講話無乜地方去，剩係得商場，其實都唔係吖，呢幾年逐個景點影下相，發現其實好多地方都值得去喎，決定將之前去過嘅加埋呢篇group落主題“香港遊”。

曼氏兄妹

廢。。。
台灣影嘅，曼波，唔係孟波喎；背景係巴黎，你估呢個係乜野嘅門口？


呢個仲廢。。。
有日行過荔枝角，見到豪宅“曼克頓山 Manhattan Hill”，隔離有個商場，個名竟然係。。。。“曼坊”
會唔會搵人過嚟做代言呢？


完

相集。。。”相遇“

日日影相，影埋一大堆，紀錄低當時諗緊乜；group埋呢一堆叫。。。”相遇“

1/紅色係現伇，綠色係退役；
綠色日日望住紅色係咁做，自己就掟埋一邊投閒置散，唔知咩心情呢？


2/世界咁多人，喺條街相遇嘅機會有幾大？有緣做到家人，朋友又有幾大？其實只係想老土講句：要珍惜呀！朋友～


3/我諗印刷嘅時候，左右門神可能會各印幾百張甚至幾千張，到最後貼埋同一對門廝守終生，其實都係一段盲＊婚＊啞＊嫁!


後話：寫blog真係艱難呀!噚日篇比人話唔明，爛，呃blog。。。
喺blog留言又有，msn都有，見面嘅都出聲。。。

唉！即刻將原定今晚果篇抽起，換呢篇“正常”野，無投訴啦啩！



啦!睇完呢篇，係咪覺得我其實好感性呢？