泡湯。。。好熱嘅湯

前日講過我疑似風濕。。。

噚日起身，腰骨大脾酸痛到不得了，感覺似係早兩日打左一埥劇烈嘅波嘅後遺症，但偏偏過去幾日唔止無打過波，連去影相行下都無；
但到中午，情況又好轉喎，係咪因為暖D呢？定係我行鬆左呢？又或者我揸左摩擦膏呢？見好番咁多，無去睇醫生
到夜晚11:00，又嚟料，我確信同天氣凍熱有關

今朝（星期三），又痛過，朝早要去見客，下晝雖然又好番好多，都想去睇醫生，但撞唔啱時間

夜晚，泡個熱水浴，今年第二次咋，因為嘥水唔環保，熱水爐一開自動係42度，上次試過開滿一缸後，對我係唔夠熱架，今次set佢45度，今次啱啦，沖完後，踎低起身乜事都無，原來真係凍作怪，香港咁凍，我都係加速移民算吧啦

﹣﹣﹣﹣﹣﹣﹣﹣﹣﹣﹣﹣
另外，泡湯時出現奇怪現象，要搵女警不思議嚟解答下。。。

我好鍾意浸膊頭落水，再慢慢浸將頭都浸落去，直至耳朵喺水底，面喺水面；當耳朵入哂水你會覺得好寧靜，你會聽到水聲，水漏走入渠嘅聲，自己嘅呼吸聲，但今晚，我聽多左一種聲。。。。彈琴聲

正確講法係練琴聲，因為彈來彈去五個音，上水面無聲，落水底有聲，我諗應該係經過水管傳過嚟啩，你地有無見解呢？