蒲台島的緣份

舊年嚟過，同碼頭士多阿伯約好會再嚟。。。  

星期六終於再去，佢當然係認唔到我嘅 

我點左餐蛋麵同汽水，阿婆拎嚟嘅時候，竟然係咁。。。舖滿紫菜

我當然唔會出聲（我好怕紫菜架），靜靜畢哂比朋友，當然好難畢清，結果以為會好腥，又唔係喎，幾好味喎～

朋友直頭大讚㖭啦～  

比錢時問阿婆記唔記得我，幫佢寫字果個呢，佢開心笑哂，阿伯喺廚房走出嚟，仲送上佢種嘅大蕉，真係好甜好好食呀

見我之前寫嘅字已經淡左色。。。  

呢張佢搵人新寫嘅“海報”亦都爛爛地，再加上原來兩位老人家唔識字，根本唔識寫過張新嘅。。。  

咁就我免費幫你做，印過張靚靚新嘅比你地啦：）

呢碗麵就叫蒲台島名物﹣炭燒紫菜餐蛋麵啦
------------------------------------
後記： 我一向都好尊敬感謝離島，鄉效開士多賣汽水餐蛋麵嘅人，其實真係賺唔多架，坐成日可能得幾單生意；

但我地行到攰哂有碗麵有枝汽水就直頭係救命靈丹；

好似阿伯咁，過去幾個月因為天氣差不多無生意，但都堅持每個週末日坐喺度，唔係個個肯唔肯啦，係咪？～