老豆想我攞乜獎

上星期，接到一個攝影比賽通知，叫我出席下星期六的頒獎禮，講埋得到其中一個獎。。。

夜晚同老豆食飯，同佢講呢件事。。。

我：老豆，我又贏到一個攝影獎，要上台領獎呀

老豆：唓！又唔係諾貝爾（哇！你唔好再set高D）

我：攞個視帝你睇好唔好？

﹣﹣﹣﹣﹣﹣﹣﹣﹣﹣﹣﹣﹣﹣﹣
完

兩年

時間飛逝，咁就兩年啦

達仔已經跟左我兩年啦，拎左入屋日當佢生日，六歲啦

今年無特別慶祝，咁啱我多野做，整日喺屋企，當陪佢啦

睇下，而家幾靚仔：）

重口味。。。仲係超重果隻

（又不解釋）

哈爾移動城堡

（不解釋）

編排旅行行程係樂趣？

機票攪掂，跟住到酒店啦

上星期，公事忙，斷斷續續咁問意見，上網睇blog，摷料，終於大致上落實

星期六晚，最得閒，上網book啦，淨係登記做會員呢個step已經開始開脾氣

打比隔離台老師幫手，幫我釋左個片假名嘅姓名，咁就開始順利啦（以為）

去到最後一晚住札幌，想訂果間無位，搵其他酒店啦，全札幌竟然得一間有位，但貴左4倍

又搵老師求救，佢都唔明，佢教我貴都book左先

我摷下美瑛嘅酒店，又正常喎，於是諗調行程

攪到一點至瞓，第二朝六點幾就紮醒，瞓唔返，於是又book過

終於最後一晚住小樽，我本來話未必去嘅地方，但搵到想去嘅景點兼平靚正酒店，扑鎚

邊個話編排行程係樂趣架？

最後想講，上網查最後果晚發生乜事呢？不是假期，基本上無花睇，無紅葉，未有雪，係淡季，攪乜呢？

最接近嘅我搵到中日交流會，唔知關唔關事呢？好交唔交，仲乜交去北海道呢？

港台LENS攝影比賽﹣下

上到台，話緊張又唔係，但係好唔自然。。。

宣佈五月最佳圖片時，覺得有D希望，結果，我朋友得到，一嗌佢個名，我就已經覺得玩完，等收工。。。

到頒七月時，我直頭唔記有份囉。。。因為我認定有張贏硬，超哂班；

結果公佈時，因頒獎嘉賓企正我前面，我見到佢張”得獎名單“，咦！我個名？

用，同一時間，佢就讀左我個名，我”吓“得仲大聲，跟住O住咀行出去，佢握手我就去攞獎，佢比獎我又去握手，亂哂籠。。。

我張得獎相。。。獎品係電器禮券$300，唔使食白果啦：）

跟住，司儀講乜我都聽唔到，儍儍咁。。。

六個月嘅得獎相。。。呢六張會再選三甲

跟住頒季度三甲，我仲掛住傾計，當宣佈季軍時，叫我喎，我嘅反應又係：吓？我？

再攞多$500禮券

睇下三甲作品，真係唔同班架，人地高好多囉。。。

多謝minor幫我記錄左得獎唧一刻，雖然成個儍佬咁



攞完獎，你估我做乜？即刻去左百老匯，拎左舊年用剩嘅禮券＄1000（到係贏返嚟），加埋今次$800，去左買洗衣機，yeah~~~

港台LENS攝影比賽﹣上

六月時候寫過呢篇，其實之後七月都入左五強，入五強獎品係得張“証書”。。。

而五月最後五強，有我，有minor，仲有我另一個朋友，會喺當中選一張做呢個月嘅冠軍，好玩囉呢次

終於星期六要去荷里活廣場出席頒獎禮，見到隔離台最近榮升貓主嘅minor呀，競爭對手呀：）

臨場會再公佈每月最佳圖片，最多like同季度三強，好緊張呀～～

今日先講最多like......

最多like實無份架啦，每個月都係同一個人以超高票數得到架，咁季度最多like點會唔係佢吖，心諗；（而呢個人“稱佢為AA”嘅特式係張張都唔對焦架，好有個人風格）

我地企哂喺台等結果，頒獎嘉賓讀出我朋友個名，我“下”得好大聲囉

（即係話，平時FB按個like就當一票，AA贏哂；一要登記身份證每人一票呢，就無影啦）

花絮相﹣呢兩個月我都入圍

花絮相﹣哇～