Wednesday, June 18, 2008

床底寶箱之史前黑膠(三)。。。100%全新黑膠

呢篇唔係寫爛歌,雖然呢堆都好爛。
黑膠收藏中有堆從未聽過,因當年有電台朋友送我林憶蓮黑膠,其他朋友以為我咩黑膠都要,見唔要就拎哂嚟!呢堆未開過,100%全新。

FACE TO FACE佔兩隻,真係多謝哂!佢兩個去咗邊呢?



我唔聽嘈嘢喎!(個眼肚大過眼)



邊個嚟?


鬼呀!


最憎最爛最醜最討厭核突猥瑣樣衰口臭無料EQ低剩係識不滿嘅樂隊,竟然都送比我,唔擺落唱機都feel到嘈啦卜皆!真係多謝呀!記得當時第一時間話唔要,但饋贈者話:"呢隻會升值架,keep住啦!"
一語成讖。


有無人有以上大碟?

6 意見:

Fun said...

FTF點會爛呀?好野黎啦~

左邊既係蔡惠玲Connie,即係阿慈首歌講嗰個,曾經係陳啟泰女友,而家好似嫁左人..

右邊係Jody,當年因為交通意外下半身癱瘓(FTF解散都係因為咁),後來信左佛..

Ogake said...

Jody有寫過歌的,咪係王翠玲首"簡簡單單"囉,同王馨平隻"想你親口說愛我"有9成似,我個blog都有寫過,賣個廣告,去我個blog睇下啦:
http://ogake.blogspot.com/2007/07/blog-post_07.html

FTF既碟(CD)我齊架,唔錯架渦~

阿寶 Francis said...

馮夏賢咪係"啤老師"囉~! 佢喺APA教聲樂架~!! 佢都有私人開班教唱歌, At 17都有跟佢上堂~! 佢有首同陳啟泰合唱既我和彊屍3既主題曲架, 叫"永恒國度"~!

Artman said...

情迷Milano當年都好鍾意. FTF起碼好過echo先啦.

naruto said...

Fun:
我真係唔知佢係蔡惠玲,仲要關陳啟泰事,陳啟泰係我最憎藝人頭幾位囉!
好似有個係郭可“仍"個表妹,你聽過未?

OGAKE:
你實齊啦!

阿寶:
睇到“啤“一聲就識;噢賣吉,又陳啟泰

Artman:
echo我反而齊碟喎!hehe

Leo said...

最憎最爛最醜最討厭核突猥瑣樣衰口臭無料EQ低剩係識不滿嘅樂隊,竟然都送比我,唔擺落唱機都feel到嘈啦卜皆!<---huh? is it BEYOND that u are talking about? :o

Related Posts Plugin for WordPress, Blogger...