1月1日

今年第一餐係免費嘅，麥當勞請嘅。。。

12:15pm,去到大圍嘅麥記，朋友要巨無覇餐($20)，我要至尊漢堡餐（$28.6)，拆盒食左幾啖再望下，點解無番茄嘅？

拎住個包同個盒去櫃檯問，無人得閒啋我，執位嘅職員見到問我乜事，我話無左番茄嘅，佢話今日番茄未番喎。。。

跟住見到櫃面做緊野嘅女經理口噏噏同個男職員傾計，以為佢會補番比我，點知咬多幾啖都見佢地無反應。。。

我又覺得蝕哂喎，無番茄嘅至尊漢堡同巨無覇真係無分別架喎，仲少左塊包㖭同貴左$8.6。。。

朋友睇唔過眼，走去直接問個經理，佢嘅答覆竟然係退番$28.6比我，免費比我食喎,雖然堅係覺得佢地做野求其，但唔使錢仲想點，食多個雪糕先走呀。。




跟住去影相，影左2012年第一個黃昏，今日開紅盤呀，好大好靚


今日問題：知唔知呢度係邊樹呢？