又驚佢抓我張梳化，我同佢講，你抓就抓塊貓板，唔好抓我張梳化呀，佢又好似識聽咁喎，佢而家成日都抓塊貓板
我雖然喺屋企做野，但有時都會出去開通頂或者出去玩，咁啱有一日真係要離開24小時，放多左糧同水，比佢自己喺廳活動，第二日番嚟都無事，好乖仔
本來真係無諗住養佢，因為佢同其他貓好friend，但佢又乖又聰明識聽人講野，兼非常痴我，真係唔忍心放番佢出去，驚佢亂食野實短幾年命；
佢鍾意睇電視，當然同我一樣睇無線啦，睇亞線我一早掉番佢出去啦；睇電視時佢鍾意挨住我，隻手仔仲要搭埋上嚟㖭
就算唔挨住，條尾都要搭住我隻手囉
雖然一個人住，但都同屋企人商量交帶一聲。。。黑仔，我決定收養你，以後跟我啦：）
.JPG)
46 意見:
開心死我~ Happy Ending ~^^
"鄧"黑仔開心終於有個家啦, BTW, 黑仔有幾大呀?
大叔真係好人, 以後除咗快獸之外仲有黑仔睇, 好o野~
黑仔真抵錫~^^
恭喜晒！
以後要乖乖... 我同佢講！
恭喜新貓入伙！
以後要好好照顧佢，得閒上黎探下佢先
咁就好喇, 大團圓結局.
"以後跟我啦"呢一句, 好man, 豪邁中見愛心.
恭喜大叔榮升黑仔老豆。黑仔個樣真係好有性好精靈﹐祝佢身體健康啦﹗
"以後跟我啦"呢一句, 好man, 豪邁中見愛心. X2
黑仔，希望你身體健康呀！呢個大叔都跟得過既，放心啦！
大叔，你使唔使裝窗紗呀？
Yeah! 恭喜晒!
好感動,
終於有家有主了!
恭喜~大叔
恭喜~黑仔
>v<
好簡動！黑仔有福你也有福！
係哩，遲下得閒會唔會帶黑仔會下佢啲 friend 呀？
你住嘅屋苑可以養寵物？(雖然照你所寫嚟睇都應該係可以，但都想 confirm 一下)
好感動呀, 眼濕濕添!!
黑仔, 恭喜晒, 你終於有大叔照啦!
大叔, 不如養多隻白貓, 左黑右白咁陪住你睇電視, 好有氣勢! :)
"以後跟我啦"呢一句, 好man, 豪邁中見愛心. X3
大叔, 不如養多隻白貓, 左黑右白咁陪住你睇電視, 好有氣勢! x2 (貓媽d細路都得喎~)
ayclui:
黑仔幾大。。。我都想知，義工阿姐話09年捉佢去絕育時已經係一隻成貓，醫生只係講過覺得佢唔係老貓，我當佢5歲啦
maymay：
真抵錫，有得留低真係贏在性格
Karvitz：
希望佢唔好一知養佢就變臉啦
Bean'z Lam：
帶阿冬菇嚟玩下，呵呵
30 Something：
大團圓結局。。。未結局架，而家先係開始
best actor：
同其他街貓比較，佢明顯醒好多架
TY：
窗口會裝格仔，今日會去攪，騎樓真係難D，唯有唔長期開啦；暫時佢對出面無興趣，亦唔會突然發癲標嚟標去，安全嘅
phyllis：
多謝
新鮮人：
係呀，要更比心機搵錢啦，多把口食飯呀
邪留丸~ ：
多謝
largeheadboy：
佢都唔敢出街，點出去見人呢？
black lab：
可以架，好多狗架呢度
星若：
咪攪，養唔起架啦，花好多心機時間架
ayclui：
無辦法架啦，通街太多貓，幫唔到咁多架：（
黑仔有有同你啲魚魚玩呀~
:D
難得既緣份啊！^^
阿粉：
緣呢樣野真係好玄，好似整定跟我咁，可能上世欠左佢
邪留丸~：
魚魚梗係唔比佢玩啦，大姐
咁佢以後就同你做人世，你要好好對佢喇。
Ebenezer：
會架啦：）
好開心, 黑仔可以入屋, 有埋"姓", 可以衣食無憂咁過埋下半世, 多謝naruto。
養一隻一個月約$100-150, 你一定負擔到, 不過睇醫生就貴, 幫佢儲定d錢。
go嚟我屋企頭3個幾月都好乖, 之後本性顯露, 變咗大爺, 你留意吓黑仔會唔會咁, 不過佢係街貓, 挨過苦, 應該會特別乖。
另外, "敏C"嗰度, 我見go屁股有時唔乾淨先"敏"的, 仔比較求其, 所以冇咁清潔, 女愛靚就會好乾淨。
嘩~黑仔真好,有人收養lu
我見你成日去搵貓,都估到你有咁嘅一日,哈哈~
有啲感動, 人動物之間嘅情真係好講緣份
瘋膏:
呢隻，我以前已經叫佢污糟貓，同我有得揮
$100-150。。。佢唔得啦，佢暫時要食果隻貓糧，＄340一包架，食唔到一個月囉
l.minor：
真係自己攞嚟呀呢舖
d:
人同人都係啦：）
＄340一包架，食唔到一個月囉
嘩!
原來 柯黑仔 係"富貴喵"嚟架~~~
勞力搵錢錢lu~
大叔
^o^
哈～大叔你唔使做獨居老人喇，得閒可以帶隻貓上泥同的D貓交流交流～
"以後跟我啦"呢句,比喜劇之王周星馳果句"以後我養你啦"更感動。
你真係好好呀!
我都有睇曬黑仔既POST, 我覺得你同佢都有緣份, 正想問你會唔會同佢生活, 岩岩, 你又POST左, 你收養佢啦.
真你鄧你開心!!!!!
我冇養貓貓, 亦都唔知自己中唔中意. 自從同男友開始了半年, 佢有3隻女女, 就知道, 我都係一個愛貓之人.
佢大女10歲, 上次同佢去睇E生, 呼吸有D唔順暢, 我已開始擔心啦. 放佢入籠, 佢已經"咕咕"貢叫, 而唔係平時既"喵喵"聲, 佢驚都死.....
另有2隻, 細D, 8個月到, 上2個星期先拎佢地去DE-SEX. 其中一隻傷口對個D線敏感, 要做多一次, 我自己都好擔心, 聽E生講解, 個刻我有D "生離死別"既感覺, 因我同佢都相處左6個月, 佢又痴我, 所以個刻既感覺好強烈, 係親人一樣.
所以, 人同動物, 之間係有CONNECTION, 有BONDING. 都係緣份既一種, 你會視佢地係家人.
佢地係屋企休養期間, 係會掛住, 會想俾最好既野佢地食, 同生活.
你要努力呀! 祝福你!!!! :)
你真有心，積了陰德喇，好運會繼續來！
暫時佢對出面無興趣，亦唔會突然發癲標嚟標去 --> 大叔, 騎樓真係要小心呀, d 貓貓會比飛過嘅雀仔, 蝴蝶, 紙張, 繩引到發癲飛撲出去o架~ 小心駛得萬年船.
嘩~ 恭喜晒! 仲於做左老豆啦!
黑仔真係好醒目又好嗲人呀
咁聰明﹐遲D可能會適得開門呀﹐開櫃呀﹐
叫你起身﹐叫你訓覺。。。
係WOR﹐滴左FRONTLINE未?
咦 ~~ 黑仔咪即係「柯小黑」？
咦 ~~ 大叔咪即係「柯小明」?
XD
勁呀!大叔
有成三十幾個留言喎~
馬田亨:
同邊D貓交流呀？
meow：
我本來就好架啦
chiseenjai：
多謝：）
laulong：
呢D邊算陰德呀
ayclui：
我會好小心架啦
Lazy Smurfette：
滴左，地下好多野囉
supageti：
幫佢改緊名呀
邪小姐：
有十個係自己架
不如改名做"得順"
Lazy Smurfette：
柯得順？以後唔便秘？
叫"柯達", 花名黑仔達~
哈，都估到你走唔甩架喇！恭喜晒！
ayclui：
呢個名越叫越好聽。。。達仔，達達
LEO:
我心地好呀：）
我有兩隻收養的貓, 一黑一白, 養了 4 年幾, 我們感情非常好. 見到黑仔有頭好住家, 好感動. 祝黑仔身體健康, 你們生活愉快!
無名：
身體健康, 生活愉快。。。大家咁話：）
咁係咪決定叫達仔啫? 真係幾順耳o架, 叫叫吓變成亞達, 幾有屋企人feel 呀~
ayclui:
叫多佢幾日先決定
" 睇亞線我一早掉番佢出去啦" ......... huh ???
happy story
Post a Comment