深水埗半天遊-上

星期日，陽光充沛，34度，個天藍過藍精靈，唔出去行下點得呀；咁就去深水埗“行山”啦


上山前先去“賽馬會創意藝術中心”睇下展覽


呢度由工廠改建，每期有唔同展覽，另外仲有畫畫，音樂，陶瓷，幾好玩架；上到8樓仲可以上天台喎。。。。


個天藍到呢，快獸都要影番張到此一遊


另外，又試下用iphone影D怪相


展覽方面，最好睇最有意義係呢個，我仲簽埋宣誓紙﹣以後唔食魚翅㖭


食到鯊魚絕種，仲食？


睇完展覽，望向對面，有座小山坡，上山啦



未完

小便酒吧

我第一眼望呢個招牌，見到pizz bar，繼而聯想會唔會係piss bar呢？


點知原來只係一間pizza bar，好失望呀，個A字明顯細左囉

麥記靚女相

尖咀麥記影，好靚女


我對住佢食飽飽，食得好開心

荔椿／順產

西環探貓貓，好多時都有D意外驚喜，今次就見到四隻顏色鮮艷的昆蟲，番屋企上網查資料，原來佢叫荔椿


但美麗背後原來佢係害蟲，專食荔枝龍眼架


食得多荔枝龍眼原來會咁靚，即刻落街買嚟食先

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
最新update：

今日狂風雷暴，趁中段停雨走去探貓媽；

今日佢出番嚟喎，但個肚鬆到墜地，即係話貓媽順產啦，BB出世期係由6月14或15號

佢一見我嚟就仆倒落嚟，身手從未咁敏捷，狂食一輪之後鬼鬼祟祟咁”lay“埋左，之後仲聽到幾野微弱BB貓叫聲，好開心～～～

唔攪佢，希望佢地健健康康啦

垃圾／廢物

睇下面張相之前，有無人話到比我聽垃圾同廢物嘅分別？
。
。
。
。
。
。
。
。
。
。
。
。
。
。
。
。
。
。
。

講嘅係政府D回收箱條banner

垃圾暨廢物回收箱。。。使唔使寫到咁複雜呀？原來廢物唔同垃圾架喎，下次鬧人鬧絕D，記得鬧人垃圾，唔好鬧廢物，廢物係仲可以回收架～

到英文。。。litter cum recyclable collection bin；litter cum?係咁講架咩？唔好蝦我英文渣喎

黑仔與我

又要感性下講下故仔；繼續果竇貓，除左兩隻貓媽，阿女同阿B，仲有一隻剪左耳(即係閹左）嘅貓公


全身黑色，開頭見佢永遠眼超超，但對眼碧綠色，好靚，毛色有光澤(有原因，睇下文）


之後每次去，都會帶貓餅乾或礶頭，佢就開始認得我，而家我人未到，嗌兩聲佢就會飛奔出嚟等我
最近影嘅相明顯見佢眼神唔同左，溫柔左，應該係開始信我啦
而家，食完野佢要“戀”你腳，要你陪佢玩，R背脊，掃佢個頭，仲會開心到喵喵叫，好似同你傾計咁


佢絕頂聰明，食野時，如果同其他貓share一碟，佢識得撥埋個碟近自己；另外，唔係每次去都見到佢，咁佢去左邊呢？結果，一次貓媽同佢失踪，我試下行第二條路去另一個有貓嘅花園，路程要10分鐘，結果，見佢坐左喺度等餵貓阿姐餵佢，即係話佢識跨區搵食
喺果邊即刻唔識我，痴住餵貓阿姐，佢喺呢邊有第二個名。。。烏卒卒
（呢張相當時影架，即刻唔識我，正衰仔）


阿姐餵嘅全部靚野，唔怪之得隻衰野毛色咁靚啦；
佢隻右耳有D疑似爛肉(可能打交），餵貓阿姐比左樽消毒藥水叫我試下幫佢抺，呢隻野除左開頭扭下計之外，竟然乖乖比我清理佢隻耳仔，真係好乖囉，我估以前應該有人養開架

另外，update下貓媽消息。。。

貓媽呢兩日唔見左，我估係“lay"埋生仔啦，已同餵貓阿姐聯絡，知道之後點做，會等佢生完斷左奶先捉佢去閹，應該會係7月中至尾嘅事。。。

淫蟲動畫吔媽嗲

呢兩隻野，喺行人路都嚟，該煨囉


有上兩次嘅經驗，呢次要影哂180度先收手呀


隻公仲要笑淫淫㖭


睇下隻公幾咁得戚


哇，有“4仔”睇呀




佢唔攰我睇都攰呀真係