麻鬼煩

今朝食大家樂早餐，又遇著D麻煩人

排我前面其中一個買飛嘅，因為儲分啦，逐個餐分開買，咁呢樣我都係嘅，但佢買左五個都未完。。。

咁呢，有兩個收銀姐姐，咁另一個都算快，咁好快到我啦

到我走埋去攞餐，個部長又慢吞吞唔收我飛，到收我飛嗌咪入厨房，排我後面個阿叔就發功啦。。。

叔：早餐至到幾點？

部長：11:30

跟住部長繼續幫我嗌餐入厨房，題呢個時候

阿叔：呢個我喺度食，但呢個外賣，可唔可以幫我keep住個外賣先

部長：你食一個先，再嚟比飛啦

阿叔：我驚到時賣哂喎

部長：咁而家整，擺喺我度先囉

阿叔：嘩咪凍哂囉

部長：嘩我放入櫃桶啦（呢個時候我已經勁啤住個麻煩人）

阿叔：咁都凍格

部長：櫃桶熱架

﹣﹣﹣﹣﹣﹣﹣﹣﹣
終於我等極都欠碟炒蛋，阿叔兼後面兩個都攞哂

原來攪到亂哂，嗌漏我個炒蛋

而家D人真係麻鬼煩，多多無理要求，激死呀～