第三日一早就出發，在富山站見到架火車時，已經開始興奮。。。
途中天氣勁靚，沿途風景優美
第一個風景位係"美女平"，要先搭纜車
美女平主要睇千年大樹林，一出站已見林踪，亦多得當地職員鮫島先生（真係搗到人）及稻中小姐（個樣真係好稻中）誠懇的態度，指引我地前往行山徑。
車路兩旁嘅森林
原來美女平已在1280米
跟住坐巴士去第二站“彌陀原",已到達1930米
對“彌陀原"係整個行程中較為失望，到埗時尚陽光普照，但漸漸大霧向住我地飄來，好凍呀！
另外，彌陀原另一買點係有好多細水池，但天氣影響，我只見到幾灘水。
再乘巴士往今個行最高點"室堂“
到埗即見到今晚住嘅酒店
凍左咁耐，食飯啦，有加底咖喱朱扒飯，我開動啦！
食完飯即來張到此一遊
跟住行環山徑睇下風景，點知D霧又嚟
應該見到左邊嘅景現場郤變成咁樣，有無得投訴？
越行越凍，前面能見度得廿零步，加上團友小拐隻腳唔行得耐，有D徬徨。突然一座建築物出現眼前，原來係間cafe兼浴室，即刻避下先，飲杯朱古力，暖哂。後面枱突然傳來幾個香港女人大聲交談，劃破山上的寧靜，其中一個有份量阿姐身穿黑色長毛外套，絕對可提名立山猩級大奬。
由cafe回酒店，原來唔駛十分鐘，而這時天公做美，成個山脊終於露面。
再補張到此一遊
開心到做瑜珈，原來去到2450米
黃昏下的立山
晚餐係和式，因唔食魚，嗰晚要節食，好彩仲有幾塊天婦羅青椒同甜品。
晚上節目係睇星，真係好多星，但亦凍到一步一趴街，好彩酒店有大浴場，暖返個身先瞓
.JPG)
