澳門包食包住免費兩天遊2012-(2)北極光

上回講到，因為落雨，返房瞓一陣，半小時後，瞓醒，從窗望出去。。。哇～唔止無雨，太陽出來了


即落街影相，間酒店靚就靚啦，但同澳門其他新酒店一樣，附近乜都無，好荒蕪


見到條橋同風車山，就行左邊啦，原來果度叫做“路氹城生態保護區


行過嚟就係為左影呢條橋，條橋通去珠海


保護區真係好多雀喎，配合黃昏雲，狂影～


剩影雲都靚爆


再嚟一張夕陽加橋


天漸黑，風亦大，雲慢慢打散，望上去有D似北極光呀；因為附近無野檔，天空好大，好壯觀呀～


正當為見到偽北極光影張開心到跳起之際，我嘅後面出現左。。。。神蹟


叮噹：想知遇到乜野神蹟，就要睇第三集啦～～

澳門包食包住免費兩天遊2012-（1）打風

前言：朋友攝影比賽贏左，獲得澳門大倉酒店 Jurior Suite 1 晚住宿及行政樓層雙人早餐、雙人下午茶及傍晚雞尾酒...

一號風球之下出發，去到澳門34度。。。。LIKE


開頭唔知大倉係乜料，未聽過，原來係銀河入面嘅酒店（銀河呀，“加蕀屎”呀），佢喺日本係半島級數呀；大堂大到吖，樓底高到吖，佢大得嚟又無威尼C人咁多遊客，舒服好多呀
仲要當我地係VIP呀，唔係喺大堂check-in架，和服小姐帶我地去6樓坐低嘆住果汁嚟check-in架，我覺得自己變左有錢佬呀


哇，住26樓呀，哇，差唔多頂樓呀，哇，間房大過我間屋呀，哇，有厨房，哇，有咖啡機，哇，電視都有三個呀，可以一次過睇無線，高清無線同J2呀


廁所啦，哇，有“擲菇池”呀，哇，浴鹽浴油都有幾隻呀，哇，shower room可以做埋stream room架，哇，梘液都多過人呀


到馬桶啦，終於遇到一個識吹風架啦，洗patpat水力有得加大加細，移前移後，唔使自己移柚就磡架

不禁暗暗同自己講，呢兩日要用多幾次


用完廁所，搵野補充番先，枱面仲準備左羊羹同綠茶，好開心呀～～


因為2:45pm有免費下午茶，hea番陣等開餐


原來下午茶得好少野揀，但每樣都幾好味，樽"唷拮“好好味


食完落2樓，因為全酒店最大賣點，人造沙灘，沖浪池就喺呢層，一去到睇左陣，衫都未除，雷暴警告，泳池關門了。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。OMG，比我浸下腳都好吖


落街行過圈，酒店外型中東feel，金過黃金俠；跟住落雨㖭，番房等好天啦，唯有。。。。跟住瞓左


今日寫到呢度，究竟瞓醒會見到乜呢？聽日繼續

最後我為大家表演一個魔術，去片。。。


魔術失敗了

生活淡淡似是湖水。。。

公私兩忙，休息一day

影煙花。。。意外收穫

星期六晚從澳門回來後，星期日決定開半日工清清D job，兼陪下達仔

下晝做完，打比朋友問下佢影唔影黃昏，佢竟然建議上魔鬼山影煙花；咁突破？廿幾年無喺睇過煙花喎，我架機影唔影到架，人地set哂腳架長曝光架喎，不過咁，我最怕人多啫，影唔到咪當行山囉

去到油塘山腳已經7:05pm，急腳行上去，20分鐘就上到頂，都話夏天就發揮到小宇宙架啦

先影張黃昏後，好靚呀香港，真係意外收穫呀，之前幾次上嚟影黃昏因為怕落山太黑（無街燈），唔敢影到咁盡，天未黑就走人，兼今次D雲好靚靚呀


機會難逢，嚟多張panorama


電視睇煙花，以為放到好高；諗住呢度對住九龍港島之間，D煙花會喺正海硤中間射到上ICC咁高啦，點知。。。吓，放緊啦？


唔怪之得得十零個人咁少啦，其中一家三口最後5分鐘先上到嚟，其中個仔同師奶不停講

媽（突然大嗌）：哎呀；爸：乜事？；媽：我唔記得帶紙巾呀；仔：我流哂汗好耐咯喎

仔：山頂有車搭，呢度行到死

仔：聽唔到音樂；媽：你番屋企睇電視啦

媽：睇唔到嘅／媽：放煙花真係嘥錢呀，分D錢比我地好過啦，派唔派到$6000呢？／媽：老豆呀，喺鄉下要買幾多枝先可以放到咁呢？（唔好再問D無聊D嘅？）

（睇左十分鐘）仔：完啦，走啦／（睇左十五分鐘）仔：完啦，走啦／（睇左二十分鐘）仔：完啦，走啦

唔停口唔停口唔停口，我見師奶原來真係坐喺樓梯無睇架，全情參與吹水架咋

其實呢兩母子上嚟做乜架呢？

睇番煙花，原來我影煙花真係唔係好得








呢張叫好少少架啦


煙花完了，影張夜景先，咦！又恢復水準喎，呢張烏蓋頂我又幾like喎；睇嚟，我都係唔適合影煙花啦

7月1日的香港

香港。。。很美

羅慧娟RIP

同羅慧娟合作過一次，當時科網熱，攝影師朋友（J）想設計一本網上雜誌，我參與設計果part；

一日，（J）叫我打電話聯絡一位佢嘅朋友，佢幫我地錄音，而某些時裝品牌名因為唔係英文，叫我同佢溝通；

我打去，佢好禮貌，但唔知點解，某個發音發極都唔啱，係差好遠果隻喎，我有D忟㖭，最後都攪掂；

隔左幾日，佢上嚟探班，我先知原來佢係羅慧娟，第一個反應係講sorry，因為唔知係佢（當時耳仔已經有事），佢反而講笑咁話：關你乜事吖，我聽唔到啫～

之後又傾到潛水，因為當年我好想潛，但係見佢咁，我有D驚喎

佢話：我呢種機會好細好細，海底好靚，要去潛，一定要去潛，節最怕我呢個經驗，嚇到無人潛水呀。。。。。。

之後嚟過一兩次，好好傾，係一個好多正能量嘅人

一路好走～

好友攝影師朋友（J）已於幾年前走左，而家羅慧娟都走埋，兩位都係四十幾咋，其實仲係好年青。。。

去旅行撞正八號波

星期五出發，澳門之旅撞正八號風球，出發時係一號，諗住佢唔會掛八號啩，就算大雨都比星期五嚟玩下好喎

星期五晚，三號波時。。。哇！風大雨大呀，酒店都斜哂啦


但我係太陽之子喎，睇片。。。






打風有乜好怕吖？

但我玩嘅同時，原來屋企出左意外。。。好彩達仔無事（詳情睇達仔個blog，但未寫喎）