報紙前排都有報道話西營盤出名嘅X記甜品因為貴租結業，話係好多大學生嘅回憶，報道好正面，但背後呢？
貓義工知佢地舖頭有隻貓，養左12年，問佢地會點安排，佢地竟然話鎖埋佢喺舖有得佢喎，唔會帶佢走；
貓義工見咁情況，話送佢去貓場搵人養啦，想老闆至少比車費啦，因為要送去荃灣區，佢話只會比$300，隻貓比左義工，比人養定劏左嚟食，佢都唔會理
真係咩野說話嚟架～～隻貓幫你捉老鼠，又逗得客人開心，最後竟然係咁。。。
一隻12歲嘅貓比人遺棄，根本唔會有人會收養囉，真係好陰公。。。
今日因為要還人情債，幫一間貓屋影D靚貓相，原來X記貓就係喺度，佢變到好自閉，唔同其他貓玩，剩係面壁。。。
.JPG)
26 意見:
老細如此無情
佢仲肯比300蚊算啦，我諗你都知有D再衰都仲有。
點解可以咁冷血~
唔養就算,
唔洗講得咁衰格吖!
我想x爆嗰老闆!!!
祝佢他日有相同遭遇, 被子女遺棄。
點解D人可以咁無情, 話哂都對左12年呀! 唉....
卡臣：
冷血㖭呀
Cat:
佢本來想就咁鎖佢喺舖喎，仲唔夠衰
大頭：
唔識答你
新鮮人：
賤格㖭啦
go:
我都信因果囉
TY：
我諗貓貓都係咁諗
咁冇人性，抵佢執笠！
貓貓係貓屋長住抑或暫住?
Ebenezer:
呢類無人性嘅舖頭老闆，近月我呢頭唔止呢個呀，都係執笠
星若：
話就話暫住，但會有人肯收養嗎？無人會揀隻老貓架
呢個老闆真係，諗住焗死佢就算，係咪事先問下邊個想養或送愛護動物協會啊？(愛護動物協會係咪收?)
最好係自己養番，因為俾人養隻貓係會受唔住，主人走鬼左，唔開心，唔適應，有機會係會病死。
Him:
愛護動物協會只會送佢一程架咋：（
太可惡!希望貓貓會開心番啦。唉。
唉！我果頭有個生果舖男人，為左慳絕育錢，要貓女生貓B，之後要細唔要大，不繼重複。而佢又淨係要貓女，其他貓媽同貓B就襯佢地出黎食飯時用個籮定個箱掉走佢。
好彩有個文具店主人收留左D貓貓。而最開心係，生果舖男人有報應間舖摺左，果度而家開左間佛具店。
meow:
唉～～～
Cat:
真係or lay陀佛
唉~貓貓真可憐!
祝所有黑心老闆執笠！
希望貓貓睇開D唔好咁唔開心。。。可唔可以貼多張街招晌隔離﹐幫隻貓均新主人?
可能曾經同隻貓貓玩過既客人﹐會對佢有感情。
l.minor:
命水唔好嘅話，做人做貓都可憐架
Lazy Smurfette：
你嘅祝福真係好到肉呀：）
我同貓義工講，可能work喎
愛護動物協會只會送佢一程 --> 千真萬確呀~
十二歲老貓又真係難少少...希望好似Lazy Smurfette話齋, 搵到個有感情嘅新主人啦~
老闆養了牠十二年, 真的沒有絲毫感情.................-_-
ayclui:
希望啦
imak:
冷血啦直頭
最犀利的是貓義工竟然會問店主點安排隻貓, 而店主又敢講呢個安排...
樓上，好彩作問佢一句！
個店主真變態！！！！！抵佢！！！
版主可否將貓場地址電話聯絡人資料登出，
讓有心人可以去探望過貓貓再做決定。
我想這樣會給貓貓多一些機會有人收養。
artman:
佢話個店主知佢係義工，同佢講唔要隻貓喎
180高的馬弟：
唔問咪好似西環另一隻咁囉，掉左去山頭
the inner space:
幫佢影相，佢地有人會喺facebook登架啦，我剩係識影相
睇完有 d 心痛....
Post a Comment