我返嚟啦

今早啱啱落機，好眼瞓。
今次倫敦巴黎遊好多嘢睇呀，天氣仲出奇咁好，連倫敦都竟然日日有大太陽，好舒服！

睇吓啲報紙點講。。。

但對我嚟講就係好事啦。

今次影咗2900張相，揀相都有排，揀完會放上嚟，等等啦！

HI ALL

last night in london, very good weather in london & paris, see you all later.

kung hei fat choi

END

爛歌金曲鬥一番。。。第五回 + 提早拜年

越鬥信心越強，竟然可從冷碟王手上取得三分，喜出望外



豬年最後一PLUG,派出斐"星"國際，即係星際（澳門嗰間）嘅旦旦影帝梁朝偉


派台歌係“肉體關係“，歌名好性感啊！但聽落好惡啃啊！




歌詞



好難聽呀,嘉玲，救命呀！


夠爛啩！投ogake定投我？

下週爛歌金曲鬥一番將暫停一次，原因係。。。
-----------------------

我去咗旅行啦！星期一朝早機;之前因中國大雪關係,令團友被困杭州,差D趕唔到返嚟,好彩最後有驚無險,LUCKY.
講返旅行,今次去倫敦同巴黎，初七番，個blog暫停幾日！有嘢就留言啦！有電腦嘅話會試覆。


預早拜個早年，祝大家身體健康，心想事成，日日開心，日日是好日(日日日日日)。（爛歌精神）


出發前已大掃除兼貼咗揮春，幾有新年氣氛，yeah!


出年見 :)

寵物

噚日講朋友嘅寵物，今日講自己嘅！
自懂性屋企都有養魚同龜，最跨張時屋企有七缸魚，五缸老豆，兩缸我嘅！阿媽就最鍾意龜。細個養過貓，狗，雀，兔同鷄。
其中有隻龜陪住我大，佢最初係表舅父細個時嘅寵物，後來到阿公養，阿公走咗後嚟咗我屋企，但喺佢四十幾歲時，有一日突然跌咗落樓死咗，唔知係意外定真係跳樓自殺呢？
佢走咗後阿媽唔肯再養龜，直到幾年前終於買咗佢。。。

佢叫小靈龜，而家冬眠緊，佢好貪玩，一食飽就會跟住人週圍行，唔陪佢玩會咬你架！


仲有隻巴西龜，同啲魚一齊養，鬼咁大食，游上游落好得意


阿爸就鍾意魚，而家老家養咗三缸，一缸金魚同神仙


啲金魚肥得得


神仙好靚但好難養


第二缸係錦鯉，好大條


第三缸係羽毛刀同波子魚，波子魚游水論論盡盡


羽毛刀怕怕醜醜，但真係成條羽毛咁，好盞鬼


我自己就養粉紅斑馬同鳳凰，靚唔靚？



你地有無養寵物？

貓狗鬥一番

最近分別收到兩個朋友家中寵物嘅相，超可愛，喺到拎出嚟鬥吓。

朋友M的兩隻狗(哇！豬定狗嚟架）


朋友C的兩隻貓（犧牲色相，投我票啦）


邊隻可愛D?

仲要凍幾耐架！＋卡通漫畫問答遊戲﹣開估

仲要凍幾耐架


阿媽星期二煲咗牛肉茶比我暖身，點知第二朝喉龍即"Kwok"，要飲杯自己浸咗三年嘅咸金桔，飲完即刻好番，好神奇。


太凍啦！下晝走去酒樓嘆杯熱茶，食個包，但行去嗰段路寒風蝕骨，食咗補唔番。

臨瞓前浸吓溫泉包，先至無咁凍咋！


---------------------------------------
卡通漫畫問答遊戲﹣開估

無童年㗎？竟然無人知？開估啦！
1/梗係竹蜻蜓啦。
2/巴特拉，集集都嗌住，一嗌，隻狗一定嗌兩聲，除咗最後嗰場。
3/全部，小寶寶去到未來，見到好多pair結咗婚，而佢同小雲啱啱生咗個仔。（當然係博士做架啦）
4/係天使，來自天國，目的係要喺人類破壞地球前將整個地球食哂。
5/講緊作者細個嘅故事，梗係漫畫家啦！（ogake唯一答中呢條）

完

卡通漫畫問答遊戲

我啲朋友都知我係卡通怪，低低地嗰啲就至啱我，近期都係睇軍曹，火影啱啱又播番，仲有套人造cosplay嘅特搜戰隊。
今日考吓你記性，出咗堆比較易嘅問題，睇下你地仲記唔記得，試吓啦。

1/叮噹初出場第一樣喺八寶袋拎咩出嚟?（估都估到啦！）



2/義犬報恩...喺尼路側邊隻狗叫乜嘢名?（喊到趴趴聲嘅一套卡通）



3/IQ博士。。。（答案來自其中一集某主角去到未來，見到十年後嘅自己）
以下邊幾pair最後結咗婚
A/博士同山吹老師
B/小雲同小寶寶
C/小茜同突吉


4/小吉其實係嚟自邊度？佢真實身份係咩嘢？（呢條可能有啲深）


5/小丸子長大後嘅職業係咩嘢？（有睇實知）


答案聽日開估