![](https://blogger.googleusercontent.com/img/b/R29vZ2xl/AVvXsEhzawwDG01ZUrv7JPJSg0M6LsiIIkIqys-t6byaYZTpZ-vYnfGd2dVFl7LIZRhfk3Z7HyGHaf75sIvSBCLnH3VFO-jk2ruk9Z9rvbMRrMtXowhkr_9mjylNZRS9-qGQw0GZDL07WvJKu3Y/s1600/aP1320250.jpg)
12:00由元朗出發,元朗泰衡街搭71號綠色小巴,約30分鐘就到河背村,第一個景點就係育英學校,行20分鐘就會到一處紮營嘅平原,向上行就去到水塘,但係。。。
![](https://blogger.googleusercontent.com/img/b/R29vZ2xl/AVvXsEhhuStNKccRlVAy_L6Ui-QJ8jkguEeGrO3cKn9lox8zbza5-u0Lgikq9nwq1XvzNqVeuPHAhUhk_Zqmz-1B-_T9CCCO1YnPxpX_ciMjrTJ548-pzJs5gW8EPsXmIsErUWTKE-VlYATe_9w/s1600/aP1320139.jpg)
比左邊嘅水聲吸引,向左邊行,見到個小瀑布;決定向前行,以為行行下會有路上番去水塘,結果一去無回頭;十分鐘後,見到西鐵車廠
![](https://blogger.googleusercontent.com/img/b/R29vZ2xl/AVvXsEiNUTIRhRfA6ampI6Z4xazlmPF646aUDaAR-dkXrt7B4ekCmQEREZEXIdVvhhly7pJFnhdVXIEHTE_pcjbTDwOAo3zoikxWarpHE0L5SkS_dPVoMTgRbMqupWBf9J9Qf9_9Oxclt_Su_Xg/s1600/aP1320150.jpg)
再行會見到兩個堤壩,可以行落去,好有氣勢
![](https://blogger.googleusercontent.com/img/b/R29vZ2xl/AVvXsEhn4a37YJaMZ5ZKp2xdyZHXxjWiCCniChtlxINyjQC9KTSyh_B8xq7y5JvDFmzSBCmIlFwSDtWQ03Y8eEbq4wSg-Jmcje9HlRdYwPjjHxn1t1W2E3iCkdHuaE8Kqw0l_5Qsl1VOA74WOHM/s1600/aP1320309.jpg)
堤壩望出去靚到爆呀,但呢個水塘唔係叫河背,佢叫上清潭灌溉水塘;四週比樹包圍,空氣好到不得了,吸多幾口至走呀
![](https://blogger.googleusercontent.com/img/b/R29vZ2xl/AVvXsEhKPcXGW_BFY7EsBo8cxvF8cSr1YaWPqu5WsWnyXV7spcuM4U6YOFg7TkCUTsNwoywXitNWPabuVL4wJUYD_gKu-iv3V3tt63q7IO0izqM8Y8gxzNBLnWUF5z0tzXutr-Pj1wBqK3KBucs/s1600/aUntitled_Panorama2.jpg)
為左呢個景都值得行嚟啦
![](https://blogger.googleusercontent.com/img/b/R29vZ2xl/AVvXsEgCEyczhM5gNkxcV7lWuUnvNM9yNnQ_LvycXndlYBw4EJUhy0gF0JE4uuItWNYKlJ2o85GzE8VIpVBlQobRm7N7Rsvj9VBemEt4eQzs4hHmWmSYLFJQvjWX5HaixV6FxA8kppsnvdDKHjk/s1600/aaaUntitled_Panorama1.jpg)
行嘅都係石屎路,有樹蔭,唔難行
![](https://blogger.googleusercontent.com/img/b/R29vZ2xl/AVvXsEj28ciAhfs0B6tel9OYP1SbSmjBpIDY07JdMl2Nainet_KvRxmjqxCIxdlcXgaD5qm4J_WgAcZQYdinWV6_u_So8tX6pAOzf8063df5pbUQ8VbmlpwKCa93ReEWTkpZcT6hqDBa0mC_vWs/s1600/aaUntitled_Panorama1.jpg)
影左呢盤大雜錦;但行下行下已經四點半,GPS又睇唔到仲要行幾耐,剩係知前面有間牛奶公司,開始急啦,因為樽水飲哂啦;個心剩係想一陣飲枝牛奶補充下
![](https://blogger.googleusercontent.com/img/b/R29vZ2xl/AVvXsEg7CUd5RwK5AfRZSw0H7WWxlimmQDzh-GvE3Rkt3VGAVbCiEnNn5jGnrW0lOzUxjti8W1vA1hnClIV2p4egu20oOkhM_YfRLOET6GHpd0AYZLrkaIU10K77B9zQne2s6nJnmlhiPIODGdk/s1600/aP1320214.jpg)
去到4:45pm,見迎面有個放狗少年,問佢幾耐至出到去,原來只需10分鐘,真係GOOD NEWS;
呢隻花第一次見,呢個山頭有好多,好似一條裙,幾盞鬼
![](https://blogger.googleusercontent.com/img/b/R29vZ2xl/AVvXsEjxtp9lW_RDc-LWYKYOWZAw-MGS9KIJXB2w2b3gVeb77_HMM0PVda5fgGS7oCu4oj9aut5Sy_hjezdOtXomjG64s4VbvVJX5x4xw2K6s0OFf7OTkIpD5Qp4IeICW2ODa2_n1jIJoZ1cz_g/s1600/aP1320353.jpg)
到啦,到啦,到農場牛奶公司啦,點知,勁多人。。。
原來好多情侶,一家大細專登上嚟飲奶兼餵羊架;結果排左15分鐘至到我買野,換嚟老闆話牛奶賣哂,布甸唔凍,得餐蛋麵。。。結果我只係要左礶可樂。(個牛奶盒係上手飲完可執嚟影架咋,好垃圾佬呀)
![](https://blogger.googleusercontent.com/img/b/R29vZ2xl/AVvXsEgz9oHOihf8CYjzpHK53neEvB4d7iJzH3Cu0y_I_D2A9Nh8z9MTjicoCTB4nhFxAptpGkH3WqGW-CsE0fa_PPV3_oJcyhkx2PxbDGCDbAjwit9-G1txUKr7IIwe4jU8wn4rzjJveGsE3HE/s1600/aP1320405.jpg)
但我推介大家嚟喎,因為真係有個小牧場,可以餵羊喎(餵羊嘅草兩蚊,果日係連草都賣光嘅)
![](https://blogger.googleusercontent.com/img/b/R29vZ2xl/AVvXsEihCNb6QnQzSu3b2VWqRo9Av9vIBFwfy779rl8Vj78OjxkjypvTVWUY554y4h1s5qIdBz2h1Xm2jqiXRgmbBQpsDRazr7-qdSlNVEl7b0aVBcVeeXYiI4xG7aPEsm3rVZwuYJL7fV9aBcM/s1600/aP1320404.jpg)
行出去大路原來去左石崗,靚靚夕陽陪我等車,好完美呀~
![](https://blogger.googleusercontent.com/img/b/R29vZ2xl/AVvXsEjuMw2LqLebCvZuAA2GKvrZDqf03SWyYIJzqdNIJuPBCiOaemZtuTyYRHkxNyNMo-Dwa1HIUZ4ez9FMzSEBY74IAVeKtTqiKPBDKXU3W6t38eldvBR-J0jsxfsn6Uz5GzlB7JrIc4q-BhU/s1600/aP1320426.jpg)
20 意見:
靚到呢!!
多唔多蚊﹖
好靚喎! 都唔似香港...:)
河背我中五果年去過!!!!
好懷念!!!!!
我身在農場又有牛睇
唔使去農場牛奶公司~
best actor:
唔多喎
phyllis:
咁係得果個位唔似啫
馬田亨:
你中五呀?十幾年前啦噃
Bean'z Lam:
人地有奶,你有咩?
啲雲靚到爆~~
卡臣:
行到牧場個太陽lay埋左,之後出番嚟就靚到爆啦
餵羊既草都賣哂?! 咁D羊咪好肥仔?!
請問賣牛奶附近有無得泊車?!
pris:
D羊又唔係好肥喎
佢本身可以泊十幾架車,但果日太多人,一架頂住另一架,亂jojo
5月24日? 捉到,罰抄100次!
上清潭灌?hehe...另外有冇裝幾權空氣番屋企吸下?
你個農場鮮奶我23號去嘉道理時,朋友提議話去呀!不過最後時間趕無去到,我地差d係唔同時空出現呀!如果我23號有去,你張相盒奶就係我留俾你架!!!
係喎,跳左一個月㖭
無裝空氣番屋企,因為我放左一個屁污染左D空氣啦
如果你23號去個盒24號仲放喺枱面無人執枱,呢度真係搵你去啦
我又要去!
不過今個周末好似唔太好天
largeheadboy:
我覺得你似想飲牛奶食餐蛋麵咋喎
隻花叫曼陀羅, 有毒o架.
羊眼好核突, 個瞳孔打橫嘅, 似魔鬼.
ayclui:
隻隻都有毒嘅
隻羊可能外國嚟,係鬼佬
蔓陀蘿成 paul 都有毒,嚴重既會死亡,眼看手勿動。
supageti:
哇!美麗嘅背後暗藏殺機呀
我住在元朗附近,但未去過添!啲雲影得好靚,請問洗唔洗用啲咩特別技術或者鏡頭呢?
日落的魚鱗雲好靚喎,不枉此行啦
Skll:
用左相機個曰落mode,會令到張相橙d
Maisy:
仲影到芽蟲,不枉此行
Post a Comment