繼續清水灣郊野公園;噚日講到,個公園堆滿人同垃圾,但一場嚟到,點都舉下機啦,有乜影呢?
呢個公園其中一大賣點,對正青洲(中),同果洲群島(左)
名就聽得多,睇過實物未?呢個view,幾靚架喎真係
青洲嘅右邊,係哥爾夫球場
呢個公園可以帶狗嚟架,佢有工具比你掃屎,好體貼
年青男女帶埋天葵鼠“金金”出嚟玩,小朋友見到開心到抱嚟影相;其實我都想抱下囉~
人多到嚇死,想避開影唔到人係妄想,決定影埋佢地做構圖一部份,呢張我like
成班人行過嚟,正,影;出嚟效果唔錯,呢張我又like
走嚟走去吖啦,影埋你,呢張我又又like
離開嘅時候,經過停車場,見到呢隻巨貓瞓左覺,借車身樹影做構圖,呢張我又又又like呀
最後呢張,我取名眼睫毛:)
﹣﹣﹣﹣﹣﹣﹣﹣﹣﹣﹣﹣﹣﹣﹣
點去清水灣郊野公園? 鑽石山地鐵站搭91號巴士至清水灣大坳門道迴旋處下車,往大坳門路步行二十分鐘
16 意見:
你都係影貓特別靚架喇,服鬼咗你!
人黑影果幾張勁有mood
剪影果幾張好靚
隻葵鼠好似公仔~~
我好少見人執狗屎用掃把架喎!! 個掃把咪好污糟囉?
我鍾意第一張剪影... 果幾個紅色風箏好似highlight左出黎... 靚~~
以前大澳門好隔涉
係發展咗將軍澳之後交通方便咗附近又多咗人至搞到依家咁
隻天葵鼠有冇放落地畀佢自己行
佢會唔會走咗去架?
二張人影剪影好有感覺!樹枝都好鍾意!
眼睫毛?下次影幾張鼻毛黎睇睇(講笑)
Ebenezer:
熟能生巧啩
卡臣:
我都覺呀,hehe
30 Something:
係囉,靚成咁喎,呵呵
TY:
掃把上有料架,不過可能係泥嚟架啫
大頭:
畀佢自己行架,食草㖭呀,好乖唔走喎
coffee:
多謝呀:)
l.minor:
真係考起喎
貓相, 我 like ~
我個留言唔見左?
第一張人樹剪影好似唔佑邊年中秋政府廣告,不過你張相靚D。
同埋隻貓好似好乾淨同咁大隻,我諗有人養架。如果係達仔係架車上面,張相仲靚呀!
ayclui:
仲有貓相存貨,慢慢出
Cat:
無見過你留言喎
達仔係架車上面,以佢今日驚青性格,帶出街都震,點可能吖
Like ar...
CH Mak:
thanks:)
你 like 嘅我都 like like like !!!
驚青性格,帶出街都震--> 無理由o架, 達仔唔係街貓o黎嘅咩?
laulong:
:)
AYCLUI:
完全變左第二隻貓咁
Post a Comment