廢話午餐

某一個上晝，上左廣告公司接job開左個小會；因為成日有job比我做兼真係幫我好多忙，開完會我請兩位老闆食晏。。。

大家都係廢話人一早知；其中一個老闆，上次我上佢公司時聽聞佢有事入左院，今日當面問侯佢。。。

我：Z，上次做乜入院呀？
P（搶答）：佢係咁架啦，生日呀，有人請食飯，人出錢佢出命，食到入廠呀？
我：下？即係食得太多呀？今日我請，我咪好危險
Z：連食左幾日，日日食得多又飲酒，個胃一向都弱呀；醫生開D胃藥咋嘛
我：哦，胃弱要食胃藥
Z（白我眼）：咁醫生話嚟到順便check埋其他囉（跟住電話響，佢講電話）
P（興奮）：所以醫生順便check佢有無子宮頸癌（Z係男架）
我（好興奮）：哦，食得太多，“屎攻頸”癌，哈哈哈
P（好好興奮）：佢係一個“屎攻頸”男
我：好名呀，yeah~

難得Z聽完電話都覺得“屎攻頸”男呢個名得喎，你話呢D咩野公司嚟架

開心真係好簡單囉，呵呵～

完