Thursday, January 31, 2008

卡通漫畫問答遊戲

我啲朋友都知我係卡通怪,低低地嗰啲就至啱我,近期都係睇軍曹,火影啱啱又播番,仲有套人造cosplay嘅特搜戰隊。
今日考吓你記性,出咗堆比較易嘅問題,睇下你地仲記唔記得,試吓啦。

1/叮噹初出場第一樣喺八寶袋拎咩出嚟?(估都估到啦!)



2/義犬報恩...喺尼路側邊隻狗叫乜嘢名?(喊到趴趴聲嘅一套卡通)



3/IQ博士。。。(答案來自其中一集某主角去到未來,見到十年後嘅自己)
以下邊幾pair最後結咗婚
A/博士同山吹老師
B/小雲同小寶寶
C/小茜同突吉


4/小吉其實係嚟自邊度?佢真實身份係咩嘢?(呢條可能有啲深)


5/小丸子長大後嘅職業係咩嘢?(有睇實知)


答案聽日開估

4 意見:

Ogake said...

我只係知小丸子長大後係漫畫家,即係作者自己~~~其他都唔係我年代既,我睇花師拉大架!!

Anonymous said...

樓上那位,咁岩ke..
我都係睇花師奶大啦 XDDD

Anonymous said...

哎喲,條條都好似有些印象,但係又講唔出答案 !

naruto said...

ogake/karvitz:
睇花師拉大?睇住花師拉嚟"大"係咪呀?咁會舒暢啲嘅!

galaxy:
哇!講咗等於無講喎,咁高深嘅!

Related Posts Plugin for WordPress, Blogger...