怪人系列之。。。。代溝

以前唔覺同D後生有代溝，反而同同齡嘅嘅同學同事問題仲嚴重，但近排，真係老啦，越嚟越溝呀。。。

時開：星期日下午
地點：麥當當

女店員（滿面笑容嘅十幾歲少女）：買野呢邊吖
我：兩個mcflurry，一個要smarties,一個要oreo
女店員：下？
我：唔係讀mcflurry咩？（我以為我讀錯）
女店員：啊，你要麥旋風
我：係呀：兩個麥旋風，一個要smarties,一個要oreo
女店員：一個聰明豆麥旋風，一個cone
我：cone係乜野味？
女店員：cone係軟雪糕
我：我要兩個麥旋風喎
女店員：即係兩個聰明豆麥旋風
我：唔係呀，麥旋風有兩隻味架嘛，每樣一杯
女店員：一杯聰明豆麥旋風，一杯曲奇麥旋風
我：係呀
你話係咪死好多細胞呢？

但係。。。。
頭先果個係落單，整雪糕嘅係第二位青春少艾，佢整好遞出嚟，係。。。。兩杯曲奇麥旋風，我話佢錯左喎（單都係每樣一杯），佢笑哂咁問我介唔介意呀，我話介呀（因為smarties係朋友㗎，我唔知佢肯唔肯要架嘛；女店員拎走一杯，對住厨房大嗌：阿ling，有雪糕食呀，不過係oreo（哇，使唔使咁揚呀，同時間佢揸巢我張單喎，之後補番杯雪糕。。。。。。）（仲有，呢個又識oreo喎）

最後，終於攪啱，但天已黑囉真係

集遊﹣濕地公園

人地集郵，我就集遊，儲下儲下，遊哂18區啦；今次再遊濕地公園

嚟過咁多次，仲有乜推介呢？呢篇叫做好戲在後頭，請睇到尾


1/黑臉琵鷺﹣食店見到黑臉店員就多，黑臉琵鷺嚟香港就係得春天，唔睇就無；今次仲要咁多㖭，型呀～


2／果然係觀鳥嘅季節，睇下，呢張相有幾多隻雀呢？


3/貝貝﹣由以前嘉道里到濕地公園，每年都嚟探下佢，但第一次撞正見到佢全相，大左好多呀，而家真係一條大鱷啦


4/冬眠過後，不停轉pose比你影，快D嚟探下佢啦


5/荷花﹣雖然夏天先係佢地盛開嘅季節，但而家都開左好多喎


6/彈塗魚／招潮蟹-每次嚟都見到招潮蟹揮手打招呼


7／污泥中長中新生命


8／搵到新角度影木橋


9/樹影﹣倒影永遠係攝影嘅好朋友


入正題啦啦啦啦啦～～～

10/臭屁蟲遙望米埔


11/蟬嘅幼蟲﹣今次好大隻，影得好清楚呀：）


12/呢隻。。。蝴蝶？蜜蜂？蛾？


13/呢隻呢。。。蝴蝶？蜻蜓？


14／呢隻又點睇。。。蜜蜂？曱甴？又無人嗌到死左呀？


15/最後，亦係我今日至愛，沾滿花粉的蜜蜂


想見佢地，快D去濕地公園啦（係咪有D反宣傳呢？）

東京．伊豆．輕井澤の旅﹣最喜愛相片

每次旅行都會寫呢一篇。。。最喜愛相片，今次揀左14張

14／伊豆海﹣搭車途中見到即影，海面得一部份有陽光照射，好靚


13/魚乾﹣伊豆名物，影果陣覺得張相好掂，但番嚟揀相，佢跌到差D出局


12/馬路﹣上野交通好繁忙，車行得快，主要捕車同字嘅構圖


11/新朋友﹣快獸交左新朋友呀，實情係一頂被遺棄嘅帽


10/交警﹣我比較少影人像，呢張唔係幾似我風格


9／流浪漢﹣同樣影人，呢張係我風格喎，影衰野嘛，佢摷野喎，露哂底喎


8/櫻﹣入圍點都有櫻嘅，呢張係其中一張，鍾意佢夠粉


7/鷹﹣此鷹不同彼櫻，飛咁低，仲唔比我捕到你


6/洗滴﹣潔淨下心靈先


5／冰鎮快獸家族﹣佢地好專業，無嗌凍


4/動物之遺棄﹣相中有故事，自己領會


3／夕陽倒影﹣輕井澤outlet關門，影到呢張，總算無白行


2／河津櫻﹣呢張比足心機，滿意呀


1/天長地久﹣當時見到呢個畫面就係彈出呢四個字


今次批相OK嘛？自己睇到麻木左，你地會鍾意邊張多D？

跟U﹣magazine去濕地公園

朋友報名參加左u-magazine同濕地公園舉辧嘅“愛享受，愛自然 綻放濕地花卉導賞團”，叫埋我去，星期六朝九龍塘出發

我純粹諗住可以免費入去影下相，仲有車接喎，點知原來個團有攝影及問答兩個比賽

攝影有三個獎，獎品係$500超市禮券，問答得一個獎，全年濕地公園通行証；咁我覺得攝影機會大D囉，下哇～


但原來時間好緊迫，全程一粒鐘咋，又要聽書又要影相又多人（共16組），有壓力～唔慣咁影相呀

外憂：
團友入面有好進取嘅師奶同佢老公，導賞員一講朵花即仆埋去影影影影影，唔夠佢搶
又有揸長炮嘅阿叔，仲有學生哥小情侶；中途佢地已經話：好靚呀，贏梗啦
哇！好多勁敵呀

內患：
1/先跌左鏡頭蓋，直插落木地板空隙，無得執，影響心情；

2/有客遲唔打早唔打電話嚟，要傾合作事宜，咁工作緊要D囉，咁又無左十多分鐘
3／慣性影相番嚟會裁相，可以拉下contrast，而家乜都唔比做，好原汁原味呀
4/每組只可遞交一張相參賽，用我定朋友嘅呢？佢D相都好靚架喎，佢呢排仲連環攞獎，計運，似乎揀佢有so喎
5/就算揀我嘅，咁多張，揀邊張好呢？

最後，都用左我嘅相，從呢三張挑選
1／螞蟻與花，2／蜜蜂採蜜／3／荷花
你地會揀邊張呢？


因為係比賽，我咁諗。。。
朋友嘅相最靚果張係野生菊花仔，相好靚，但人地宣傳公園嘅花，無理由揀野菊仔
本來覺得荷花好，但頭先個個都狂影荷花，一定好多人出荷花，荷花競爭大，唔敢博呀
最後二揀一，唔識揀；就螞蟻啦


交相嘅時候又有小插曲喎，前面位嬸嬸襟錯制，用左raw，PC機睇唔到，攪左好耐，佢又好緊張喎，最後要靠睇佢相機嚟評分，我排佢後面，心諗：你咁有信心？又覺得我係U都唔比你啦

結果。。。。
問答遊戲由好進取嘅師奶贏左

跟住，螢幕上突然打出我張相，見到時呆左一野，朋友叫我準備攞獎

跟住佢話三張相不分先後，第一張係。。。（我已經想起身）阿嬸，我諗我當時O左咀；佢張相因為開唔到，所以無打出嚟
第二個係我，而第三個係一路都唔起眼嘅後生女，佢真係荷花相，而D阿叔，小情侶無哂
但我好想知阿嬸影左乜呢？


禮券同朋友對分啦，多謝佢比機會我出賽呀


每人仲有個福袋，好多禮物呀，賺突呀真係


之後，有車車我地返九龍塘，但我地決定離隊，繼續影，都影得幾好，過幾日再寫

我諗今期書會見到我囉，希望影好樣D啦

好，今日問題：原來放大張蜜蜂相，有D古怪野，佢腳有花粉啦，翅膀一粒粒係乜嚟架呢？（我有拎張相問導賞員，有正確答案，聽日開估）

旅行後遺症

旅行時，早餐午餐都係便利店麵包，其實舊包幾好味。。。


好似呢件花生醬包，除左滑，包面仲印左一粒花生，好靚呀
最特別係，四邊啤實左，唔怕D料跌出嚟；之後食過碎牛肉，啤實真係無咁論盡，日本仔呢D野真係勁呀～


番到香港，行jusco12蚊"dou"，竟然有得賣


放麵包


放材料


再放麵包，夾實，撕走外邊


攪掂


我覺得好啱小朋友同老人家喎，唔使食到跌哂落地呀，快D去買番個啦

日本貓貓大巡禮

1／今次去日本，頭幾日，D貓見到我都係咁架，言語不通啩。。。


2／第三日黃昏，見到一隻貓，我係咁跟，佢係咁走，結果，佢走去同伴附近，我影到嘅係佢同伴仲有佢嘅腳
（心諗：終於影到一張啦）


3／第四日，雲長池行完冰雹路出嚟，迷路中，見到屋入面有隻貓望住我，隔住玻璃，呢隻終於唔驚我任我影


4/第五日，行上野公園，網上資料話呢樹好多貓，果然名不虛傳，好多人影呀；但係佢地有一個共通點，擺明比人影到煩，唔望你，你隊機埋去佢就擰歪面

呢隻其中一隻眼係盲架


5／都係佢；呢張叫做”肉隨砧板上“


6/卡娃姨


7／Show長腿


8/唔啋你


9/（兩分鐘後）我係都唔啋你


10／chok爆


11/肥野


12／最後，食左wasabi要R痕。。。。但呢隻係狗，六日嚟唯一影到嘅一隻狗


鍾意邊張相同邊隻貓貓呢？