Wednesday, March 18, 2009

LOVE SONG-2

有好多歌隔咗好耐再聽,會突然好有感覺打冷震,呢首早幾日聽到,諗起舊事。。。

華星摺埋前,剩番何韻詩,古天樂,梁漢文,歐倩兒同埋佢﹣梁浩賢,頭兩者即刻有唱片公司接收,梁漢文最後都泊到paco,歐倩兒轉去拍劇同安仔拍拖結婚,最黑仔係佢。。。


記得plug歌前一日,上佢公司接野做,個公關拎住盒帶埋嚟播,話係新人,問得唔得,我話幾得喎,但咩野樣先?


結果一碟玩完

得閒都會拎嚟哼吓。。。含蓄

含蓄 - 梁浩賢

15 意見:

Anonymous said...

唱得,但可惜際遇唔好。
前 2 年有機會重出歌壇,可惜唱片公司轉頭又執咗,又玩完了。

Anonymous said...

無咗d歌真係一天光晒
但個卜走晒位喎

naruto said...

karvitz:
有D可惜

純情玉女欣宜:
係呀!同我一樣,亂jo jo

casper said...

有印象, 摺埋係際遇唔好, 同唱唔唱得冇咩關係, 而家好多人都唔唱得, 咪又係好紅...

整定!

naruto said...

casper:
外型好點都著數D

Ogake said...

再覆~

梁浩賢 隻碟我都有呀, 隻"含蓄"超好聽, 隻歌亦係藍奕邦第一隻賣出俾唱片公司既作品~
除左"含蓄"之外, "一人同樂日"同"快活"都好聽架~
後來佢轉左去阿叻間公司, 係雜錦碟出左隻"聖賢"之後, 再摺埋~

naruto said...

ogake:
做個假像以為好多人覆呀?

Anonymous said...

佢家陣好似專注教唱歌...

Leo said...

唔睇樣齋聽都幾噢畸噃

但上趟二手店見到個封面都係係一拎起即刻放返低囉

其貌不揚就唔好搞到九彩咁喇

其實佢唔醜得過禿田同方大頭 但包裝就爭九個身位喇真係 仲要遇著間執笠鋪 冇計

naruto said...

Stephen:
咁你都知?

Leo:
當時華星有位同事專執形象/唱片包裝,仲會揀埋歌。。。千嬅,何韻詩,shine,fiona都係佢執,但係聽講佢唔肯執呢位同區倩兒

Anonymous said...

我唔識佢呀,我係網上搵搵吓野,搵到一間教唱歌的,佢係個間野的導師。

不過早兩三年前係屯門見過佢幾次(好街坊LOOK),後來就無乜見到,可能搬走左掛。

naruto said...

stephen:
多謝資料提供,我諗我撞到都未必認到佢

Anonymous said...

唔知點解我係街成日都認出一D奀星........

naruto said...

Stephen:
明星就唔駛你認啦,認到奀星證明你專業呀

卡臣 said...

唔講唔知喎
曾經有呢位新人

Related Posts Plugin for WordPress, Blogger...