床底寶箱之史前 徐小鳳全新歌集錄音帶

 
我諗大家都係，搬屋呀裝修呀，又或者移民都會的起心乾掉緊D舊野，我記得我一次搬屋，掉左一鞋嘅錄音帶，當時覺得無機咯，仲要嚟做乜呢，於是只係留返最有紀念價值唔捨得掉嘅入落另一個鞋盒。。。 又另一次，我去左加拿大，我老豆勁鍾意掉野，趁我唔喺度掉我D雜誌，同埋果箱錄音帶，我番嚟知道左想暈。。。 而家我手上得番呢盒錄音帶，係徐小鳳全新歌集，無掉到嘅原因係，因為佢外表唔似係錄音帶，逃過一刧 個名都真係超hea，全新歌集喎，乜之前隻隻都撈D舊歌架唔通？ 個盒打開係咁嘅
 入面有盒帶仲有歌詞書一本
 都真係lasagna(濶面）得好交關，而家反而好似無咁闊喎
 呢隻係82年出品，你地見過未呢？記唔記得有乜野歌？

答案

尿袋嚟架，好精美呀，買嚟做手信都唔錯喎

日本雜誌見到嘅...撩棵突

先講返我部iPhone,已經攪返掂，原因係。。。貼左喺熒幕上半年嘅保護貼，因為用舊左汚糟左影響左個senser,撕左就無事 。。。。。。。。。 今日估呢樣..... 日本雜誌見到嘅，呢個袋乜用架呢？ 聽日開估

iphone的問題。。。求教

用左年幾，突然出現呢個問題，係壞左定係我襟錯button? 打電話時，畫面係咁樣嘅
咁講電話拎埋隻耳度，好容易就“hi"到靜音button，結果對方聽唔到我把聲，我要按番個靜音先

有無人答到我呀？

一年後。。。青衣自然徑

今年再去，行左上山幾分鐘，就見有D膠帶求其咁欄住條路，有無路牌喎，咁咪繼續行囉，行多幾分鐘，有個工人坐左喺樓梯話修路喎，叫我地落返去行引水道條樓梯上。。。  
落完再上返去，原來就係轉返出嚟個工人上面DD，而佢果度根本行得過啦，係要嘥人腳骨力，你下面比個牌一早點人行隔離果條咪唔使行寃枉路啦 沿路都掘爛，起乜呢？有修路牌話要整到11月；上次吹色士風個位爛哂啦

見到呢個靚位，隧道景
   
亦都影到兩隻靚蝶
 
 另一隻
   
上嚟都係想睇呢個橋景啦，今次天藍，靚好多
 雲影踏正大橋
 
 橋面
 
6:25pm，舊年三月太陽近橋D，今年去左右邊，條橋唔夠光。。。
 6：49pm,條橋果面黑哂
 
 放棄條橋，改影松樹
 
7:03pm,瀨死唔走，等橋著燈,終於等到
 7：07pm,最後一張，太黑，跟住要靠iphone電筒落山

一年前。。。青衣自然徑

其實個個星期係咁影，有心無力寫唔切，有大量”香港遊“難產；
好似呢篇，11年3月影，最後不了了之

上星期日，決定再去，攞返兩輯相比較，呢篇舊相，終於出世 今日先睇一年前嘅青衣自然徑  

搭機場巴，喺青華苑落車，過馬路向上行，就會見到入口 

因為係三月，天氣凍，身體冬眠行唔郁，面對行極唔完嘅樓梯，印象中行下抖下，極之唔掂（今年，夠熱，一條氣就上頭頂啦）；行下行下，見到有人吹色士風，專登聽佢奏借機坐一陣
  

睇返輯相，原來無乜野影，最似樣得隻蟻
 

例牌有蟲有花草
 

行上嚟，為嘅係呢個無敵黃昏橋景，真係靚爆呀

 咁靚嘅景，明仔要影番張到此一遊
   

一年後，會影到乜呢？同一個地點有乜唔同呢？明天繼續

床底寶箱之史前 十二生肖郵票

床底系列寫左咁耐，有一瓣咁耐都未寫過，因為藏量之多，多到唔知點入手，係乜呢？

以前老師總係叫學生集郵，而我由小學集到中學，中學時更癲到去買D覺得有價值嘅，例如呢套。。。

十二生肖郵票。。。最舊果張係1967年架，係咪好經典呢？



你對呢套郵票有無印象呢？定係見都未見過呢？老實答