雲得一陣陣

星期六，上晝落大雨，下晝出太陽，天上面好多雲，好大風，啱哂。。。



地點係龍鼓灘。。。靚到吖，個天同海濶到唔似喺香港，聽日繼續

男人就要這樣

先睇一次先：）



知我想講乜嗎？

止汗做乜要48小時？唔係日日沖涼架咩？

唔沖涼，男人就要這樣

近期最廢嘅廣告

有幾廢？自已睇

錯？

網上面好多人講，唔講又真係唔多覺，三個人每人畫兩條線，結果得五條邊？想表達乜野呢？有心定無心呢？

呢件事令我諗起另一樣野，做左咁多年設計稿，間唔中總有出錯，通常都係D小錯，有時候自己先發現，總會諗，出唔出聲好呢？個客會唔會發現呢？。。。結果係，通常都過關架，無人知架，出左街就無人理架啦，當然，講嘅係一D小錯誤

其實呢。。。我今日又做錯野啦，不過比個客早發現，喺未出街前救到，好險呀：）

沉船式假期？

U magazine入面嘅介紹；寫果個究竟知唔知鐵達尼號係乜事架？

邊個會想要搭沉船式嘅假期呢？

寫果個唔知，編輯都睇唔到？個客見到會唔嘈？咁到出到街？

科學館﹣青蛙的故事

話說前排逢週末就落雨，咁就搵D有瓦遮頭嘅地方影下相啦，去左科學館

咁呢，地底有個玻璃缸養左D青蛙喺度，白色嘅


一對小情侶行過，滿面暗瘡嘅女仔發嬌嗔話：真架？～（見到～請加強作狀嘅語氣，扭一下聲，慳D啦baby果隻）
而隻青蛙果一刻郁左一郁
男：真係真架
女：咦～咁核突
男：佢都唔想架
女：點解佢生得咁核突架～

我心諗：我夠想問你咯～～～
﹣﹣﹣﹣﹣﹣﹣﹣﹣﹣﹣﹣﹣﹣
同場加影，睇下影左乜

LYUBA。。。中文點釋架？”尿吧“？酒吧D friend?


蘑菇雲。。。最鍾意呢個game，肥仔又交戲，張張表情都好掂；我都玩左好多野


滴滴仔。。。今日最鍾意嘅一張


天國的階梯。。。好少地方可以高抄落去影到咁長嘅電梯呀


講數。。。有野就三口淥麵講清楚


光纖


O咀


遺棄。。。的聲音又響起了


肥仔


六叔。。。六個大叔

科學怪人畢業相

話說當日科學館免費，我未去過，入去玩啦喂～

見到有人影畢業相，又係攞住隻毛公仔，究竟毛公仔幾時開始同畢業相掛左勾架呢？加埋入科學館影，大家認為夠唔夠怪先？

如果你答案係“唔夠”，請繼續睇


轉頭又見番佢地。。。。我覺得係最有創意兼最唔老黎嘅畢業相囉