![](https://blogger.googleusercontent.com/img/b/R29vZ2xl/AVvXsEhi8bKRvE_GaHnRcJ9P5MuYon6p_Mu171JO9FnpOEoUCST5mBCbuQHMljLjZmG8n0chawnUQzDehZeLD1ndsy_T3HAlT04CBmFCo4mxVv7ihWLAm_8tpLDOnjU16t-kU1Dojvh-Mx4NkSY/s1600/aP1290481.jpg)
一上碼頭就見好多人曬呢樣野,佢係塔門名物,去到邊都有人曬或者有人喺海邊採摘;本來深到近黑色,曬一次要再洗水,做左幾次就變左邊咁淺色,沖水飲有益喎,又話係海燕窩喎,岸上有得賣,$35細細包咋!我無賣,因為怕腥~
![](https://blogger.googleusercontent.com/img/b/R29vZ2xl/AVvXsEieeklauOHYi553Os2m7sJhc3FiRs11xhpjLl2yROdcqYsjwBMEiv6ces0_dTiDfsGCr9Mpgs-l-cGIi9p1TWJkM1zZvLJRH_-5eRU6rzr-Ke6hrN6X_wJ1vhmuE9rJlVKCPsxDMlqaZ5w/s1600/aP1280604.jpg)
行一陣已經口乾,買枝咸檸茶同無冰奶茶解喝先,咸檸茶我推介
![](https://blogger.googleusercontent.com/img/b/R29vZ2xl/AVvXsEgqyxi8YB7mx6kZEYc1HB4gfyZyCfqYRZFB8eJs2iWnB8FomzlKFQxbXHVE_WM6uFMmt0ReFBi_UrUph90sdqwLJuobyOtL9rq9HEUXKtECKmwM5b_oLseTq_OZ60GHVMKG27_0PRcywP4/s1600/aP1280646.jpg)
島上仲保留到好多瓦頂屋,香港少見,但顯然失修啦
![](https://blogger.googleusercontent.com/img/b/R29vZ2xl/AVvXsEgRXlNVVAKFTwhBBjcOhAsxZfGjYltI71X23GGQqtq4rDypr47j4WCI5P3CqzcVAmmgjM8ZIo_mixsvAgPvg8p4NSmR74T9NAmgNjoMQg_GpxAGQ92i3CywTTeS3ZMTMyM3sTUTdvNJxww/s1600/aP1280647.jpg)
沿路上就去到大草原,因為冬天實在凍太耐,所以唔多草;呢度有人露營,放風箏,夜晚又可以睇星,日頭又可以睇牛,正呀
![](https://blogger.googleusercontent.com/img/b/R29vZ2xl/AVvXsEj2XCDcoXTO37gTuRVspXYnSJfXrBwyYfabum87RyXlg-P8sPRldvHPFVpObxnbN3hXbIGFiUkxWj-G7GwsJ-RYZmrwrLN09Exdy2dZaoaZDhzpOIh2IGw9_IExocIMAHTRkN-n5kAyzo0/s1600/Untitled_Panorama1a.jpg)
上到頂,對住海天一色,咩野煩惱都無哂啦;下面有個石灘,落去探險先。。。
![](https://blogger.googleusercontent.com/img/b/R29vZ2xl/AVvXsEhsicJl-lsHHoDdTLDXNMsIE51S9L8-S1qGXw8nODOB1LqDz37jbKoi2Kypp6khGP8mkXNCFW88b98AGVs-vwboOnmJ6xS0FMuKV_WQzr2UZJAcaKCWheADzv5896W7r5b7qizGRUszrps/s1600/Untitled_Panorama1b.jpg)
個石灘好難行,但有居民採摘紅菜,又見到近海D石有紅菜,於是去影啦,企喺塊乾嘅石上面,點知突然嚟個大浪,我機警地跳上大石,避過濕身,點知落番嚟都係跣親,手臂擦損啦,唉~(就係為左影右下果張一丁點紅菜跣親,所以點都要放呢張出嚟)
![](https://blogger.googleusercontent.com/img/b/R29vZ2xl/AVvXsEh4gxb0NSRjdTEQU-1o1ay3NuFFa0UzGZmYTRu8MrdHGmKabPtyjT5s9fX0Pn0fUIyTCYLZuhK70zK6Hy1spT6YS6kcM5H4UG4VZWI298OtKHJ1sHacw-g6SKvM6OFDTt45MRPliaPCgME/s1600/aP1280859.jpg)
行番上草原,往塔門名勝“叠石”出發,沿住條靚步道上到山坡,有幾張靚靚觀景椅比你休息下
![](https://blogger.googleusercontent.com/img/b/R29vZ2xl/AVvXsEgoZP7a564QOyDKJzBx3icok2sqx8yBfV7nQC86U4N_sYwAfEcZnq-o9wQKIg4W2lMna1om8dcuFA_D-yAD-05tq9A4vQUKwY5tgO4jiKQF3hTLWdhDytiB1Ycjo3tTwxB0tbbx15lNxjQ/s1600/aP1290026.jpg)
嚟到真係要坐下,因為個景係無敵海景嚟架
![](https://blogger.googleusercontent.com/img/b/R29vZ2xl/AVvXsEiVOj72CDA7Gmm4QawllMQfrss31ODcNIO7FLCT-VqfjOAnt_YIZ7RizVrqYASG9SGvPbHAsjZEGqL2oxKWODAWDeFc6KAvIYp1NHYvG1m7BO_voPrvSvHUOQc3TaFqYJIJrbk3a2nUhpw/s1600/Untitled_Panorama2a.jpg)
向下望就係叠石啦,企喺懸崖邊睇架喎
![](https://blogger.googleusercontent.com/img/b/R29vZ2xl/AVvXsEiX795N8hs5Ou_B_Rwre6iRmyZ5OjAjN5s7aCloJz0W2uYzvvdTOx6eoAJyaixuWto2N63md7oPaORGhl6rfeZYUKEp7cNjlPfvkhe0OpDBe2PIzHirrVAKm-JEYHsp_K3J9kIv_HZPq3g/s1600/aP1290014.jpg)
再繼續行去漁人新村,條步道越嚟越靚喎,個感覺似墾丁喎
![](https://blogger.googleusercontent.com/img/b/R29vZ2xl/AVvXsEixDjv2EcHRJJkyzcWPdqjVUw7TsP7OCh0Zb1iZCEUo1q16bP_we0m2iPKAqkqCFsvyfzD4WI260mscQbTrkOulFi-3K-9smmuFptkb9wF3SA5Thq3mvAgayl3GABaJ_RXCa4XnvUkwtV8/s1600/aP1290097.jpg)
睇下D水,清到見底架
![](https://blogger.googleusercontent.com/img/b/R29vZ2xl/AVvXsEiyftX4hWff1w65IKw0gNEH1SywT9ahcaAKtOEF-V1RtYPwBueJM6zJa3h5RS5glcOtz6Rrwl5lysdO0dgezipw5RLVSXvQWkuq5dU4RUVJgGS64vqA25xpA5gWS9P1_W8hr7oewisPXc4/s1600/aP1290182.jpg)
原本只係需要行一個鐘嘅路程,因為行下影下,不知不覺原來行左五個幾鐘,見榕樹村有間海景茶座,即刻叫野食
老闆推介新鮮菠蘿冰,好掂呀,再加個鮮魷炒麵同炒飯,好味但咸左少少
本來一個客都無,我一坐低,竟然五張枱坐滿客,咩野事呢?
(早兩日篇燕子就係喺度影,佢地搭左巢,想見佢就要早D嚟啦)
![](https://blogger.googleusercontent.com/img/b/R29vZ2xl/AVvXsEidu4xvkU4n2PKBXV3CCiwRQaNVLOwnNYDrKLwUrV7rbN0Q4mrupMqpOcvc6vzEBpMdUoKSmGfis_XTHk5vwwzC5Vh5wSKzn_phZrmw-l-KSovKv0WRGYhEj2ru6pgfJ8OHeu4vOBnMVpU/s1600/aP1290222.jpg)
搭5:30pm船番馬料水,時間啱啱好,船上係可以睇靚靚日落架
![](https://blogger.googleusercontent.com/img/b/R29vZ2xl/AVvXsEiKo6NAjynbkFfyHn6iSI26AdT0F-n-OWY2B3ImKdUolqx9gbyCl8N-dXUN8jhqBj7L0vOpo7jLrZ6-6RS11O1w18ENbFdnZucipcoPVgJZxR8XfL2i7O95SdUmg026tuslQgztyPokwBc/s1600/aaP1290561.jpg)
20 意見:
張張相的lighting都靚到爆!
俾你寫一寫,又俾你了番條塔門引~
你影水見到底果d相,唔知以為你用咗偏光鏡影!
另外條步道真係整得幾好,上次去(最小兩三年前)都重係度整緊
有陽光,d相真係生猛哂!
塔門同白泥,應該配上香港の秘景稱號,今年一定要再去舊地重遊
我記憶的塔門是滿山都是牛屎"車輪包".
好得咁喎呢度
望住個海發呆就啱晒我喇!
樓上大頭, 你未去過塔門咩?
大叔, 影相還影相, 要小心d先得o架, 海邊有石冼親跌倒好大劑o架~
風景好靚,
你拍得都靚,
會去玩吓。
我細個就係住係馬料水的,
逢星期日朝早都聽到啲人係碼頭叫"去塔門行快啲啦, 就開船",
不過我自己一次都無去過,
可惜,
依家大咗反而想揾機會去,
諗返都幾可笑。
卡臣:
lighting靚嘅代價係我甩緊皮囉
l.minor:
而家去就仲有燕子,遲D去個草地就靚D
水底相,現場睇仲靚呀,影唔到果個感覺
Tee:
我覺得似椰絲包
largeheadboy:
啱就去呆下啦,試下D紅菜好唔好味
ayclui:
我已經好小心架啦,唯有再小心D啦
新鮮人:
D野就係咁,有又唔珍惜;馬料水我見得個碼頭,有得住架咩?
平日去d店舖會唔會唔開ga?
馬田亨:
至少問過海景茶座會開
大叔, 唔好以為自己好靈活啦, 影相都要注意安全架!
我上次去見到有人爬叠石...感覺上好危險! btw,坐係果度呆望個海, 真係好舒服!!!
其餘 4 張枱既客顯然係跟蹤你既 ~~~ :p
塔門 N 年前去過,果時好原始,估唔到依家整到靚左咁多,好定唔好,見仁見智啦。
TY:
我一向都唔靈活架啦
當日唔算太大風,好舒服
supageti:
D人真係好衰架,見靚野就跟
咁今次又整得幾好,唔算破壞喎,無阿茂整餅喎
原來塔門貢靚嘅~^^
不過我好驚踩C喎 ~~
吐露港公路未有時,
後面還是海灘來的,
那裏可以住!
有興趣可以看看這裏:
http://freshdesigner.blogspot.com/2007/06/blog-post_7810.html
香港的馬爾代夫呀!清到見海底
其實我幾鍾意有個漁民有d浪果張,d水又靚
飽死荷蘭豆 ~~~
maymay:
你上篇仲留言話以前玩C,而家會驚?呃鬼呀
新鮮人:
哇,以前好好景呀
l.minor:
有D相我無出,果日海面好多死魚,香港的馬爾代夫唔知發生乜事
漁民果張我都like架
supageti:
要飽死荷蘭豆,你估易架,要谷好多肥架(天然果D)
係我阿哥玩C,唔係我呀))))))
Post a Comment