下午茶餐

唔該一個下午茶餐， 要著條定春卷好呢？

廁所密室煙倉魚嚇人事件簿

呢個廁所有乜特別呢？後面個細路要掩鼻嘅？ 見到未？上面好大煙呀。。。 究竟入面發生乜事呢？煲煙？但D煙“爸爸”聲湧出嚟，入面咪煙倉咁？ 個司機咪變左煙倉魚？

機會一瞬即逝了

上星期，一位舊同事打嚟，話某機構需要一位義工攝影師，隨團到某落後國家做拍攝工作，問我有無興趣。。。

我打左個突，因為拎攝影做工作始終真係信心不足，但我只係問左要去幾耐等資料。。。

轉頭佢send左資料嚟，要去兩星期；機構原來係甚慈善大機構，仲有個明星隨團。。。

我更“劣”

1/自己攝影“架生”不足，拎出去驚比人覺得唔pro
2/自己果段時期都唔係話走就走到架
3/我捱唔捱得住呢？大家都知我潺潺地
4/衛生同政局我完全唔曉，係咪安全架呢？
5/兩星期喎，達仔點算呀？

但，我想去，始終呢D機會唔係人人有得去，所以答佢有興趣，叫機構接頭人聯絡傾細節

星期三，佢打嚟，傾得清清楚楚
1/佢唔理“架生”，只求有靚相
2/時間縮為8日
3/衛生其實OK嘅，有酒店住，但只可以話有熱水沖涼兼衛生嘅食物
4/我唔需要出任何錢，酒店機票食物交通visa佢地負責

佢需要星期日前confirm，我話兩日內答覆。。。

當晚，我仲係嚴重好嚴重信也不足，打比攝影師朋友，問佢覺得我其實夠唔夠料做呢個job，佢答案係夠有突

再打比（幾個）相熟朋友問，答案都係一樣

又打比（兩個）朋友，佢地肯上門餵達仔；OK，我決定去；仲決定用呢一個月狂跑步練返條氣，唔要做包袱

星期四，要陪阿媽覆診，諗住星期五先覆人

星期四晚，佢打嚟話用開個攝影師突然趕到呢個trip，所以今次合作唔成；我已經好大體咁留後路話：我見你打嚟，本來想答我OK架，但下次有機會再合作啦

但真係失落左一晚囉，唯有再準備好自己，等機會再嚟啦

真實對話

同朋友嘅電話對話。。。 

我：達仔晏晝食左吐毛膏後，啱啱屙左屎啦，好多呀，一舖過十幾寸呀，清倉呀 

朋：咁咪好啦，唔使塞住啦

我：我呢，都屙左好多呀

朋：無人想知囉

完

史上最強垃圾

哇！咁高難度危險動作，切勿模仿。。。

咦，有張紙喎，寫乜呢？


 噢！明哂

西貢獅子會﹣有乜影？

嚟獅子會，除左影人影“口靚”模，仲有乜影呢？ 


原來呢度有個桃李園，有約十棵桃及李樹，咁即係新年前間會開哂花，有桃花園影啦，冬天要再嚟
 

見到棵樹嘅葉食到爛哂，一定係有蟲啦；睇下，原來好多好多果蟲仔呀，一路影一路飛哂落身呀；其實塊葉蛀成一個好靚嘅pattern，就影葉都好靚  

舊年嚟，喺一棵植物上影到呢種蟲“攪野”，今年，同一揀樹同一隻蟲都係“攪野”，係舊年嘅第幾代呢？ 今次影多D，先睇下隻公嘅表情（左），再影下隻女嘅表情（右），再嚟張我今日最愛嘅四仔靚相  

蜜蜂有D影到厭㖭，但都影左呢兩張，勝在呢隻蜂身型顏色都靚呀  

呢隻唔知係乜，但近睇個樣幾寵物小精靈  

又見到呢D唔知乜野蛋定神蹟嘅野  

仲有小小蜘蛛  

最後，出口處有棵唔知乜野樹，桐樹？好高大，但多葉，開哂花都影唔到，跌到成條河都係；但單影一朵，beautiful

龍友影”口靚“模

又去西貢獅子會，又有龍友影”口靚“模，睇嚟呢度係熱點嚟架喎 睇一去到就見到呢班，有埋道具花鞦韆，扮仙女乎？


 長鏡嚟架喎，咁埋影乜呢其實？
 

又睇下呢班，幾個阿叔帶個”口靚“模去人少少嘅樹林，影乜呢？  

聽聞好多時都係幾個龍友夾錢請一個”口靚“模影相，其實唔識架喎，我就覺得有D危險啦；來來來，擺個嬌俏D嘅舖屎


兩小時後，我準備離開，咦，仙女組仲喺原地喎；係係係，再隊紮花前D，笑～

係呀，高炒你呀，拉下件衫啦


 完～

估下我係邊個

大家真係要小心D“猜猜我是誰”嘅騙徒，近一年，家姐外母接過一次，中哂計，好彩佢個女喺屋企，見阿媽驚驚青青喊哂，話阿哥出事，拆穿左無事

阿媽接過兩次，無中計

上星期，老豆接到，故事如下。。。 

老豆接到一個大陸號碼嘅電話，佢聽，果個人問佢知唔知係邊個，老豆答唔知，但最後估左一個佢打波嘅波友（A）（因為果個人會上大陸） 

把聲即刻話係自己A，話佢上左大陸，轉左號碼，有事搵佢就打呢個號碼，同埋以後會用呢個號碼搵我老豆 

第二日，A打嚟話比大陸公安拉左，問老豆有無相熟嘅人幫佢，老豆話有個波友上面識得人多，話打比佢啦。。。

A話唔想太多人知，肉酸喎，話會自己解決 

A下晝再打嚟，話可以用錢攪掂，問老豆借，要$25000，但佢共有四個人比人拉左，借$100000喎

老豆到呢刻先醒水，話等佢check下錢先，轉頭再聯絡 

原來老豆同A根本唔係咁熟，連佢電話都無喎（激死），要另一個朋友B搭上搭先搵到真A，佢又真係喺大陸，但無事發生

B速打比老豆叫佢千祈咪上當，老豆仲話當然唔會上當

假A打嚟時，老豆拆穿佢，假A即收線 

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

為左呢件事，兩老吵左一場，阿媽覺得老豆要到第三個電話先識醒，好危險，老豆就梗係唔認啦

但我想講。。。

第一，而家D賊識分幾次電話引你落搭，變奇陣，又高招左 

第二，點解佢地識打比老人家，我地又未接過嘅？ 

我咁睇，有時候，我都會接到無來電顯示兼無聲電話，可能係我第一句通常係hello，或者把聲後生，所以佢地唔開聲收線，遇著老人家就先mark低你號碼

老豆就咁睇，佢話之前有個電話話係保險公司（咁又真係大把），sell老豆買保險，老豆講左句，我老啦，你唔保架啦，跟住人地食住上問佢幾歲，佢又答人喎（阿媽聽到又火），所以知佢號碼兼係長者喎

所以，大家都要提醒屋企長者，寧願長氣，千祈咪中計呀

香港有好多免費野

香港生活乜都加，但係瓹窿瓹罅搵下，其實又有好多免費野喎 

平時玩game，有D要鬥遊戲鬥影相，但有D其實只要登記佢就送個sample比你，最多嘅係護膚品啦，最近又有鬚刨㖭 

上上星期六（4月13日），要去美麗華開工，拍檔遲到，我過左隔離嘅K11，做乜？ 

有雪糕派囉，點解我知，睇相啦。。。張poster我做架； 

見一場嚟到，上去睇下乜情況，兼扮客攞雪糟啦喂，但又驚多人，又驚我個客喺度（好似專登嚟食咁好樣衰），去到原來排十個客度咋喎，兼無熟人，正。。。 

現場環境放哂排隊stand，一班操國語遊客見有野派，急腳走嚟，最前跑嚟嘅一個阿嬷撞到排隊stand，差D趴低，後面個男人話佢（國語）：你急甚麼 

哎呀，我笑左出嚟㖭，為左杯雪糕仆崩個鼻真係無人可憐囉。。。

我掛住睇戲原來到我攞雪糕啦

我好鍾意食雪糕，但我唔鍾意咖啡味，唔係好like  

拍檔仲未到，去美麗華行下，放張相上facebook就有電話清潔貼，正，要埋  

上星期六（4月20日），又要開工，最後都攝時間去左尖咀行下

去到K11，D_MOP開張，爆谷免費，好味  

行去i square，露天場地又有人排隊，原來facebook比個like就有洗頭水一枝，殺  

行過兩步，原來唔使登記都派枝細嘅，要埋，多謝  

溫馨提示，今個週六／日中午後，奧海城有雪糕派

K-11的藝術展品

K11幾多野睇架，對我嚟講。。。 先睇展品，係咪勁先？  

再睇呢件。。。哇！露下裝，好開放呀，該煨囉；唔通強國人乜都買，連公仔著住都唔放過？  

仲有呢件。。。係咪專登架呢？個垃圾桶不偏不倚咁放“啱”位置，但似尿兜喎，好藝術呀，我要襟個like～

攝影工作

舊同事從事電視廣告美指工作（D客高檔好多），最近搵我，原來夾份開左間麵舖；搵我做logo design + menu design 

係呀，大家都係美指，工種有D唔同架，佢擅長攪佈景，搵衫，但係graphics呢科呢，佢就要搵我幫手啦。。。

上星期，佢打嚟問我玩唔玩影相喎，佢話鍾意我放上facebook D相喎 

佢鍾意當然開心，因為佢鍾意D野一係好靚，一係好怪囉 

影乜呢？影佢舖頭掛喺牆嘅相＋menu相

我：影食物，高難度架喎，“嫁撐”又唔齊 

佢：我就係要你平時果D snapshots，唔要太正常

我：吓？咁我就嚟啦啦啦～～ 

今日先放兩張，佢地like之餘，我好LIKE㖭呀（以我水準嚟講）

餐廳最好玩（影相嚟講）係佢D燈膽，好靚；仲有，佢真連我平時果行字仔都要埋，我好期待餐廳掛滿相係咩野樣
 

兩日shooting係咁食食食（幫口試味喎），堅好食，正式開張後再推介：）

終於贏一次

swatch嘅攝影比賽，分四個比賽，每次主題係一個顏色，每一期有五個獎，獎品係隻錶

出盡九牛二虎，頭兩次都落空，今日公報第三期結果，好囉，終於有份囉

開心：）


見到我張相嘛？

換女

做乜巴士版個女靚左咁多架？唔通真果個比人嫌醜樣？

星期三檔案之超市購物車失踪事件簿

嚟嚟嚟，帶大家嚟到蠔涌村，風景優美  

有間亞洲電視，好殘好舊，可以改做遊客景點  

仲有一條河（渠），環境好天然，除左有魚有龜，仲有。。。  

惠康購物車。。。一架


兩架（水底呀）


三架


第四架


第五架
 

短短五分鐘腳程，搵到五架購物車，過左村入口就無，好難令人唔聯想係村民推到去村口就推落河囉；浪費架車嘥野之餘仲汚染河流呀

公廁的告示

星期日好天，去左西貢，喺公廁見到呢張野。。。  

哇！好毒，貼得出嚟應該都唔係一次半次果隻囉 

好無公德呀，聽日我會喺星期二檔案再揭露呢區另一單缺德事件，準時收睇呀～

爛gag...泡芙

先講故仔。。。 

讀設計第二年，男同學（C）同一個港女同學（A）拍拖，跟住要男同學疏遠哂佢班死黨（我同C唔熟，無所謂）；

畢業後兩年，佢地結婚啦 

再之後兩年，佢地離婚啦

聽聞，啦啦啦聽聞架咋，女方事業如日方中，嫌棄男方喎，女方自己搬走，話離就離喎，男方好傷喎。。。

好，故事講完

﹣﹣﹣﹣﹣﹣﹣﹣﹣﹣﹣

前排，幾個舊同學見面，坐低食泡芙兼吹水。。。 


提到呢兩個人時，我話：（A）實鍾意食泡芙啦

同學：點解呀？

我：”拋夫“

講完了，多謝各位收睇

我影乜呢？

泥涌見到“呢樣野”，係咁影。。。睇下第幾張會估到我影乜 哇！

 咦！
 

好大好近呀  

飛得好快架  

估到未？


 開估lu，一大群燕子飛嚟飛去呀  

無得對焦，只可以追住襟  

跟本係靠撞  

終於，影到呢張好少少
 

最後，決定偷雞，埔住個位係咁襟，得出呢張