香港今日有個白絲瀑布

今朝（星期日）一早，明明有太陽，出去影相啦又。。。

中計，下晝個天落狗屎。。。


睇下，城門河出現左一個疑似輕井澤嘅白絲瀑布，不過城門河咁污糟，C瀑布就有份


期間細雨又停下雨，博懵再搵野影，睇下，影左一對眼


大雨後，火鳳凰屍橫遍野。。。

一朵火鳳凰


好多火鳳凰


同埋好多好多火鳳凰


跟住又落過，唯有番歸

怪人系列之。。。。怪師奶vs怪師奶

落街食碗麵

落左柯打等麵期間，一個師奶埋嚟搭枱（我認，我係怪師奶磁石）

一埋嚟就咳幾野，心諗：咳唔好坐埋嚟啦

跟住，師奶伙計拎我碗”腸肚麵“嚟。。。

怪師奶望一望，跟住問：有腸呀？

師奶伙計：有呀，想食乜吖？

怪師奶：有大腸呀？

師奶伙計：有呀，你想食乜吖？（咦！重播喎）

跟住沉默

我埋頭食緊我碗麵，望一望，原來師奶伙計走左，而對面嘅怪師奶竟然。。。入左定，雙眼望住筷子筒，無表情，呆哂

師奶伙計又醒呀，你入定佢就走人

隔左兩分鐘，怪師奶醒番大聲話：寫野呀

無人理佢喎，咁師奶伙計（S）又真係忙緊其他野

隔左一陣，頭先個師奶伙計走埋嚟問：食乜呀？

怪師奶好大聲夾無準咁答：腸

師奶伙計：腸乜呀？

怪師奶：腸。。。肚米麵

師奶伙計：腸肚咩野？

怪師奶：腸肚河，都係河粉啦

師奶伙計：飲唔飲野呀？

怪師奶：。。。。

師奶伙計：飲唔飲野呀？

同一時間有人嗌外賣，師奶伙計走去落單，跟住唔再問佢飲唔飲野啦，因為，我都留意到，怪師奶又入左定啦

但食野絕對正常喎，無入定喎
﹣﹣﹣﹣﹣﹣﹣﹣﹣﹣﹣﹣
同朋友講起呢件事，佢話可能係精神有問題果D，但我睇佢外表真係正常喎，就好似樂壇某兩公婆咁，外表睇好正常架，但無新聞果排就會話自己抑鬱咁囉

宜嫁娶，宜搬屋，宜。。。

舊年寫過，上環即將有間ibis hotel，中文點釋架呢？記唔記得呀？

今日去北角，見到另一間ibis hotel，原來係宜必思，以為會易做易必思（即係easy)，原來係宜必思(suitable)。。。



令我諗起通勝呀，今日吉日呀，宜嫁娶、宜搬屋、宜開張、宜祈福、宜必思

完

舊相﹣台灣打工的日子

呢張相係一個長長故事，先講上半部。。。


呢份工，一半時間喺香港，一半時間喺高雄，做嘅係一個展覽館嘅展覽工程，只係做左三個月，但印象難忘

番香港時，要著西裝打呔架，去高雄執定一套見人嘅，其餘都係靚少少嘅tee牛仔褲，點知到機場見其他同事個個由西裝骨骨變就好爛鬼笪笪果隻喎

去到高雄至知，原來個館係未起好嘅，入口係地盆，出入要戴安全帽，又因為地盆很大，所以後期學識揸大膽電單車於地盆範圍行走，呢D都係屋企人唔知嘅

講番張相，點解件衫濕哂？高雄好熱架，日日都34度架啦，兼展覽館係無冷氣架，著靚都無用啦，日日焗桑拿，果期真係肥唔起架

一入去，地盆一樓浸哂水，聽聞前一星期要著水鞋澗水，我第一日到埗時雖然都浸，但踏木板唔駛澗水，但好多好多蚊

但第一日開工即出意外，我諗我死都記得，同事剩係帶我路去到我工作嘅“科學館”，即係上左三樓，經過“兒童館”，但係佢每個館好似會展D展覽咁大，轉左又轉右其實唔認得路，跟住我就喺會場度尺，做左無一粒鐘，突然。。。

停電

黑到乜都睇唔到，好彩我有個蚊型隨身電筒，用蚊型隨身電筒搵我個背包，入面有公司派嘅大電筒，鎮定，嗌救命先，用齊廣東英文加國語都無人理我，當時亦無電話，唯有玩迷宮遊戲，見過呢隻蟻就直行，見到sir滑梯，咦！呢舊無見過，再照，見到個小丑，嚇到叫左出嚟；
成地垃圾，又驚踏錯腳，仆親就死得

玩左20分鐘左右，終於見到光，原來好叻咁行番去樓梯口，跟住行番office（地盆對面），見到所有同事都齊人，問佢地無諗過我唔識路架，竟然原來真係無人諗過兼無人發覺我未番去，我當時即刻知我有幾好人緣啦

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
下集：點解會番呢份工

可能係香港最多樓梯嘅山

四月尾（哇，過哂期呢篇），去粉嶺蝴蝶山，上網睇話蝴蝶不多，但去得嘅都去得八八九九，無蝶都去啦

去到，一開始就樓梯，接住係樓梯，之後都係樓梯，樓梯，樓梯，樓梯，樓梯


行左200級左右，有幾個阿嬋同阿叔喺度排哂隊，攞山水，但山水喺個細洞流出嚟，好阿伯痾尿喎，有排排啦！其實D水攞嚟做乜架呢？拎落山都好係野架喎，會唔會係街邊檔拎嚟淥車仔麵架？


為左拎水，會唔會車仔都爛呢？


繼續上，行左無3000都2000級，佢嘅設計又夠特別喎，隔幾百級就有涼亭喎，而D行山客仲特別，有靚路唔行，行泥路

阿嬋係咁。。。


阿叔又係咁。。。


沿路真係見唔到水源喎，點會有蝶呀，正咁諗嘅時候，就見到呢隻，啱啱破蛹出嚟（早前出過呢張相），又覺得行上嚟都值得：）


仲見到另一隻“報喜斑粉蝶”


呢隻靚嘛？佢叫。。。“網絲蛺蝶”


灰蝶品種好多，隻隻差唔多樣，搵左好耐書，佢叫”古樓娜灰蝶“


發覺自己好鍾意昆蟲，尤其係蝴蝶，隻隻有唔同美態，但好難影囉；雖然難，但我決定。。。集郵

就由呢三隻開始啦

怪人系列之。。。。怪客6 大結局

前言：怪客，即係我嘅客，喺我心目中佢係一個正宗港女，同佢合作，心情好就笑爆咀，心情差就真係XXX。。。

嚟到大結局啦，睇下佢有乜金句

其實都係佢嚟我屋企果日（一日咁多金句堅難頂囉），佢問我同攝影師：有無講比你地聽我去馬爾代夫渡蜜月呀？

我：有呀，聽過啦，你仲話今年要去四次旅行吖嘛

攝影師：有錢人喎，馬爾代夫好貴喎

怪人：唔貴，萬零蚊日咋嘛，渡蜜月唔慳得嘅

第一回合完
﹣﹣﹣﹣﹣﹣﹣﹣﹣﹣﹣﹣﹣﹣
隔左兩個鐘，我同攝影師邊影相邊傾計。。。

我：喂，有無發覺呀，D豬肉越嚟越貴呀

怪人插咀：係呀，好貴呀

攝影師：我地（兩公婆）會買舊大嘅煲湯，五六十蚊，分兩餐飲，好似抵D囉

怪人插咀：我分三餐㖭呀（真係乜都要鬥過咁喎）

攝影師：你都幾怪架喎，馬爾代夫萬零蚊唔貴，煲湯豬肉幾十蚊就嗌貴

全場DEAD AIR
﹣﹣﹣﹣﹣﹣﹣﹣﹣﹣﹣﹣﹣﹣﹣

怪客雖然大結局，但香港咁多怪人，怪人系列係不死嘅

與家姐的WhatsApp

1/家姐口味獨特，蘋果要粉嘅，粟米要粉兼唔甜嘅，街市間中會出現，白色嘅，無味果D

咁見到呢張poster，send比家姐。。。


2/讀書年代，家姐D同學成日上嚟屋企溫書，所以好熟，事隔“幾”年，其中一個變左某機構市場代言人，間中會喺新聞見到佢，所以我認得佢。。。