怪人系列之。。。。怪搭客

去獅子亭，喺沙田港鐵站近宜家果邊上左綠van，坐左喺最後果行。。。

突然聽到有個男人問司機：呢架車係咪去排頭村架？

司機：呢度咪排頭村囉

男人：係呀！跟住嘟咭

照番頭先嘅對話，如果你係去排頭村嘅，理應落車，唔係去排頭村嘅，咁問果條問題就完全係無意思架喎；

但，最攪笑嘅係，當佢嘟咭後先發覺，架車原來已經滿左座，司機留意唔到，佢又懵丙，睇都唔睇就嘟左

司機：你同後面果架講你嘟左咭啦。。。。

成件事由頭到尾。。。錯哂
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

另外，講開又講呢；好多van仔，例如西環去旺角果架係載滿客先開車嘅，因為勁多人搭，通常都係人排哂隊等車咁嘅，咁當你見到差不多滿時，正常人點都識望真D先上先嘟咭啦，但每隔幾次就總有懵丙夾硬想上車，甚至係嘟埋咭咁囉～