下晝做完,打比朋友問下佢影唔影黃昏,佢竟然建議上魔鬼山影煙花;咁突破?廿幾年無喺睇過煙花喎,我架機影唔影到架,人地set哂腳架長曝光架喎,不過咁,我最怕人多啫,影唔到咪當行山囉
去到油塘山腳已經7:05pm,急腳行上去,20分鐘就上到頂,都話夏天就發揮到小宇宙架啦
先影張黃昏後,好靚呀香港,真係意外收穫呀,之前幾次上嚟影黃昏因為怕落山太黑(無街燈),唔敢影到咁盡,天未黑就走人,兼今次D雲好靚靚呀
![](https://blogger.googleusercontent.com/img/b/R29vZ2xl/AVvXsEidkFo_gHGDy8_l9gqKKx2dfkZRAGOrwwziS3sxR0boqy1L8X9Dmbg0u6bBqzlJb0Uy3AMOM8IrEvcxeI62JlHUnRCHOAS6XzUO0Do5eODk86HMQYtDyjj2SvIfbX8oylPHNRHiDi1ifzrM/s1600/aP1780425.jpg)
機會難逢,嚟多張panorama
![](https://blogger.googleusercontent.com/img/b/R29vZ2xl/AVvXsEhWgqteHQTTcfY4_0_XV-0wD-2Fq8QFiplhO3Nqk1JtsBOYzfIgFuUYr52rsluHE-9DvfmMJ4Qkibm6chzG8Vwh_cT_GbThgqUYjbLBkcEY_CNCV2QfHJFHWXblLpqPw1Q1QJ58qUvk-Efb/s1600/aIMG_2942.jpg)
電視睇煙花,以為放到好高;諗住呢度對住九龍港島之間,D煙花會喺正海硤中間射到上ICC咁高啦,點知。。。吓,放緊啦?
![](https://blogger.googleusercontent.com/img/b/R29vZ2xl/AVvXsEjcZ3g3XoqExJnfVQqh42G2kuocWvJfbdXn6cyJ32t62gG_NfayITThpvbmE0Pgenz6DXw-sT1qHsZlYDHQmGKJYHpk20CH9YbmDoXpzYf3DfdOtlSjF5_LmC175envewJ6wRxF1npLd1Kw/s1600/aP1780454.jpg)
唔怪之得得十零個人咁少啦,其中一家三口最後5分鐘先上到嚟,其中個仔同師奶不停講
媽(突然大嗌):哎呀;爸:乜事?;媽:我唔記得帶紙巾呀;仔:我流哂汗好耐咯喎
仔:山頂有車搭,呢度行到死
仔:聽唔到音樂;媽:你番屋企睇電視啦
媽:睇唔到嘅/媽:放煙花真係嘥錢呀,分D錢比我地好過啦,派唔派到$6000呢?/媽:老豆呀,喺鄉下要買幾多枝先可以放到咁呢?(唔好再問D無聊D嘅?)
(睇左十分鐘)仔:完啦,走啦/(睇左十五分鐘)仔:完啦,走啦/(睇左二十分鐘)仔:完啦,走啦
唔停口唔停口唔停口,我見師奶原來真係坐喺樓梯無睇架,全情參與吹水架咋
其實呢兩母子上嚟做乜架呢?
睇番煙花,原來我影煙花真係唔係好得
![](https://blogger.googleusercontent.com/img/b/R29vZ2xl/AVvXsEjmlsiPxXTFj0NkNWAajUmSQ41yJgIIN_bXwaf_Gm0c2mL4nAyb6aM8xS1nUffYi4fxlB_krK57Q7cSuND8Urafz1PWXRFvz2Q40Quj1bM_5AKV1eluLT12TcLKWtu9LWz8TPVMtLzZQXOs/s1600/aP1780491.jpg)
![](https://blogger.googleusercontent.com/img/b/R29vZ2xl/AVvXsEijErYlK8UesJVijkn7TE1aj-kJG2NDFHDYgGbKbfIZkbmm3AlVoenaRioAaWgDtGKpkIg-vWt2TBFa6b7VhU5KGPmD4ML8jiXk5Zh2N3bOX7HdHgbvvMhHL6aU0SRndAJpQjT6ew37b_u9/s1600/aP1780502.jpg)
![](https://blogger.googleusercontent.com/img/b/R29vZ2xl/AVvXsEgvi9wCgSXxrTJprF7MvduLGtMVjRjQvUY0Ui7D4M31U039gVb0VYBbU2vTs-l1opfkCEBWy3bPzn6vhk27OKzY_jt-vFu6_ZUiz1Q7x0A_K0krgjS2IXbBdOIsN9PC4t-UvLLGP3F1Lf0j/s1600/aP1780571.jpg)
![](https://blogger.googleusercontent.com/img/b/R29vZ2xl/AVvXsEj1CPkfUrX1-spQO-gq3kX9EWYN6oh8EX2OgygYfPLW_ZxcplyA5umE9JFs6iqQ1_80zfpycpYytGvOBxWT2j-wWxhIQTp2ZC7HYRSMuy4mSndY-BPXiRXWTJa-s0ByCS4xlys2hT6i_vxc/s1600/aP1780751.jpg)
呢張叫好少少架啦
![](https://blogger.googleusercontent.com/img/b/R29vZ2xl/AVvXsEgjU0WZLHwuFQTtNsVXUYiFmwiWghJvJ1u5uGthQJA2g7fLnzr1k4iKA2TdI6Js6veEyidlZCd89UKPs1HNFcUHB3G0SzFMb4c7yiLxb7cIwePQ5d2OR141K_n_IdP_oxAwmI1HIlZ8tOw3/s1600/aUntitled_Panorama1.jpg)
煙花完了,影張夜景先,咦!又恢復水準喎,呢張烏蓋頂我又幾like喎;睇嚟,我都係唔適合影煙花啦
![](https://blogger.googleusercontent.com/img/b/R29vZ2xl/AVvXsEhYsldMhXbiFq79SO3cDrrER1xSqfwnpHPbNZGMWCSf1nuBr3dw2uAE9Rtv9Yw9OYxCRxJyOM38VmJOhvm4E50ulJOEcOBXWVY-tDHrgxQtRAFAWYzB1dvw4u7Q2M2tcJNdUJYPrxfNBkcb/s1600/aP1780839.jpg)
12 意見:
煙花相都好靚喎,點樣唔得呀?
係呀~幾好呀~
其實我咁耐都無認真影過煙花,特別怕多人
嗰兩母子好娛樂性喎
香港黃昏相,十個正字
嗰晚我喺人地屋企個廁所排住隊睇煙花
係喇,原來啲煙花好低~
30:手震啦,唔sharp啦,構圖又唔掂啦
l.minor:
我又係最怕多人囉,去灣仔果隻,我諗我嘈到無心機影
卡臣:
娛樂性?我想踢佢落山呀
大頭:
廁所排隊睇煙花?放煙花咋卦?肚瀉呀?
我有次係68樓睇, 諗住好好睇...結果D煙花係無68樓咁高架... 要望返落樓下...好古怪既感覺!
TY:
係啦,就係囉,原來高度係二三十樓架咋?
love the first 2 ones!
夜景好靚,煙花都 OK 喇,你用長焦了。
影夜景,都幾好呀~
有平靜嘅美 :)
(不過,知你係嘈暗吓影嘅...
你咁講...)
imak:
me too
laulong:
好多時都用架啦,無留意到咩?
邪神:
未有煙花果兩張,佢地未嚟
放完煙花果張,佢地走左
小弟認為去寶馬山會好景d
Post a Comment