要求

今日食咗兩餐快餐店，覺得而家Ｄ人越嚟越有要求。。。

喺大家樂食下午茶餐，等緊個餐嘅時候，
一個少女攞住隻食咗幾啖嘅雞肶走過嚟
少女話：有怪味呀！換過隻吖
職員：不如換第二樣啦，換兩隻雞翼比你啦！
少女話：好

晚餐去大快活，比錢時前面個少婦已經猶疑不決，問佢飲咩，
少婦話：熱熱熱。。熱。熱熱。熱。熱熱熱horlick啦！
到攞餐嘅時候，
少婦話：比多兩隻碗同比杯水吖！
佢要嘅蒸蛋加咗豉油送上個盤時，
少婦話：蒸到有“lone"嘅，有無第二碟呀？
職員又真係喺個蒸爐度揾碟非常平滑嘅比佢。
少婦話：唔該（咦！識講唔該架喎）

同一時間，一個男子跑過嚟
男子話：比多碟咖哩汁
職員又乖乖送上。

一日見到三單同類事件，見Ｄ職員處理手法，就知佢地已經完全習慣；Ｄ人幾時對快餐店越嚟越多要求？以前最多攞杯水，而家攞水已經係指定動作，見過話要暖Ｄ，凍Ｄ，加冰，熱茶；
但蒸蛋同攞咖喱汁都係第一次見，對人要求高，對自己又如何？

最新票數-劉以達領先

每人限投一票，之前可能無講，所以有人投咗兩票呀！