寒流下的獨居老人

冬眠

完

全城盡帶黃金鴿（Ｋ）

約人在尖咀，早到，九龍公園行個圈，見到二至三百隻鴿圍在公園一角，無論樹上，地面，櫈都佈滿鴿與鴿K，狀觀，yeah.


有嘢食，快D走埋去



吓，無嘢食㗎，混吉



走咁埋，啄你㗎



仲影，信唔信我送大禮比你。。。咇

完

樂壇五大奇"疤"

我心目中當今樂壇最難聽歌聲

第五位。。。何超（姨）
如果唔係搭巴士，見到Roadshow 節目內何超小姐嘅訪問，都唔知佢仍活躍樂壇

篇訪問大致話外國主流歌手Bjork可做非主流音樂，點解我唔得。。。
結論：有錢真好

第四位。。。葉世榮
Beyond年代無聽過佢唱歌，直至近幾年佢獨立發展

咦！你唱緊㗎啦？
結論：三甲不入,可惜

第三位。。。盧巧音
曾經買過佢嘅碟，但唱Live實在超哂班，應改名盧走音

結論：不進則退（休）

第二位。。。yumiko
試吓佢唱live時唔睇歌詞字幕，測試吓自己嘅聽覺能力，幾好玩㗎。

結論：去拍戲算啦

第一位。。。黃家強
由細憎到大，健康又愉快，每粒音皆留彌於走音邊緣，難度絕對十分，將香港樂壇推向深淵邁向重要一步

結論：聽佢唱"喇渣"回家，只想叫佢自己早D回家

本來beyond三子皆上榜，比面朱奀，貫中得第六。

你地心目中嘅奇"疤"係邊幾位呢？

最近聽得最多嘅碟

比佢用巨型寶麗萊影嘅封套吸引，買咗“周柏豪“張EP。
全部四隻歌都OK喎！今年買你WIN



比起D聽Eros Ramazzotti及Carrie Underwood嘅，真係一個天一個地。

週末人氣guide

雜碎一
星期六，無節目，朋友約睇“野良犬"。
見係新導演，無期望反而有驚喜，故事多沙石，樹妖一場最離題，但剪接，美指都唔錯。
最大感覺係演員錯配。。。
林子祥做黑幫大佬，造型與語氣都仲係林子祥
李麗珍做等老公十年的女人。。。無忽似
林苑做老師兼殺手。。。一個無嚟神氣嘅老師，同一個都係無嚟神氣嘅殺手

另外，
童星。。。得
陳弈迅。。。好得
邵音音做小童眼中巫婆樣嘅婆婆。。。型神俱似

雜碎二
喺戲院見到呢個廣告，有D期待。。。漫畫都無交待，仲可以拍D咩？


雜碎三
星期日晚，打羽毛球前食麥記，發現今期換軍曹，明明食左嘢都隊個開心樂園餐，一星期換兩個，換足四星期，實食到反肚。
我換左Keroro,朋友S送我Tamama,多謝哂。

我嘅儍瓜青蛙，你好嗎？

雜碎四
第三次打羽毛球，開始摸到D“HILL"門，下次可以打好D.
打完有D體力透支，食完飯，返到屋企，竟然嘔；睇嚟，今舖真係攰到嘔。

淫蟲閣

成蟲大哥會唔會去呢？

攝於06台北

台慶最好睇呢PART

你覺得邊個最勁？

一個人打邊爐

碎料 1
買咗側田新碟，聽咗兩次都無咩驚喜，不過慢歌多，可能需要聽多幾次。
暫時覺得"男人 Ktv“好娘
"頭條新聞“真係太“尋開心“
“一句“複雜得幾型


"遲鈍“同“兩個女人“較OK，但睇嚟好難有大HIT歌。




碎料 2
今晚心情麻麻，夜晚要繼續開工，決定出去行個圈，食個飯，走左去大X活食牛鍋王火鍋，份量超大。



個廣告好屎



ps; 人越大越唔鍾意一個人出街食飯，好獨居老人feel

漫畫精選。。。小吉軟雪糕

各位小朋友，DaDaDeDe精靈樂園陪你識多D, 我DaDa今日介紹精選漫畫
絕對係經典之一，睇完一齊食雪糕囉




下星期再見啦！
DaLaDaLaDaLaDaLaDaLaDaLaDa Hey

立山旅遊第十二波大結局。。。東京鐵塔 ﹣我比午餐"濁親"

第八day

心情同天氣都超靚，食咗早餐出發往六本木，先往HILLS，第二次嚟，一樣的蜘蛛，一樣的玫瑰


趁團友仲圍剿緊大蛛蛛，揾定地標之一嘅玫瑰，行咗個圈都揾唔到，原來當咗佢係燈柱


今次對鐵塔好有feel，係我今次行程喜歡圖片之一


十多年前上過東京鐵塔一次，跟團去，企喺玻璃地板上嗰種刺激感，正


行往MIDTOWN途中，遇修路工人，咁靚仔，去Johnny 事務所啦


去到MIDTOWN,走去21 21美術館，館外有CUTIE售賣車賣下小食，紀念品，T 恤等


美術館外設計成休hea公園


去到21 21，今期主題係水，要比水入場，無人想睇


行番去MIDTOWN食午餐，超好食，食得太急，比佢"濁親"（貼番題先）相片由wordy提供


精選圖片：原來揸住針筒要讓位比佢㗎（最右手便嗰個），搭JR時見到，笑到反肚


要同日本講BYE la,下年見


後記：六本木因便秘，谷下谷下，gulu gulu,
gulu gulu之後，谷出一座山，史稱六本木山。

完

立山旅遊經已全部播影鉛筆，下星期同樣時間將會播影台慶劇DaDaDeDe精靈樂園，敬請留意收睇。

今日放假

1/ 今日（星期一）台慶，放假一天，一個人走去酒樓飲茶，好hea.
細個唔好飲茶，習慣應是從多倫多生活嗰幾個月養成，當時百無聊頼（唔係伯母尿瀨），朝朝揸車與媽到markham飲茶，食特大蝦餃同手掌咁大嘅鳯爪。


2/ 晚上決定煮番餐比自己食。。。雞扒意粉


雞扒＋意粉＋黃椒＋番茄＋迷迭香＋黑椒。。。攪掂


3/ 噚日睇咗呢套戲，激讚，放呢張wallpaper喺度延續心情。


完

立山旅遊第十一波。。。住汐留，唔駛愁

第七day
在"愛登士餐廳"享用滿分早餐後，揸車往輕井澤


途中大霧兼氣溫驟降，去到輕井澤JR站要開喼攞衫救命，在自動販賣機買了一礶粟米湯，暖手五分鐘變左凍湯


去到殘舊東京站，豪搭的士往汐留，只需千零Yen.


初次去汐留，鄰近台場，銀座，築地，新發展地區，又新又靚


兩個我喜歡嘅演員，兩個都"癲癲“地，廣末涼子同小田切讓


面包超人同細菌人現身專買店，好受歡迎呢 (細菌人係藍色嗰個，唔係有鬚嗰個）


在mos burger復刻店午餐，選擇唔多，個包比我影到似食鬼。
記得第一次幫襯mos burger在歌舞技町，見到門口擺咗田中麗奈紙板人，就入咗去幫襯


電腦合成相一張，型呢？


跟住去原宿同新宿血併，迷失Tokyu Hands,，血濺表參道。。。

我又學人做預告：下一回：立山旅遊第十二波（一打啦）結局篇。。。便秘的六本木

本週保齡戰

每週一次嘅保齡戰。。。本週最佳成績。。。登登登櫈 167,
算係咁囉！又無私家Ball,條lane又短咗


繼清里包酒店後又包哂成個保齡場

外星貓

星期四晚，大病初癒，見客後坐巴士回家，勁凍冷氣，鼻水連連，提早落車跨公園往‘大X活‘晚飯。
散步中途，見兩肥貓。。。


見佢地得得地，諗住影低佢之際。。。


原來係披住貓皮嘅外星人，準備侵襲藍星。。。


眼部火焰炮


完

立山旅遊第十波。。。清里鬼城

第六日喇
離開諏訪，出發往小淵澤，途經野邊山。

野邊山有紅葉


有火車


有菜賣


仲有福山雅治


今天景點一。。。國立天文台，有D似科幻片場地


睇住隻“碟向上升，加埋機械聲，興奮呀！仲以為有激光發射


精選圖片。。。white on white指示牌，唔通係盲人“突“字


今天景點二。。。JR 全路線最高点


開心時刻，但馬牛餐，殺呀！（仲有涉谷系女服務員跪地招待）


餐館門口，尋找不同


去小淵澤outlet,竟失手兩手空空，把鬼。連相都唔登你，登張耶穌光


揸車去清里，往酒店check in,酒店像童話城堡，今日全酒店只有我們一房人客，包哂成間酒店


其實嚟清里嘅原因都係比呢間酒店吸引，你會想會唔會有小矮人同識講嘢嘅白兔從房間走出來。


但睇真D，D氣氛有D陰森，D布公仔面目猙獰，不苟言笑嘅老闆仲有D似科學怪人，原來去咗“愛登士家庭“。


出去個“城“行個圈，五點幾已經黑鬼“蚊蚊“，人都唔多個，似鬼城多D


行到邊D舖頭就拉閘，原來我咁受歡迎


食完飯，一行三人諗住去附近入油，點知油站都收埋。