同阿媽撐枱腳

7月5日﹣﹣﹣
老家裝修，阿爸阿媽(好富貴咁）搬去酒店住兩個月，每個星期一次嘅屋企飯被迫取消；

咁都要食飯嘅，打比佢，佢話要去水街買D野，咁我(扮乖仔）陪佢去啦，跟住行過呢間餐廳Safety Stop就入左去


點解要寫，因為推介囉，$98一個嘅西冷扒餐，夠份量兼好好食；就嚟飲完湯嘅時候，見到厨師由厨房望出嚟，跟住佢轉身煮扒，確保份扒嚟到熱辣辣，呢份誠意加好多分架

老闆親切，幾個waitress又細心，殺哂呀!阿媽都話下次要叫埋老豆嚟食呀!（老豆是日打波，唔得閒食，唔係我唔叫佢呀）


另外值得一讚嘅係，是日餐牌8個餐，海鮮佔三個，呢個比例咪正常囉，我試過有D，8個佔5個架，痴線架，剩係識煮海鮮咁，呢類通常列入黑名單，永不幫趁
---------------------
7月6日﹣﹣﹣
唔知係咪食飯無叫亞老豆，小氣呀，佢今日竟然call晚飯局喎

仲主動話嚟我樓下嘅權發㖭


權發D小菜我一向鍾意，老豆鍾意海鮮，但我唔多掂海鮮，最後揀左呢兩味我食到嘅。。。
椒鹽瀨尿蝦﹣除左個名吸引，新鮮無腥味又真係幾啱送啤酒
清蒸鮑魚仔﹣飽魚係咁多樣海產之中最無腥味架，唔知點解

反而計漏左個翠塘豆腐暗藏魚塊，不過無腥味，無整“where”碟豆腐，好彩
間中同老豆隊下啤，都係一件樂事喔!三個人食五碟，我地好大食喔!

ps:iphone影食物真係唔得囉～

完

69分鐘

天氣靚到暈，喺屋企做哂野之後，仆去附近影黃昏；結果影左百幾張，睇下D精選

6:22pm﹣六點幾太陽都仲咁高呀

6:31pm﹣嚟咁多次，第一次水退得咁出，一於爬落去先，趴低，睇住D浪沖過嚟，好靚靚


6:36pm﹣拎條木橋做剪影，因為勁like，呢個位光D暗D加塊filter加下色轉下白平衡，我試左23張呀


6:42pm-行過D再影；呢個時候，太陽開始低啦


6:44pm﹣本來跌入黑雲，但最後突圍而出，咸蛋嚟啦，速速轉鏡，好忙

6:46pm﹣又想影下個燈塔，又轉番餅鏡


6:50pm﹣開始暗啦，呢個氣氛我又鍾意喎


7:03pm﹣最後，咸蛋跌左落塊肉餅度，完lu


7:31pm﹣番到嚟屋企樓下，行出海皮，影下對面條橋(我到而家都唔知呢條橋叫乜名）

69分鐘攝影旅程，完

黃色暴雨下 兩條茂利去白泥

留學嘅blog友上星期番嚟香港“旅遊”，佢話想去白泥，原定22/6去，打風，咁改期啦，29號再出發，點知。。。

早上都唔係落得好厲害，佐敦食完飯開始落狗屎啦，但我地都決定博一舖，博入到去停雨；喺車上就停雨，一到埗，痴線咁大呀，根本落唔到沙灘


咁就四圍行個圈啦，好多好多生果，荔枝龍眼菠蘿蜜芒果提子全部都好靚，滴哂水咁囉，無可能全部影，因為顧得個袋同把遮又顧唔到部機，好"呢hea"


喺厠所巧遇螳螂兄，佢話入嚟避雨喎，但我屙完尿要洗手，唔該借借吖


再行去觀音寺，見到奇蹟啦，觀音顯靈呀。。。。條魚喺路上爬行，其實想捉番佢落河，但望下週圍，無河喎，諗緊點幫佢之際，佢已經行左去草堆失踪左，但原來後面仲有第二條行緊噃


呢個時候，發現網友個背脊有約三十隻烏蠅痴住佢，原來我背脊都係同一情况，趕極唔走，結果行到嚟荷花池，終於有瓦遮頭，影住相先，唔理D烏蠅


行番出去，準備搭小巴番元朗，但兩人身懷60烏蠅，點上車呢？我地一路彈自己件衫，跟住即狂奔，如是者每次少5隻左右啦，過左20分鐘，終於(好似）無哂；但上車先發覺，原來最後都係有兩隻死跟呀，激死

探探阿仔與阿妹

因為佢地主人呢，就嚟又去旅行啦，所以今日同artman打完波就上去佢屋企探下阿仔與阿妹，驚佢地唔認得我呀，聯絡下感情，照顧起上嚟都易D

睇下阿妹先，大隻左D喎，擺明好食好住啦


仲係鍾意瞓住我個袋，一D生保都無，任摸任摷，仲嗲過以前


又睇下阿仔，都大隻左喎，好英呀～


似乎認得我喎，都係任摸任摷喎，呵呵


我施展呢幾個月學成嘅按摸手，佢開心到反個肚比我摸呀


之前已經食左正餐，但當artman一開貓礶頭，阿仔雙眼即發光，仲開聲喵不停，連平時食野懶懶行嘅阿妹都即食呀


阿妹食唔哂唔緊要，阿仔仆埋嚟同佢清碟


artman又洗乾淨個貓厠所，兩隻野企定喺度爭先入去。。。最後阿妹勝


出嚟時露出勝利笑容


8月佢地主人去旅行時再update佢地D新相啦

嚇親

今日去馬灣影相，行左去條荒廢左嘅村，行上山,突然。。。

突然有條蛇快速喺我前面行過，我嚇到嗌出嚟，好大聲果隻，因為條蛇好長，好粗，至少四尺半

好驚呀

7月係快獸月

睇到條banner都知，7月係快獸月呀

今日先送上第一波。。。jesus loves 快獸

滴屎嚟見聞錄

廸欣湖行過嚟要15分鐘，行過嚟做乜，純粹帶快獸嚟踩場囉，原來就咁喺門口唔入去都好多野睇架


有同胞大模C樣喺度瞓覺喎(一影佢即刻郁呀，嚇到我吖）


哇，好靚呀個舖屎


咦！走佬公主喎


仲有水舞間米奇版㖭


攪攪震，無幫趁都謝謝光臨喎，呵呵～