咁多人，可以影乜呀？

繼續清水灣郊野公園；噚日講到，個公園堆滿人同垃圾，但一場嚟到，點都舉下機啦，有乜影呢？

呢個公園其中一大賣點，對正青洲（中），同果洲群島（左）


名就聽得多，睇過實物未？呢個view，幾靚架喎真係


青洲嘅右邊，係哥爾夫球場


呢個公園可以帶狗嚟架，佢有工具比你掃屎，好體貼


年青男女帶埋天葵鼠“金金”出嚟玩，小朋友見到開心到抱嚟影相；其實我都想抱下囉～


人多到嚇死，想避開影唔到人係妄想，決定影埋佢地做構圖一部份，呢張我like


成班人行過嚟，正，影；出嚟效果唔錯，呢張我又like


走嚟走去吖啦，影埋你，呢張我又又like


離開嘅時候，經過停車場，見到呢隻巨貓瞓左覺，借車身樹影做構圖，呢張我又又又like呀


最後呢張，我取名眼睫毛：）



﹣﹣﹣﹣﹣﹣﹣﹣﹣﹣﹣﹣﹣﹣﹣
點去清水灣郊野公園？ 鑽石山地鐵站搭91號巴士至清水灣大坳門道迴旋處下車，往大坳門路步行二十分鐘