燶了。。。東龍島之旅

呢期寫慢左，呢篇係7月7日嘅旅程

出發時，都未知今日會曬燶兼淋雨


一早起身去油塘，為嘅係搭10:00am船去東龍島
想知船期請睇右面張船期表


出發好天，中途上空有大黑雲，但越接近東龍島就越好天喎


到埗


行上幾步見到間士多，向左行3個鐘，向右行1個鐘，我揀先向右行睇石刻


來回一粒鐘，我行下影下，一粒鐘都未到石刻，行上山腰，跟住有路牌指向下樓梯就到石刻喎

點知，離遠見到一大舊黑雲吹緊過嚟，附近無亭，大樹都無棵，決定飛奔落樓梯，博下石刻呢個景點有瓦遮頭，但條死人樓梯，落極唔完，除左比雨淋，擔心嘅係。。。上嚟咪好“金”

淋左幾分鐘雨就停左，去到石刻，完全無野睇呀，無瓦遮頭呀；行番上去，數過。。。473級
未環島遊已經攰了，點算？


都要行回頭去番士多，坐低飲礶可樂，補番D糖，抖陣，同士多婆婆傾計，佢話一早問佢佢會叫人唔好去果邊，唔好行兼無野睇，環島就唔同易行又靚咁話，仲話使鬼三個鐘咩喎

的確好易行，好快就行到另一間士多，轉右去炮台，直行去燈塔，我先去炮台。。。

咦！乜個炮台有蓋嘅，無炮台得D泥地一格格嘅，似睇秦涌多D喎


正當又想呻笨之際，蹺過炮台繼續行（無牌指示，條路又窄咁），原來別有洞天。。。係懸崖

除左可以影到呢篇第一張嘅一望無濟之外，仲有呢個愛是無涯，靚到吖，可以拍D&G香水廣告；當然大家要小心，唔好行咁出啦


嚟多張180全景


又要行回頭，途中見到個好靚嘅“私家泳池”


跟住嚟到大草原，好多人扎營，但點解會有一團又一團講國語嘅？唔住酒店嚟扎營？乜團嚟架？


終於嚟到今日嘅主角。。。燈塔
睇相見有人嚟影結婚相，要著婚紗行落去都幾係野，但以香港嚟講，呢個燈塔叫好靚啦～


又嚟個全景


行番去碼頭，喺士多食碗餐蛋麵，呢個時候，發覺膊頭紅哂（因為著背心），番屋企照鏡見到個炭頭，隔左一星期有多，仲甩緊皮


5:00pm,搭船走啦


個天靚成咁，決定去影日落。。。


未完