開始深圳返工啦

今年開始，每星期一次，會返深圳開工，暫定為期三個月，已經返咗去三次，開始適應。

個office就係喺呢度。。。福田天安數碼城


對面係Cafe de Coral,第一眼以為係大家樂，原來係贗品


個位望出去，原來好多大廈嘅天台都進行綠化，環保過香港呢！


喺7/11見到佢，小飛俠錢箱（內有果汁糖），卡哇𠲖，即買.


仲有大陸版Soyjoy同薄荷糖，Soyjoy上次喺日本食過，但呢度只賣四元左右，買嚟試下好唔好味先。


完

當代書院最新廣告+湯唯寫真

正嘢,有正嘢睇,深呼吸先好睇,驚你斷氣


重溫吓D舊作,一件爆過一件,
特別推介第三個老師，鼻"濃"大過鼻，極品呀！


無睇色戒，因一向怕娘嘢！但如果佢喺套戲都係用咁嘅造型，輔屎，我一定仆倒去捧場，"gut"起隻腳呢吓嘢呢。。。另本來凍呆咗嘅我笑到出哂汗，暖哂，多謝湯小姐，亦多謝蘋果搵到啲咁爆嘅料。


完

爛歌鬥一番。。。第二回

上回一比三慘敗，今回派出呢隻我視之為皇牌絕招，得意少婦許秋怡嘅"偶像雜果冰"，剩係個歌名都爛啦！記得聽三分廿秒後，有疑似粗口物體，X足三十秒，咁爛口，仲唔係爛歌？


曲：馬場孝幸 詞：因葵 編：鄧文傑
極愉快的眼神 它彷彿似心上人
極活潑可愛人 幾多個令我醉心
HELLO KEROPPI
KITTY MELODY
天使LITTLE TWIN
誰人能令你更愉快 內心偶像
你愛上也溥A解
嘉菲 董輝 萬能鐵甲俠
大力水手 花生 翠兒 乞嗤大王
小茜 叮0當 大雄 SUPERMAN
夢幻少女 星矢 米奇 愛美神
望見它入太神 願抱它在我身
細看相當吸引 懷內與我共行
是夢裡的美人 聲音裡劃滿好運
望著那些怪人 將歡與樂做個化身
這世上這樣那樣太多偶像
卡通的感覺沒帶點郁傷
還願寄夢去傲翔
有鳥語也有醉鄉


又睇下ogake繼劉彩玉之後有咩勁嘢，記得投我票呀！

星期六,好節目,異獸戰,一鑊熟

午餐同屋企人喺尖咀洲際酒店食"普飛",門口有座鐵塔,東京嗰座影過,下月巴黎之旅應該都會去鐵塔啩!大興奮呀!


就嚟又凍凍,食定多D凍眠,佢地最出名生蠔魚生,我無福消受,先主打沙律...但條魚生人龍排到阻住攞沙律,仲隱約聽到....
死開啦,肥婆,咁肥仲攞咁多,
肥佬,你個躉阻住成張沙律枱啦!
C拉,你洗洗過頭先嚟過啦!
(以上為設計對白,與本人無關)


麵包正，牛油同芝士夠哂肥，牛扒有啲失手，蒸豆腐外表靚靚,暗藏魚肉, shit,係唯一食咗一啖隊咗過隔離嘅恐佈位.
甜品部...食咗四球雪糕...vanilla/焦糖/菠蘿雪芭/士多啤梨雪芭,仲有picnic topping,勁滿足.

食飽同友人睇異獸戰2,以前勁鍾意alien系列,但對呢套興趣不大,但好得閑,當kill time囉!

無期望依然失望,又話A vs P,連一場高潮對打都欠奉,D演員無個省鏡,D"人"嘅主線亂joejoe,結局更係神奇過神奇胸圍;
睇完之後,唔知係唔係應該好似某blog友咁,認真諗下,代入吓套戲...如果個世界變成咁,寧願係一早死嗰批,定係生存作戰呢?(睇D咁爛嘅戲都可以咁感性,又進步啦!)

片頭預告片係魔街理髮師 (Sweeney Todd),Johnny Depp+Tim Burton+Helena Bonham Cater,鐵三角陣容,好想睇,邊個有興趣?


聽日又到爛歌時間，今次不容再失，奸巴爹！

完

勁歌金曲咁都得

1/竟然將張敬軒個獎頒錯獎比王苑之,抵打,
2/電燈膽/鄧麗欣食白果,豬肉都無舊,
3/關心研有舊豬肉
4/泳兒直頭中3T,爆大冷

成晚有D廣告係咁播,喺咁貴嘅airplay賣咁多,點都比個獎你...
容祖兒演唱會
江若琳嘅愛鬥大

今晚有兩句佳句幾正...
1/曾志偉:如果泳兒知道有獎,就唔會用隻甩色嘅mascara
2/曾志偉問千嬅:會唔會今年整多首唔化,千嬅:你要問黎生啦!

魚翅.如厠

魚翅盡量唔食,碗仔翅卻是我的至愛,所以今日深圳返半日工後,喺火車就諗吓今日可以掃吓街,食吓垃圾....

加埋炸魚蛋同炒米粉,仲有深圳老細請嘅heavy湘菜lunch,個肚好似有咗三個月,飽到食完即如厠.

wordy:呢篇用咗首尾呼應,醒哩!

炒雜碎

星期六
喺旺角五金街見到架"烈火戰車"型爆，想見吓車主係個咩人。


星期日
喺上下晝商場嘅Foodcourt食大阪王將，佢個餃子一流，但食兩次病兩次，唔信邪，比多次機會佢。
阿姐話個中華料理飯好食，信佢啦，點知拎上手已覺腥氣撲鼻。。。
啲魷魚死去十年，攪到碟飯有陣屍臭味，啲大白菜，大陸貨，無用上湯出水，亦無用胡椒辟菜腥，應改名中華腥飯。